មហាសាមគ្គីជនជាតិ ភូមិស្រុកផ្លាស់ថ្មី

20/04/2020 - 16:00

អំពូលភ្លើងផ្លូវ ប្រើថាមពលព្រះអាទិត្យនៅដាឡុក

បង្កើតស្នាដៃអំណរមហាសន្និបាតបក្សគ្រប់លំដាប់ថ្នាក់ ឃុំដាឡុក ស្រុកចូវថាញ់ ខេត្តត្រាវិញ បានចលនាប្រជាជន សប្បុរសជនកសាងដងផ្លូវ “ភ្លឺ បៃតង ជ្រះ ស្អាត” មានដាក់អំពូលផ្លូវប្រើ ថាមពលព្រះអាទិត្យនៅតាមផ្លូវជនបទមួយចំនួនលើភូមិសាស្រ្តឃុំ។ តាមការវាយតម្លៃរបស់រដ្ឋអំណាចនិងប្រជាជនក្នុងឃុំ ការដាក់អំពូលភ្លើងផ្លូវប្រើថាមពលព្រះអាទិត្យ ជួយប្រិតសំចៃអគ្គិសនី ផ្គត់ផ្គង់ ថាមពលអគ្គិសនីបង្កើតឡើងជាបន្តបន្ទាប់ បង្កើតផលវិជ្ជមាន ម៉្លោះហើយទទួលបានការគាំទ្រយ៉ាងពេញទំហឹងពីសំណាក់ប្រជាជន។

ប្រព័ន្ធអគ្គិសនីថាមពលព្រះអាទិត្យ ត្រូវបានដាក់នៅមុខខ្លោងទ្វារវត្ត ចម្បីសោភ័ណ (ត្រោកកើត) ឃុំដាឡុក។

លោក ត្រឿងកិញហ្វា លេខាគណៈកម្មាធិការបក្សឃុំដាឡុក ឱ្យដឹង៖ “ដងផ្លូវ “ភ្លឺ បៃតង ជ្រះ ស្អាត” មានដាក់អំពូលភ្លើងផ្លូវប្រើថាមពលព្រះអាទិត្យនៅតាមផ្លូវកៅស៊ូជនបទ នៅភូមិហឿងភូ A ហឿងភូ B ហឿងភូ C និងផ្លូវដានភូមិហឿងភូ C សរុបប្រវែង ៨,៦ គីឡូមែ៉ត្រ ជាមួយនឹងថវិកាជាង ៤២២ លានដុង។ បច្ចុប្បន្ន ឃុំដាំបង្គោលភ្លើងបានចំនួន ៨៣ ចន្លោះពីបង្គោលមួយទៅបង្គោលមួយប្រវែង ៣០ម៉ែត្រ បង្គោលនីមួយៗកម្ពស់ប្រមាណពី ៣,៥-៤ ម៉ែត្រ សរុបប្រវែងផ្លូវប្រមាណ ២,៥ គីឡូម៉ែត្រ សរុបថវិកាជិត ១៤២ លានដុង អាស្រ័យប្រជាជននិងសប្បុរសជនស្ម័គ្រចិត្តរួមវិភាគទាន”។

អ្នកមីងថាច់ធីង៉ៀ នៅភូមិហឿងភូ A ឱ្យដឹង៖ “កន្លងហើយ រដ្ឋអំណាចភូមិភាគមកចលនាគ្រួសារអនុវត្តសំណង់ផ្លូវ “ភ្លឺ បៃតង ជ្រះ ស្អាត” ក្នុងនោះ មានដាក់អំពូលភ្លើងផ្លូវ គ្រួសារខ្ញុំរីករាយគាំទ្រនិងរួមវិភាគទាន១,៩លានដុង។ ខ្ញុំគិតថា ទង្វើនេះមានអត្ថន័យ រួមចំណែកជាមួយភូមិភាគអនុវត្តល្អភារកិច្ចអភិវឌ្ឍសេដ្ឋកិច្ច-សង្គម។ ក្រៅពីនោះ ការតម្លើងប្រព័ន្ធភ្លើងផ្លូវប្រើថាមពលព្រះអាទិត្យ ប្រជាជនមានការស្ងប់ចិត្ត ពីព្រោះមិនបង់ថ្លៃអគ្គិសនី ប៉ុន្តែនៅតែជួយប្រជាជនធ្វើដំណើរទៅមកយប់ព្រលប់មានភាពងាយស្រួល”។ លោកហ្វិញវ៉ាន់ដុង ស្នាក់នៅភូមិជាមួយអ្នកមីងង៉ៀ ឱ្យដឹងដោយក្តីរីករាយ៖ “ពីមុនពុំទាន់មានអំពូលភ្លើងផ្លូវ ពេលយប់តិចមាមីងទៅមក។ ឥឡូវនេះ ពេលយប់តាមដងផ្លូវមានភ្លើងភ្លឺ ប្រជាជនរំភើបចិត្តណាស់។ មានភ្លើងបំភ្លឺផ្លូវ អ្នកវ័យចំណាស់ឆាប់ក្រោកដើរហាត់ប្រាណ ការលក់ដូរក៏មានភាពងាយស្រួល។ កសិករជាច្រើនកំពុងគ្រោងគិតនៅពេលខាងមុខ គាំទ្រការដាក់កាមេរ៉ាសុវត្ថិភាព ដើម្បីធានាសន្តិសុខសណ្តាប់ធ្នាប់នៅភូមិភាគ។ គ្រួសារខ្ញុំគាំទ្រនិងរួមវិភាគទានប្រាក់៤លានដុង ដើម្បីរដ្ឋអំណាចភូមិភាគដាក់ភ្លើងផ្លូវប្រើថាមពលព្រះអាទិត្យ”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ