មហាសាមគ្គីជនជាតិ ភូមិស្រុកផ្លាស់ថ្មី

30/12/2019 - 16:33

ផ្ដុំកម្លាំងអភិវឌ្ឍន៍តំបន់ជនជាតិភាគតិចលំបាកខ្លាំង

តាមប្រសាសន៍លោកឡេហ្វាងហូវ អនុប្រធានគណៈកម្មាធិការប្រជាជនស្រុកត្រាអូង ខេត្តវិញឡុង លទ្ធផលដែលលេចធ្លោបំផុតក្នុងការងារជនជាតិរយៈពេលកន្លងលើភូមិសាស្រ្ត នោះគឺជីវភាពសេដ្ឋកិច្ចរបស់ជនរួមជាតិខ្មែរកាន់តែមានការរីកចម្រើន អត្រាគ្រួសារក្រីក្រថយចុះពីមួយឆ្នាំទៅមួយឆ្នាំ។

ផ្លូវគមនាគមន៍ចូលទៅកាន់ឃុំតឹងមី។

សមិទ្ធិផលខាងលើ តាមប្រសាសន៍លោកហូវ អាស្រ័យស្រុកបានផ្ដុំកម្លាំងអនុវត្តនូវគោលនយោបាយជំនួយពិសេសដោយឡែករបស់រដ្ឋ សម្រាប់ជនជាតិភាគតិច។ ទន្ទឹមនឹងនោះ គឺគោលនយោបាយគួបផ្សំរបស់ស្រុក ខេត្ត សំដៅអភិវឌ្ឍន៍តំបន់ជនជាតិភាគតិច។ ខណៈពេលអនុវត្តន៍កម្មវិធីទិសដៅជាតិ ស្ដីពីការកាត់បន្ថយភាពក្រីក្រប្រកបដោយចីរភាព និងកម្មវិធី១៣៥ ឃើញថាផ្លូវគមនាគមន៍រាប់ពាន់ម៉ែត្រនៅឃុំតឹងមី ត្រូវបានក្រាលកៅស៊ូ ចាក់បេតុងរឹងមាំ ដូចជាផ្លូវតភ្ជាប់ពីភូមិវាល-មីធ្វឹង-តាមោង ស្ពានណាំកិញ-វត្តសិរីសួស្ដីដូនល្អ-តាមោង ត្រកៀត-បាំងចាង- តាមោង-មីអាង ផ្លូវចម្ការជាដើម។ បងថាច់ថាញ់កុង កម្មាភិបាលទទួលបន្ទុកការងារជនជាតិ ឃុំតឹងម ស្រុកត្រាអូងឱ្យដឹង៖ "អាស្រ័យកម្មវិធីវិនិយោគអាទិភាពរបស់រដ្ឋ ទើបតំបន់មានជនជាតិភាគតិចរស់នៅកុះករកាន់តែមានភាពរីកចម្រើន។ សព្វថ្ងៃ ផ្លូវនៅតាមភូមិដែលមានជនរួមជាតិខ្មែររស់នៅកុះករ ត្រូវបានកសាងរួចរាល់ តភ្ជាប់ប្រសព្វគ្នា ម៉ូតូអាចបើកបរដោយងាយស្រួលទាំងរដូវភ្លៀង។ ផ្លូវតាមភូមិខ្លះបានក្រាលកៅស៊ូរថយន្ដអាចបើកបរចូលដឹកកសិផលបានយ៉ាងងាយស្រួល។ ផ្ដើមពីនោះ មាមីងអាចលក់ដូរកសិផលបានតម្លៃខ្ពស់ជាង"។ អាស្រ័យអភិវឌ្ឍន៍ហេដ្ឋារចនាសម្ព័ន្ធ គមនាគមន៍ សេដ្ឋកិច្ចតំបន់ជនជាតិត្រូវបានកើនឡើង"។ ឆ្លងតាមរយៈនោះ, គ្រួសារក្រីក្រថយចុះជារៀងរាល់ឆ្នាំ សព្វថ្ងៃគ្រួសារក្រីក្រជាជនជាតិភាគតិចទូទាំងស្រុកនៅ៤,៨៧% បើប្រៀបជាមួយនឹងសេចក្ដីសម្រេចចិត្តរបស់គណៈកម្មាធិការបក្សស្រុក អត្រាគ្រួសារក្រីក្រថយចុះសម្រេចប្រមាណ១១០%។

លោកថាច់ថេហៀង ប្រធានគណៈជនជាតិស្រុកត្រាអូង ឱ្យដឹងបន្ថែម មុននេះ លើភូមិសាស្រ្តមានភូមិចំនួន៧ បានទទួលស្គាល់ និងបានទទួលផលពីគោលនយោបាយពិសេសដោយឡែក ជាភូមិលំបាកខ្លាំងតាមសេចក្ដីសម្រេចលេខ៣០/២០១២/QĐ-TTg របស់នាយករដ្ឋមន្ត្រីនៃរដ្ឋាភិបាល។ ផ្ដើមពីនោះ ហេដ្ឋារចនាសម្ព័ន្ធនៅភូមិទាំងនេះ ត្រូវបានវិនិយោគកសាងយ៉ាងត្រឹមត្រូវ ឆ្លើយតបតាមតម្រូវការអភិវឌ្ឍរបស់ភូមិភាគ។ លោកហៀង ចែករំលែកបន្ថែម៖ "ដំណាក់កាល២០១៦-២០២០ លើភូមិសាស្រ្តស្រុក មានភូមិចំនួន២ និងឃុំតឹងមីដែលលំបាកខ្លាំង និងឃុំត្រាកូងចំណុះតំបន់II (ឃុំក្រីក្រ) ឃុំហូវថាញ់ ចំណុះតំបន់ I (ឃុំតំបន់ជនជាតិ)។ ស្រុកក៏បានកំណត់ រយៈពេលខាងមុខនឹងបន្តប្រើប្រាស់ប្រកបដោយប្រសិទ្ធភាពប្រភពទុនអាទិភាពរបស់រដ្ឋ សម្រាប់វិនិយោគអភិវឌ្ឍតំបន់ជនជាតិ ជួយដល់តំបន់នេះចាកផុតពីភាពក្រីក្រឱ្យបានឆាប់បំផុត៕

ហាថាញ-ពេជ្រសឿន

ចែករំលែកអត្ថបទ

ពាក្យគន្លឹះ