ព្រឹត្តិការណ៍ - នយោបាយ ព្រឹត្តិការណ៍

09/03/2020 - 16:07

រំលឹកវិញ្ញាណក្ខ័ន្ធយុទ្ធនារីពលី វីរៈកងកម្លាំងប្រដាប់អាវុធប្រជាជននាងង៉ែត

ថ្ងៃទី៣ ខែមីនា គណៈកម្មាធិការប្រជាជន ស្រុកទ្រីតូង (អាងយ៉ាង) បានប្រារព្ធធ្វើពិធីរំលឹក វិញ្ញាណក្ខ័ន្ធលើកទី៥៨ ថ្ងៃពលីជីវិតរបស់យុទ្ធនារីពលី វីរៈកងកម្លាំងប្រដាប់អាវុធប្រជាជន នាង ង៉ែត(១០/២/១៩៦២-១០/២/២០២០)។

ថ្នាក់ដឹកនាំនិងភ្ញៀវកិត្តិយស គោរពវិញ្ញាណក្ខ័ន្ធវីរៈនារីនាងង៉ែត។

វីរៈនារីកងកម្លាំងប្រដាប់អាវុធប្រជាជននាងង៉ែត សកម្មភាពបដិវត្តន៍តាំងពីអាយុ១៨ឆ្នាំ ការងារជាអ្នកនាំសារ ផ្គត់ផ្គង់ស្បៀងអាហារ ថ្នាំសង្កូវដល់កងទ័ព និងចូលរួមសកម្មភាពក្នុងសមាគមនារីរំដោះឃុំអូឡឹម។ បងស្រីតែងនាំមុខក្នុងចលនា តស៊ូប្រឆាំងនិងដឹកនាំប្រមូលផ្តុំប្រជាជន បោសសម្អាត បំផ្លិចបំផ្លាញ់របស់ខ្មាំង។ ឆ្នាំ១៩៦២ បងស្រីត្រូវខ្មាំងចាប់។ ទោះបីត្រូវខ្លាំងវាយសង្ខុញយ៉ាងព្រៃផ្សៃក៏ដោយ ប៉ុន្តែបងស្រីនៅតែប្ដេជ្ញាមិនឆ្លើយ។ បងស្រី បានពលីជីវិតនៅឆ្នាំ១៩៦២ ក្នុងវ័យ២០ឆ្នាំ។

ដើម្បីរំលឹកនូវស្នាដៃប្រយុទ្ធយ៉ាងអង់អាចរបស់ បងស្រីនាងង៉ែត ថ្ងៃ២៥/៣/២០០៥ ប្រធានរដ្ឋ បានឧទ្ទិសជូនកិត្តិនាម វីរៈនារីកងកម្លាំងប្រដាប់អាវុធប្រជាជនដល់បងស្រីនាងង៉ែត។ បងស្រីជាស្ត្រីខ្មែរម្នាក់គាត់នៅខេត្តអាងយ៉ាង បានប្រទានជូនកិត្តិនាមដ៏ឧត្តុង្គឧត្ដមនេះ។

យុទ្ធនារីពលី វីរៈកងកម្លាំងប្រដាប់អាវុធប្រជាជននាងង៉ែត ជានិមិត្តរូបនៃវីរភាពបដិវត្តន៍ ចំណងសាមគ្គីផ្សារភ្ជាប់ស្អិតល្មួតរវាងជនជាតិទាំងពីរកិញ -ខ្មែរ បងស្រី គឺជាក្តីមោទនរបស់ស្រ្តីភេទ របស់កងទ័ពប្រជាជន និងបក្ខភាគស្រុកទ្រីតូង។

មណ្ឌលរំលឹកវិញ្ញាណក្ខ័ន្ធបងស្រី បានកសាងនៅភូមិភឿកប៊ិញ (ឃុំអូឡឹម ស្រុកទ្រីតូង) ។ សំណង់មាន៣ផ្នែកៈ ពង្រីកបរិវេណមណ្ឌលផ្នូរបន្ថែម២.៧០០ម៉ែត្រការ៉េទៀត បង្កើនកំរិតដោយចាក់បេតុងនិងបើកទូលាយផ្ទៃផ្លូវចេញ២ម៉ែត្រទៀតចាប់ពីឃុំអូឡឹមដល់វត្តបាបឹង (ប្រវែង១.០២៥ម៉ែត្រ) ចាក់បេតុងកំណាត់ផ្លូវចូលទៅកាន់មណ្ឌលផ្នូរបងស្រីនាងង៉ែត ប្រវែង១២០ម៉ែត្រ ទទឹង៣ម៉ែត្រ។ សរុបថវិកា ចំណាយលើផ្នែកសំណង់ទាំងនេះជិត៣ពាន់លានដុង ពីថវិការបស់ស្រុក ថវិកាកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព ថវិកាកសាង ជនបទថ្មី និងចលនាប្រជាជនរួមវិភាគទាន។

អង្គភាពនានាបានមកចូលគោរពវិញ្ញាណក្ខ័ន្ធយុទ្ធនារីពលីនាងង៉ែត។

ក្រៅពីនោះ គណៈកម្មាធិការប្រជាជនឃុំអូឡឹម ថែមទាំងចលនាកម្លាំងយោធា សម្ព័ន្ធយុវជន អនាម័យបរិស្ថាន ប្រមូលសំរាម រៀបចំកែលម្អបរិវេណ ដងផ្លូវចាប់ពីសាលាសង្កសីដល់មណ្ឌលផ្សារឃុំ មានភាពស្រឡះស្រឡំ។

នាឱកាសប្រារព្ធពិធី លោកកាវវ៉ាងឡីម លេខាគណៈកម្មាធិការបក្ស ប្រធានគណៈកម្មាធិការប្រជាជនស្រុកទ្រីតូង បានរំលឹកឡើងវិញនូវប្រវេណីវីរភាព ក៏ដូចជាការរួមចំណែកដ៏ធំធេងរបស់យុទ្ធនារី ពលីនាងង៉ែត ក្នុងបុព្វហេតុតស៊ូ រំដោះជាតិ។ កេរ្តិ៍ឈ្មោះ និងគំរូតស៊ូពលីរបស់បងស្រី នឹងដក់ជាប់ជានិច្ចលើទឹកដីស្រុកទ្រីតូង។ បងស្រីជាគំរូនៃអត្តចរិត "ក្លាហាន អង់អាច ស្ម័គ្រស្មោះ ប៉ិនប៉ៅ" នៃសម្ដី៨ម៉ាត់ដែលអ៊ំហូ បានស្ងើចសរសើរដល់ស្រ្តីវៀតណាម។

"ខ្ញុំអំពាវនាវដល់កម្មាភិបាល បក្ខជន បងប្អូននារី យុវជនក្នុងស្រុក និងប្រជាជនទ្រីតូង ពង្រីកប្រវេណីបដិវត្តន៍ ស្នេហាជាតិ បញ្ចេញកម្លាំង កាតព្វកិច្ច ដើម្បីកសាងមាតុភូមិកាន់តែសម្បូរសប្បាយ ចំណងសាមគ្គីជនជាតិឋិតនៅជាអមតៈ" លោកកាវវ៉ាងឡីម បានសង្កត់ធ្ងន់ដូច្នេះ៕

ឌឹនផុង-ពេជ្រសឿន

ចែករំលែកអត្ថបទ

ពាក្យគន្លឹះ