មហាសាមគ្គីជនជាតិ ភូមិស្រុកផ្លាស់ថ្មី

06/01/2020 - 10:13

រួមដំណើរជាមួយអ្នកក្រ

រយៈពេលកន្លង ក្រុមហ៊ុនចំកាត់សមាជិកមួយឆ្នោតជាតិសុកត្រាំង បានចូលរួមយ៉ាងសកម្មការងារគិតគូរដល់អ្នកក្រ ជាក់ស្ដែងគឺការសង់ផ្ទះមហាសាមគ្គីជូនគ្រួសារក្រីក្រ។ ផ្តើមពីនោះ បានជួយអ្នកក្រមានលំនៅឋានលំនឹង ស្ងប់ចិត្តពលកម្មផលិត ដើម្បីឈានឡើងចាកផុតពីភាពក្រីក្រដោយចីរភាព។

គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ប្រគល់ផ្ទះមហាសាមគ្គីដល់អ្នកក្រ។

តាមប្រសាសន៍ លោកយឿងសាខា ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ឱ្យដឹង៖ ចាប់ពីឆ្នាំ២០១៥មកទល់ពេលនេះ ក្រុមហ៊ុនចំកាត់សមាជិកមួយឆ្នោតជាតិសុកត្រាំង បានរួមវិភាគទានទឹកប្រាក់ជាង២៥ពាន់លានដុងសម្រាប់មូលនិធិ “ដើម្បីអ្នកក្រ” ក្នុងខេត្ត។ ផ្តើមពីនោះ ខេត្តក៏បានជំនួយសង់ផ្ទះមហាសាមគ្គីជូនគ្រួសារក្រីក្របានចំនួន១.០០០ខ្នង ក្នុងមួយខ្នងៗគិតជាទឹកប្រាក់៤០លានដុង។ នេះជាទង្វើមួយដ៏ឧត្តុង្គឧត្តម និងជាអំណោយជួយជំរុញទឹកចិត្ត ដាស់ស្មារតីគ្រួសារក្រីក្រឈានឡើងក្នុងជីវភាព។ ក្រៅពីនេះ ក្រុមហ៊ុនថែមទាំងសកម្មចូលរួមឧបត្ថម្ភអាហារូបករណ៍ដល់សិស្សក្រីក្រ និងជូនអំណោយដល់អ្នកក្រ។ល។

ពូស៊ើងម៉ៃ នៅភូមិកិញង៉ាង ឃុំឡុងភូ ឱ្យដឹង៖ “ផ្ទះខ្ញុំសង់បានជាង១ខែហើយ គិតជាទឹកប្រាក់ជាង៦០លានដុង ដែលភូមិភាគឧបត្ថម្ភ។ ជីវភាពគ្រួសារក្រីក្រ ធ្វើការឈ្នួលគ្រប់តែទប់ទល់ជីវភាពប្រចាំថ្ងៃ ឥឡូវសង់បានផ្ទះថ្មីខ្ញុំត្រេកអរណាស់។ ចាប់ពីថ្ងៃនេះទៅ កូនៗខ្ញុំស្ងប់ចិត្តទៅធ្វើការរកលុយគិតគូរជីវភាព មិនបារម្ភរឿងផ្ទះសម្បែងទៀត”។ រីឯពូថាយយឿង នៅភូមិដាវវៀង ឃុំវៀងប៊ិញ ស្រុកត្រឹងដេ ជាគ្រួសារក្រីក្រគ្មានដីបង្កបង្កើនផល ប្រកបរបរលក់ឆ្នោត ឱ្យដឹង៖ “ដោយបានរដ្ឋអំណាចឧបត្ថម្ភ និងកូនៗទៅធ្វើការនៅខេត្តប៊ិញយឿងផ្ញើលុយបន្ថែម ខ្ញុំសង់បានផ្ទះឥដ្ឋត្រឹមត្រូវ។ ខ្ញុំសប្បាយចិត្តនិងអរគុណរដ្ឋអំណាច ព្រមទាំងសប្បុរសជនទាំងឡាយ ដែលបានរួមកម្លាំងឧបត្ថម្ភ ដើម្បីអ្នកក្រមានផ្ទះសម្បែងស្នាក់នៅសមរម្យ លំនឹងជីវភាព”។

ចូលរួមចលនាប្រឡងប្រណាំង “ទូទាំងប្រទេស សាមគ្គីរួមកម្លាំងដើម្បីអ្នកក្រ-មិនចោលនរណាម្នាក់នៅខាងក្រោយ” ក្រុមហ៊ុនចំកាត់សមាជិកមួយឆ្នោតជាតិសុកត្រាំង តែងរួមដំណើរដើម្បីជួយអ្នកក្រ ដោយការងារជាក់ស្តែង ប្រកបទៅដោយអត្ថន័យ រួមចំណែកជាមួយខេត្តអនុវត្តប្រកបដោយប្រសិទ្ធភាពការងារកាត់បន្ថយភាពក្រីក្រ។ ឆ្នាំ ២០២០ ក្រុមហ៊ុនបន្តឧបត្ថម្ភទឹកប្រាក់៥ពាន់លានដុងសម្រាប់សង់ផ្ទះមហាសាមគ្គីចំនួន១២៥ខ្នងជូនអ្នកក្រ។ លោកឡេវ៉ាន់ខាញ់ នាយកក្រុមហ៊ុនចំកាត់សមាជិកមួយឆ្នោតជាតិសុកត្រាំង ឱ្យដឹង៖ “បានរួមចំណើរនិងចែករំលែកការលំបាកដល់មាមីងក្រីក្រ យើងខ្ញុំសប្បាយចិត្តណាស់។ រយៈពេលខាងមុខ យើងខ្ញុំនឹងបន្តរួមដំណើរជាមួយរណសិរ្ស សាមគ្គីរួមកម្លាំងឧបត្ថម្ភអ្នកក្រ ឆ្លងកាត់ការលំបាក ដើម្បីពួកគាត់ឈានឡើងចាកផុតពីភាពក្រីក្រដោយចីរភាព”៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ