មហាសាមគ្គីជនជាតិ ភូមិស្រុកផ្លាស់ថ្មី

12/11/2019 - 13:54

ខេត្តកាម៉ាវ កសាងជនបទថ្មី បង្កភាពវិវឌ្ឍន៍នៅតំបន់ជនជាតិភាគតិច

ខេត្តកាម៉ាវ មាន១៣ជនជាតិភាគតិចរស់នៅសរុបជិត១២.០០០គ្រួសារ ក្នុងនោះ ច្រើនបំផុតគឺជនជាតិខ្មែរនិងចិន។ ជនជាតិភាគតិចរស់នៅលាយចម្រុះគ្នាជាមួយនឹងជនជាតិជាបងប្អូនក្នុង៦៧ឃុំ សង្កាត់ចំណុះស្រុក ក្រុងទាំង៩របស់ខេត្ត ក្នុងនោះ មាន៥២ឃុំបានកសាងជនបទថ្មី។

ផ្លូវជនបទនៅឃុំតឹងឡុក ស្រុកថើយប៊ិញ (ខេត្តកាម៉ាវ) បានវិនិយោគកសាងសមរម្យ

ជ្រះស្អាតតាមលក្ខឋានជនបទថ្មី។ រូបថត៖ វូសិញ - TTXVN

លោកទ្រីវក្វាងឡើយ ប្រធានគណៈជនជាតិខេត្តកាម៉ាវ ឱ្យដឹង៖ អស់រយៈពេលជិត១០ឆ្នាំផ្សព្វផ្សាយកម្មវិធីទិសដៅជាតិ កសាងជនបទថ្មីនៅតំបន់ជនជាតិភាគតិច ឃើញថាសម្រេចបានលទ្ធផលជាច្រើនគួរជាទីមោទនៈ។ ជាពិសេស នៅឃុំកសាងជនបទថ្មីចំនួន៥២ សរុបលក្ខឋានសម្រេចបានគឺ៧៤៦លក្ខឋាន មធ្យមភាគ១៤,៣លក្ខឋាន/ឃុំ ក្នុងនោះ មាន១៦ ឃុំសម្រេចបទដ្ឋានជនបទថ្មី ៨ឃុំសម្រេចពី១៥ដល់១៨លក្ខឋាន ២៣ឃុំសម្រេចពី១០ដល់១៤លក្ខឋាននិងមាន៥ឃុំសម្រេចពី៦ដល់៩លក្ខឋាន។

មកទល់សព្វថ្ងៃ មុខមាត់តំបន់ជនជាតិភាគតិច មានការអភិវឌ្ឍឆាប់រហ័ស ហើយមួយថ្ងៃកាន់តែមានភាពសុក្រឹត។ កម្រិតប្រជាបញ្ញា ជីវភាព សម្ភារៈ និងស្មារតីរបស់ប្រជាជននៅទីនេះមានការកែលម្អនិងលើកកម្ពស់ដោយឥតឈប់ឈរ; អត្តសញ្ញាណវប្បធម៌ជនជាតិត្រូវបានថែរក្សានិងពង្រីក; លក្ខន្តិកៈប្រជាធិបតេយ្យនៅមូលដ្ឋាន កសាងជីវភាពវប្បធម៌នៅតំបន់តាំងទីលំនៅត្រូវបានយកចិត្តទុកដាក់ នាំមកប្រសិទ្ធភាពគួរឱ្យកត់សម្គាល់។

តាមតួលេខនៃការពិនិត្យ សើុបអង្កេត អត្រាគ្រួសារក្រីក្រនៅតំបន់ជនជាតិភាគតិចរបស់ខេត្ត ក្នុងឆ្នាំ២០១០មានអត្រាខ្ពស់បង្គួរ គឺជិត៣៦%។ ថ្វីបើដូច្នោះក្ដី មកទល់ឆ្នាំ២០១៩ អត្រាគ្រួសារក្រីក្រថយចុះនៅត្រឹម១៦,៣៧%។ ទន្ទឹមនឹងនោះ ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមលើភូមិសាស្រ្តខេត្តបានរក្សាខ្ជាប់; អត្រាគ្រួសារប្រើប្រាស់អគ្គិសនី ទឹកស្អាតប្រើប្រាស់ បង្គន់ស្របអនាម័យនិងការថែទាំសុខភាពប្រជាជនក៏បានកែលម្អ។ មូលដ្ឋានបរិក្ខារពេទ្យ អប់រំគុណភាពរាល់ប្រភពធនធាននៅតំបន់ជនរួមជាតិភាគតិច ឆ្លើយតបតម្រូវការសមាហរណកម្មនិងអភិវឌ្ឍន៍។

រយៈពេលកន្លង ការចលនាប្រឡងប្រណាំង “កាម៉ាវរួមកម្លាំងកសាងជនបទថ្មី” ត្រូវបានជនរួមជាតិភាគតិចចូលរួមយ៉ាងសកម្ម។ ខេត្តវិនិយោគរាប់ពាន់លានដុងកសាងសំណង់ហេដ្ឋារចនា សម្ព័ន្ធនៅតំបន់ជនជាតិភាគតិចចំនួន៤៥២; មានគ្រួសារបានឧបត្ថម្ភដីសង់ផ្ទះចំនួន១.៣៨៧ គ្រួសារបានឧបត្ថម្ភដីផលិតកម្មចំនួន៣៥៩ គ្រួសារបានឧបត្ថម្ភដីសង់ផ្ទះគួបផ្សំជាមួយនឹងដីផលិតកម្មចំនួន១៦៨ គ្រួសារបានផ្លាស់ប្តូរមុខរបរជិត៣.០០០គ្រួសារបានឧបត្ថម្ភអំពីទឹកប្រើប្រាស់ចំនួន១.១២២ និងគ្រួសារបានឧបត្ថម្ភកន្លែងតាំងលំនៅឡើងវិញចំនួន២០០។ល។

តាមប្រសាសន៍លោក ទ្រីវក្វាងឡើយ ប្រធានគណៈជនជាតិខេត្ត ឱ្យដឹង៖ គ្រប់ថ្នាក់ គ្រប់ផ្នែក បានយកចិត្តទុកដាក់ អនុវត្តល្អការងាររៀបចំអភិវឌ្ឍន៍កសាងជនបទថ្មី ចាត់តាំងល្អទម្រង់ចងសម្ព័ន្ធ ផលិតកម្មតាមសង្វាក់ ដើម្បីបង្កច្រកនាំចេញលំនឹងឱ្យផលិតផលកសិកម្មនានា។ គណៈជនជាតិខេត្ត បន្តការយកចិត្តទុកដាក់ចង្អុលការគ្រប់ភូមិភាគបំពេញល្អការងារផ្សព្វផ្សាយ ចលនាជនរួមជាតិភាគតិចខ្នះខ្នែងចូលរួម រួមចំណែកកសាងសម្រេចរាល់លក្ខឋានជនបទថ្មី; ក្នុងនោះ ចលនា ប្រជាជនអនុវត្តទម្រង់ផលិតកម្ម វប្បកម្មប្រកបដោយប្រសិទ្ធភាព ជួយគ្នាអភិវឌ្ឍសេដ្ឋកិច្ចគ្រួសារ រួមចំណែកលើកកម្ពស់ប្រភពប្រាក់ចំណូល៕

ប្រែសម្រួល៖ ថាច់ធី Theo https://dantocmiennui.vn

ចែករំលែកអត្ថបទ

ពាក្យគន្លឹះ