មហាសាមគ្គីជនជាតិ គំរូក្នុងសហគមន៍

30/03/2020 - 15:04

អ្នកមានប្រជាប្រិយក្នុងជនរួមជាតិខ្មែរ

លោក ចៅស៊ីន

ប៉ុន្មានឆ្នាំកន្លង នៅលើភូមិសាស្រ្តឃុំវ៉ាន់យ៉ៅ ស្រុកទិញបៀង ខេត្តអាងយ៉ាង មានគំរូលេចធ្លោជាច្រើននៅតំបន់ជនជាតិភាគតិច។ ក្នុងនោះ លោកចៅស៊ីន ជាគំរូម្នាក់ក្នុងចំណោមអ្នកទាំងឡាយនោះដែរ។ គាត់បានរួមចំណែក ក្នុងការផ្សព្វផ្សាយនូវគោលមាគា៌ គោលការណ៍របស់បក្ស ច្បាប់របស់រដ្ឋដល់ជនរួមជាតិខ្មែរនៅលើភូមិសាស្រ្ត។

លោកចៅស៊ីន កើតឆ្នាំ ១៩៥១ ក្នុងគ្រួសារកសិករក្រីក្រនៅភូមិពង្រ ឃុំវ៉ាន់យ៉ៅ ស្រុកទិញបៀង ខេត្តអាងយ៉ាង។ លោកចៅស៊ីន ឱ្យដឹង៖ “កាលដើមឡើយ គ្រួសារខ្ញុំក៏ឋិតក្នុងក្របខ័ណ្ឌគ្រួសារក្រីក្រ គ្មានដីផលិត ជីវភាពជួបការលំបាក ហើយដើរធ្វើការឈ្នួលស្ទើរគ្រប់ទីកន្លែង ដើម្បីជីវភាពប្រចាំថ្ងៃ។ ឥឡូវ ប្ដីប្រពន្ធខ្ញុំមានជីវភាពធូរធារ កូនទាំងពីរនាក់ក៏មានគ្រួសាររៀងៗខ្លួន ហើយជីវភាពធូរធាបង្គួរ”។ ទោះបីមានអាយុ៦៩ឆ្នាំក៏ដោយ ប៉ុន្តែជាមួយនឹងពិសោធន៍ក្នុងជីវភាពការយល់ពីទំនៀមទម្លាប់ លក្ខណៈវប្បធម៌របស់ជនរួមជាតិខ្មែរ លោកចៅស៊ីន បានមាមីងជំនឿទុកចិត្តនិង តែងតាំងជាអ្នកមានប្រជាប្រិយក្នុងជនរួមជាតិខ្មែរ។

ចាប់ពីឆ្នាំ ២០១៥ មកទល់បច្ចុប្បន្ន ក្នុងនាមជាសមាជិករណសិរ្សមាតុភូមិវៀតណាមម្នាក់គាត់រួមជាមួយក្រុមសម្របសម្រួលរបស់ឃុំ បានផ្សះផ្សាសម្រេចជោគជ័យ ៧៥/៧៥ ករណីប្ដឹងតវ៉ារបស់ប្រជាជន។ ទន្ទឹមនឹងនោះ គាត់នៅទាំងចូលរួមកៀរគរ មូលនិធិសង្គមសប្បុរសធម៌ដូច៖ អង្ករ ប្រាក់ជំនួយដល់គ្រួសារក្រីក្រ មនុស្សចាស់គ្មានទីពឹង គ្រួសារគោលនយោបាយជួបការលំបាកពេលឈឺថ្កាត់ ម្ដងៗ។ល។ សរុបថវិកា៦ពាន់លានដុង និងកៀរគរមូលនិធិសិក្សាជាង៥០៣លានដុង ដើម្បីជំនួយដល់ប្អូនៗសិស្សានុសិស្សជាជនរួមជាតិខ្មែរដែលមាន ជីវភាពលំបាក ។ ទន្ទឹមនឹងនោះ គាត់ចលនាប្រជាជនបរិច្ចាគដី បើកទូលាយផ្លូវជនបទ អគ្គិសនីបំភ្លឺ អនាម័យបរិស្ថានដើម្បីការពារជំងឺ។ល។ សរុបថវិកាជាង៦៨០លានដុង។ លោកចៅស៊ីន នៅទាំងចល នាសប្បុរសជនទិញឡានដឹកអ្នកជំងឺក្រីក្រដោយឥតគិតថ្លៃ សរុបថវិកាជាង១៨១ លានដុង ក្នុងនោះ គ្រួសារគាត់ឧបត្ថម្ភជាង២០លានដុងនិងជំនួយប្រាក់ប្រេងសាំង២ លានដុងក្នុងមួយឆ្នាំ។ គាត់ក៏បានបម្រុងដីស្រែចំនួន២,៥ហិកតា សម្រាប់ឱ្យមាមីងធ្វើ ប្រវាស់ និងទិញគោមេ ២៥ ក្បាលទៀតឱ្យគ្រួសារ ក្រីក្រ ២៥ គ្រួសារចិញ្ចឹមប្រវាស់ មកទល់បច្ចុប្បន្ន គ្រួសារទាំងនោះ ជាសន្សឹមបានចាកផុតពីភាពក្រីក្រ។ ផ្ដើមពីនោះ បានរួមចំណែកជាមួយភូមិភាគ អនុវត្តល្អការងារកាត់បន្ថយភាពក្រីក្រក្នុងជនរួមជាតិខ្មែរប្រកបដោយចីរភាព។

ដងផ្លូវជនបទឃុំវ៉ាន់យ៉ៅ បានក្រាលបេតុងរួចរាល់។

លោក ហូវ៉ាន់ឌឹក អនុប្រធានគណៈកម្មាធិការប្រជាជនឃុំវ៉ាន់យ៉ៅ ឱ្យដឹង៖ គ្រួសារលោកចៅស៊ីន តែងអនុវត្តល្អរាល់គោលការណ៍ គោលនយោបាយ ច្បាប់របស់បក្ស រដ្ឋនិងសកម្មចូលរួមក្នុងការចលនារបស់ភូមិភាគ។ ហេតុនោះ លោកបានទទួលស្គាល់ជាកសិករផលិតនិងធ្វើអាជីវកម្មចពូកែថ្នាក់ខេត្ត ព្រមទាំងបាននាយករដ្ឋមន្ត្រីជូនបណ្ណសរ សើរ ដោយមានស្នាដៃឆ្នើមក្នុងការចលនាប្រឡងប្រណាំងផលិត ធ្វើអាជីវកម្មពូកែ ដំណាក់កាល២០០១-២០០៥ និងបានប្រធានគណៈកម្មាធិការប្រជាជនខេត្តអាងយ៉ាងជូនបណ្ណសរសើរដោយមានស្នាដៃឆ្នើមក្នុងការចលនាប្រឡងប្រណាំងស្នេហាជាតិដំណាក់កាល២០០៩-២០១៤៕

អត្ថបទ & រូបថត៖ ទីទុយ

ចែករំលែកអត្ថបទ

ពាក្យគន្លឹះ