មហាសាមគ្គីជនជាតិ គំរូក្នុងសហគមន៍

04/02/2020 - 10:13

សកម្មចលនាពុទ្ធបរិស័ទរស់នៅ “អនុវត្តល្អការងារសង្គម ប្រតិបត្តិល្អការងារសាសនា”

ហូវយ៉ាងមានវត្តពុទ្ធសាសនាខ្មែរចំនួន១៥ ប្រមូលផ្តុំនៅស្រុកចំនួន៤ គឺចូវថាញ់A វីធ្វី ឡុងមី និងក្រុងវីថាញ់។ រយៈពេលកន្លង សមាគមព្រះសង្ឃសាមគ្គីស្នេហាជាតិខេត្តហូវយ៉ាង តែងគិតគូរ បានល្អពីការសិក្សារបស់ព្រះសង្ឃ សកម្មចូលរួមការងារសប្បុរសធម៌សង្គម និងចលនាជនរួមជាតិខ្មែររស់នៅអនុវត្តល្អការងារសង្គម ប្រតិបត្តិល្អការងារសាសនា។

លោកឡេសើុងហាយ អនុប្រធានគណៈកម្មាធិការជនជាតិ ជូនប័ណ្ណសរសើរដល់ព្រះសង្ឃដែលបានរួមចំណែកក្នុងការងារជនជាតិ សាសនានៅខេត្តហូវយ៉ាង។

សមាជិកនៃសមាគមព្រះសង្ឃសាមគ្គីស្នេហាជាតិខេត្តហូវយ៉ាង តែងអនុវត្តល្អការគិតគូរដល់ព្រះសង្ឃសិក្សាធម៌អាថ៌វិន័យ ខ្នះខ្នែងចលនាតាមវត្តបើកថ្នាក់បង្រៀនអក្សរខ្មែរ បាលីដល់ព្រះសង្ឃ និងកូនចៅជនរួមជាតិខ្មែរក្នុងរដូវវិស្សមកាល ពិសេសគឺខ្នះខ្នែងសហការជាមួយព្រះចៅអធិការនិងគណៈកម្មការវត្ត រៀបចំផ្សព្វផ្សាយគោលនយោបាយរបស់បក្ស ក្រឹត្យច្បាប់របស់រដ្ឋ ជូនព្រះសង្ឃនិងមាមីងខ្មែរ។ ទន្ទឹមនឹងនោះ ចលនាពុទ្ធបរិស័ទខិតខំពលកម្មផលិត ឈានឡើងចាកផុតពីភាពក្រីក្រ ធ្វើមានស្របច្បាប់។ អ្នកមីងធីបឹង នៅភូមិលេខ៤ ឃុំសាភៀង ស្រុកឡុងមី ឱ្យដឹង៖ “នាងខ្ញុំទៅវត្តក្នុងឱកាសថ្ងៃ សីល បានស្តាប់ព្រះចៅអធិការវត្តទេសនា ដោយលើកយកហេតុផលពីក្នុងសង្គម អ្នកធ្វើល្អបានល្អ ធ្វើអាក្រក់បានអាក្រក់ ម្ល៉ោះហើយនាងខ្ញុំបានយល់ខ្លះៗពីសង្គម។ ផ្តើមពីនោះ នាងខ្ញុំចលនា កូនចៅក្នុងគ្រួសារនិងអ្នកភូមិជិតខាងប្រឹងប្រែងធ្វើការរកស៊ី រួមចំណែកធ្វើឱ្យមានប្រយោជន៍ក្នុង ភូមិស្រុក ដើម្បីកសាងផ្លូវស្ពានជនបទឬក៏មូលនិធិអ្នកក្រ។ល។ នោះគឺជាទង្វើល្អ បម្រើប្រយោជន៍ រួមសម្រាប់ជីវភាពប្រចាំថ្ងៃ”។

ព្រះតេជព្រះគុណ យ័ញត្វឹង ប្រធានសមាគមព្រះសង្ឃសាមគ្គីស្នេហាជាតិខេត្តហូវយ៉ាង មានថេរដីកា៖ “ចាប់ពីបង្កើតមកទល់ពេលនេះ សមាគមទទួលបានការយកចិត្តទុកដាក់ឧបត្ថម្ភរបស់រដ្ឋអំណាចគ្រប់លំដាប់ថ្នាក់។ ជាពិសេស ខេត្តក៏បានឧបត្ថម្ភកសាងឈាបនដ្ឋានតាមវត្តខ្មែរចំនួន១៣ ព្រមទាំងបោះទូក-ងនៅស្រុកឡុងមី ដើម្បីរួមចំណែកព្រួតដៃរក្សាកីឡាប្រវេណីរបស់ជនជាតិ។ ទន្ទឹមនឹងនោះ គណៈប្រតិបត្តិការសមាគម ក៏បានខ្នះខ្នែងចូលរួមសកម្មភាពការងារសប្បុរសធម៌សង្គម ចលនាពុទ្ធបរិស័ទ សប្បុរសជន រួមចំណែក កសាងស្ពានជនបទបាន៥ខ្សែ ផ្ទះមេត្តាធម៌ជូនអ្នកក្រ២ខ្នង ធ្វើរបង និងផ្លូវជនបទរាប់ពាន់ម៉ែត្រ; ចលនាពិនិត្យជំងឺនិងផ្តល់ថ្នាំដោយឥតគិតថ្លៃជូន អ្នកក្រ។ល។ ផ្តើមពីនោះ រួមចំណែកកសាងមហាសាមគ្គីរវាងបណ្តាជនជាតិ ធ្វើយ៉ាងណាដើម្បីជំរុញការងារសមាគមកាន់តែរីកចម្រើន”។

ព្រះតេជព្រះគុណយ័ញត្វឹង គូសបញ្ជាក់៖ សមាគមនឹងបន្តការជំរុញទឹកចិត្តពុទ្ធបរិស័ទសកម្មចូលរួមចលនា “ទូទាំងប្រជាជនសាមគ្គីកសាងវប្បធម៌ មណ្ឌលតាំងទីលំនៅ” “កសាងជនបទថ្មី” ។ល។ អនុវត្តល្អតាមពុទ្ធោវាទ រៀនសូត្រនិងធ្វើតាមគំរូសីលធម៌ហូជីមិញ និងរួមចំណែកកសាងធ្លុងមហាសាមគ្គីជនជាតិ៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ