មហាសាមគ្គីជនជាតិ គំរូក្នុងសហគមន៍

25/05/2020 - 15:42

ទឹក​ព្រះ​ទ័យ​ព្រះ​ឧបជ្ឈាយ៍ថា​ច់​ហូន

មក​កាន់​ឃុំ​ឡាយ​ហ្វា ទីរួម​ខេត្ត​វិញ​ចូវ​ ខេត្ត​សុក​ត្រាំង​ សួរ​រក​ព្រះ​ឧបជ្ឈាយ៍ថា​ច់​ហូន ព្រះ​ចៅ​អធិ​ការ​វត្ត​ទេ​ពារាមព្រៃ​ជាប់​ អ្នក​ណា​ក៏​ស្គាល់ទាំង​អស់​។​ ពី​ព្រោះ​ព្រះ​អង្គ​ខ្នះ​ខ្នែង​គិត​គូរ​កសាង​វត្ត​អា​រាម​ ចូល​រួម​រាល់​សកម្ម​ភាព​សង្គម​នៅ​ភូមិ​ភាគ​ និង​អស់​ព្រះ​ទ័យ​ចំ​ពោះ​ការ​ងារ​អប់​រំដល់​កូន​ចៅ​ជន​រួម​ជាតិ​ខ្មែរ​។​

ព្រះ​ឧបជ្ឈាយ៍ថា​ច់​ហូន។​

លោកអ៊ំ​តាំង​ហ៊ុម​ ទីប្រឹក្សា​គណៈ​កម្ម​ការ​វត្ត​ព្រៃ​ជាប់​ ឱ្យ​ដឹង​៖ “វត្ត​អា​រាម​បាន​កសាង​យ៉ាង​ល្អ​ប្រ​ណីត​ ស្អាត​បាត​ ព្រះ​សង្ឃ​មាន​ឱកាស​សិក្សា​រៀន​សូត្រ​ត្រឹម​ត្រូវ​ ព្រម​ទាំង​ការ​ងារ​ក្នុង​វត្ត​រៀប​រយ​សណ្ដាប់​ធ្នា​ប់​ទាំង​អស់​នេះ​គឺជា​ស្នា​ព្រះ​ហស្ត​របស់​ព្រះ​ឧបជ្ឈាយ៍ថាច់​ហូន។​ ប៉ុន្មាន​ឆ្នាំ​មុន​ ព្រះ​ឧបជ្ឈាយ៍​បាន​និមន្ត​ទៅ​តាម​ភូមិ​ ចលនា​មាមីង​ពុទ្ធ​បរិស័ទ​បរិច្ចាគ​ដី​ជូន​រដ្ឋ​ ដើម្បី​កសាង​ទីតាំង​សាលា​បឋម​សិក្សា​ ៣​ កន្លែង​សម្រាប់​កូន​ចៅ​ខ្មែរ​រៀន​សូត្រ​។​ បច្ចុប្បន្ន​ ព្រះ​អង្គ​ក៏​បាន​បរិច្ចាគ​ដី​ដើម្បី​កសាង​សាលា​រៀន​ផង​ដែរ​ ម្ល៉ោះ​ហើយ​មាមីង​ខ្មែរ​អ្នក​ណា​ក៏​តែង​ដឹង​គុណ​និង​កត់​សម្គាល់​ទឹក​ព្រះ​ទ័យ​ព្រះ​អង្គ​។​ វត្ត​ដែល​មាន​ព្រះ​ចៅ​អធិ​ការ​អស់​ពី​ព្រះ​ទ័យ​ដើម្បី​សាសនា​និង​សង្គម​ ពិត​ជាមាន​កិត្តិយស និង​មោទនភាព​ណា​ស់​”។​

ជិត​មួយ​ឆាក​ជីវិតផ្សារភ្ជាប់​នឹង​វត្ត​អា​រាម​ ព្រះ​ឧបជ្ឈាយ៍ថាច់​ហូន តែង​អស់​ពី​ព្រះ​ទ័យជាមួយ​សាសនា​ជានិច្ច​។​ ចំ​ពោះ​វត្ត​អា​រាម​ ព្រះ​អង្គ​បាន​ចលនា​មាមីង​រួម​វិភាគ​ទាន​កសាង​វត្ត​កាន់​តែសមរម្យ​ស្រស់​ស្អាត​ ដើម្បី​ព្រះ​សង្ឃ​ស្ងប់​ចិត្ត​សិក្សា​រៀន​សូត្រ​ និង​មាមីង​ធ្វើ​សក្កា​របូជា​។​ ចំ​ពោះ​ព្រះ​សង្ឃ​ក្នុង​វត្ត​ ព្រះ​អង្គ​គ្រប់​គ្រង​យ៉ាង​តឹង​រ៉ឹង ដើម្បី​ព្រះ​សង្ឃ​នឹង​នររៀន​សូត្រ​គោ​រពប្រ​តិបត្តិ​ធម៌​អា​ថ៌វិន័យ​តាម​ពុទ្ធោ​វាទ​នៃ​ព្រះ​សម្មា​សម្ពុទ្ធ​។​ រៀង​រាល់​ឆ្នាំ​ ក្នុង​វត្ត​បើក​ថ្នាក់​បង្រៀនធម្ម​វិន័យ ​និង​បាលី​ ចាប់​ពី​ថ្នា​ក់​ទី១​ដល់​ថ្នា​ក់​ទី៣​ សម្រាប់​ព្រះ​សង្ឃ​ក្នុង​និង​ក្រៅ​ខេត្ត​សិក្សា​រៀន​សូត្រ​។​ រដូវ​វិស្សមកាល​ក្នុង​វត្ត​បើក​បង្រៀន​អក្សរ​ខ្មែរ​ដល់​សិស្សា​នុសិស្ស​ចូល​មក​រៀនជាង​២០០នាក់។​ ព្រះ​ ឧបជ្ឈាយ៍ថាច់​ហូន មាន​ថេរដី​កា​៖  “ឆ្នាំ​នេះ​ អា​ត្មា​មាន​ព្រះ​ជន្ម៧​៧​ព្រះ​វស្សា​ទៅ​ហើយ​ មួយ​ឆាក​ជីវិត ផ្សារ​ភ្ជាប់​នឹង​វត្ត​អា​រាម​ និង​សាសនា​ ម្ល៉ោះ​ហើយ​ត្រូវ​បំ​ពេញ​ភារ​កិច្ច​បាន​ល្អ​ក្នុង​នាម​ជា​អ្នក​បួស។​ ជាសមាជិករដ្ឋសភា​ នីតិ​កាល​ XIII អនុប្រ​ធាន​សមាគម​ព្រះ​សង្ឃ​សាម​គ្គី​ស្នេហា​ជាតិ​ខេត្ត​ ដូច្នេះ​ អា​ត្មា​តែង​ធ្វើ​ជាគំ​រូ​ដល់​ព្រះ​សង្ឃ​ ដើម្បី​ចលនា​ពុទ្ធ​បរិស័ទ​អនុវត្ត​ល្អ​គោ​លការ​ណ៍​ គោ​លនយោ​បាយ​របស់​បក្ស​ ក្រឹត្យច្បាប់​របស់​រដ្ឋ​។​ ជាពិសេស​ចលនា​ពុទ្ធ​បរិស័ទ​ពង្រីក​សេដ្ឋ​កិច្ច​ កាត់​បន្ថយ​ភាព​ក្រី​ក្រ កសាង​ធ្លុង​មហា​សាម​គ្គី​ជន​ជាតិ​។​ល។​ អា​ត្មា​គិត​ថា​៖ ជីវ​ភាព​ពុទ្ធ​បរិស័ទសម្បូរ​ធូរ​ធារ​ ព្រះ​សង្ឃ​បួស​រៀន​បាន​ត្រឹម​ត្រូវ​ នោះ​ទើប​សាសនា​រឹង​មាំរីក​ចម្រើន​ផង​ដែរ​”។​ ដោយ​តាំង​ចិត្ត​ថា​ “ព្រះ​សង្ឃ​សិក្សា​រៀន​សូត្រ​ គឺពឹង​លើពុទ្ធ​បរិស័ទ​ ខណៈ​ពេល​ពុទ្ធ​បរិស័ទ​ក្រលំ​បាក​នោះ​ អា​ត្មា​ភាព​នឹង​ឧបត្ថម្ភ​” បាន​ជារៀង​រាល់​ឆ្នាំ​ ព្រះ​អង្គ​បាន​ចលនា​សប្បុរស​ជន​ ជូន​អង្ករ​ដល់​គ្រួ​សារ​ក្រី​ក្រ ក្នុង​ឃុំ​ឡាយ​ហ្វាពី​២​-៣​តោន​។​

លោក​ហូថា​ញ់ហ៊ុង ប្រ​ធាន​គណៈ​កម្មា​ធិការ​ប្រ​ជាជន​ឃុំ​ឡាយ​ហ្វា ឱ្យ​ដឹង​៖ “មិន​ត្រឹម​តែអនុវត្ត​ល្អ​ក្នុង​នា​មជាព្រះ​ចៅ​អធិ​ការ​វត្ត​ប៉ុណ្ណោះ​ទេ​ ព្រះ​ឧបជ្ឈាយ៍ថាច់​ហូន តែង​ខ្នះ​ខ្នែង​ចូល​រួម​សង្គម​ទៀត​ផង​។​ ដោយ​ទឹក​ព្រះ​ទ័យ​សន្តោសប្រោស​ប្រ​ណីនិង​ចង់​ឱ្យ​កូន​ចៅ​ខ្មែរ​ឃុំ​ឡាយ​ហ្វាបន្ត​ការ​រៀន​សូត្រ​ ព្រះ​អង្គ​បានបរិច្ចាគ​ដី​ជូន​រដ្ឋ​ជាង​ ១​,៦​ហិកតា​ សម្រាប់​កសាង​ សាលា​រៀន​។​ ឆ្លង​តាម​រយៈ​នោះ​ ផ្នែក​អប់​រំក៏​បាន​កសាង​សាលា​រៀន​ចំ​នួន​៣​ ដោយ​មាន​៣​កម្រិត​គឺ អនុវិទ្យា​ល័យ​ បឋម​សិក្សា​និង​មត្តេយ្យ។​ តាម​ការ​គ្រោង​ទុក​ ឆ្នាំ​ក្រោយ​សាលា​នឹង​ដាក់​ឱ្យ​ប្រើ​ប្រាស់​។​ ដូច្នេះ​ រដ្ឋ​អំ​ណា​ច​និង​ប្រ​ជា​ជន​ឃុំ​ឡាយ​ហ្វា តែង​ដឹង​គុណ​និង​កត់​សម្គាល់​នូវ​ទឹក​ព្រះ​ទ័យ​របស់​ព្រះ​ ឧបជ្ឈាយ៍ថា​ច់​ហូន”៕​ 

             យ្វីអា​ញ់-លីសៀ

ចែករំលែកអត្ថបទ
ពាក្យគន្លឹះ
លោកអ៊ំ​តាំង​ហ៊ុម​