មហាសាមគ្គីជនជាតិ ភូមិស្រុកផ្លាស់ថ្មី

23/03/2020 - 14:15

ផ្តោតទៅលើគម្រោងផែនការ បណ្តុះបណ្តាលកម្មាភិបាល បុគ្គលិក អ្នករដ្ឋការជាជនជាតិភាគតិច

កម្មាភិបាលខ្មែរ (ខាងស្តាំ) សមាគមកសិករស្រុកទ្រីតូងស្វែងយល់គំរូផលិតកម្មនៅតំបន់ជនជាតិខ្មែរ។

អានយ៉ាង៖ យោងតាមគណៈជនជាតិខេត្តអានយ៉ាង ការងារគម្រោងផែនការកងជួរកម្មាភិបាល បុគ្គលិក អ្នករដ្ឋការជាជនជាតិភាគតិច ត្រូវបានខេត្តផ្តោតការយកចិត្តទុកដាក់អនុវត្តតាំងពីកំពុងសិក្សានៅកម្រិតចំណេះទូទៅ ដើម្បីបង្កប្រភព ជ្រើសរើសចូលរៀនមហាវិទ្យាល័យនិងជម្រើសចូលធ្វើការបន្ទាប់ពីបញ្ចប់ការសិក្សា។ ទន្ទឹមនឹងនោះ ខេត្តក៏ផ្តោតការយកចិត្តទុកដាក់បណ្ដុះបណ្តាលជំនាញ បំពាក់បំប៉នបទដ្ឋានឱ្យកម្មាភិបាលជាជនជាតិភាគតិច។ ការងារជម្រើសបុគ្គលិក អ្នករដ្ឋការជាជនជាតិភាគតិច ត្រូវបានអនុវត្តរបបអាទិភាពសព្វគ្រប់ ព្រមជាមួយនោះ ខេត្តក៏បានអនុវត្តលើកលែងប្រឡងវិញ្ញាសាអង់គ្លេសចំពោះជនជាតិខ្មែរចាម។ មកទល់នឹងបច្ចុប្បន្ន ឃុំ សង្កាត់ ទីប្រជុំជន ក្នុងខេត្ត សុទ្ធតែមានកងកម្លាំងស្នូលជាជនជាតិភាគតិចគំរូ ដំណើរការប្រកបដោយប្រសិទ្ធភាព ខ្នះខ្នែង ចលនាមាមីងគោរពអនុវត្តល្អគោលការណ៍របស់បក្ស គោលនយោបាយនិងច្បាប់របស់រដ្ឋ ក៏ដូចជាពាំនាំនូវគោលបំណងរបស់មាមីងដល់រដ្ឋអំណាចគ្រប់លំដាប់ថ្នាក់បានទាន់ពេលសមស្រប។

ទូទាំងខេត្តអានយ៉ាង បច្ចុប្បន្ន មានកម្មាភិបាល បុគ្គលិក អ្នករដ្ឋការជាជនជាតិភាគតិចចំនួន ១.៥២២រូប ស្រូបអត្រា៣,៤២% បើប្រៀបធៀបនឹងចំនួនកម្មាភិបាល បុគ្គលិក អ្នករដ្ឋការទូទាំងខេត្ត រួមចំណែកលើកកម្ពស់គុណភាព សកម្មភាពរបស់ប្រព័ន្ធនយោបាយគ្រប់លំដាប់ថ្នាក់ក្នុងតំបន់ដែលមានជនជាតិភាគតិចរស់នៅកុះករ។ បច្ចុប្បន្ន ខេត្ត នមានកម្មាភិបាលជាជនជាតិភាគតិចចំនួន១២៣រូប ចូលរួមបម្រើការនៅគណៈកម្មាធិការបក្សគ្រប់លំដាប់ថ្នាក់ មានអ្នកតំណាងជនជាតិខ្មែរមួយរូប ជាអ្នកតំណាងរដ្ឋសភានីតិកាល១៤ និងមានអ្នកតំណាងជនជាតិខ្មែរចំនួន២៥៨រូប ចូលរួមក្នុងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល២០១៦-២០២១៕

ថាញ់ឡុង-មុនី

ចែករំលែកអត្ថបទ

ពាក្យគន្លឹះ