មហាសាមគ្គីជនជាតិ មហាសាមគ្គីជនជាតិ

04/11/2019 - 15:17

សាខាសមាគមនារីអនុសង្កាត់ទី៥ ជួយគ្នាចាកផុតពីភាពក្រីក្រ

សាខាសមាគមនារីអនុសង្កាត់ទី៥ សង្កាត់ទី៨ ក្រុងត្រាវិញ មានសមាជិកចំនួន១៣៨នាក់ ក្នុងនោះ សមាជិកជាជនជាតិខ្មែរសរុបអត្រា៩៨,៥%។ រយៈពេលកន្លង សាខាសមាគមបានបង្ហាញឱ្យឃើញច្បាស់នូវខ្លឹមសារនៃសកម្មភាព សមស្របនឹងលក្ខណៈជាក់ស្តែងសម្រាប់សមាជិកម្មាក់ៗ ជួយសមាជិកចំនួន៤៩នាក់ ឆ្លងកាត់ការលំបាកឈានឡើងធូរធារ បច្ចុប្បន្ន សាខាសមាគមនៅមានសមាជិកនៅជួបលំបាកចំនួន៩នាក់ប៉ុណ្ណោះ។

បងស្រីថាច់ធីសាថា (ខាងស្តាំ) ចុះមកពិនិត្យមើលហាងគ្រឿងទេសរបស់បងស្រីត្រឿងធីឡែធ្វី។

សាខាសមាគមនារីអនុសង្កាត់ទី៥ ផ្តោតទៅលើការងារផ្សព្វផ្សាយលើបទបញ្ជា និងសេចក្តីសម្រេចរបស់បក្ស គោលនយោបាយ ក្រឹត្យច្បាប់របស់រដ្ឋ ផ្សារភ្ជាប់ជាមួយនឹងការជំរុញចលនារៀនសូត្រ និងធ្វើតាមឧត្តមគតិ ឥរិយាបថ សីលធម៌ហូជីមិញ និងចលនា “គ្មាន៥ ស្អាត៣” ដល់សមាជិកគ្រប់រូប។ ក្រៅពីនេះ សាខាសមាគមតែងរក្សាបានទៀងទាត់ពីការប្រជុំជីវភាពប្រចាំខែ ប្រចាំត្រៃមាសតាមលក្ខន្តិកៈដែលសមាគមកំណត់ ដើម្បីបងប្អូននារីជួបជុំគ្នា ចែករំលែកពីការលំបាក។ សាខាសមាគមថែមទាំងបន្តរក្សាចលនាបងប្អូននារីជួយគ្នាអភិវឌ្ឍសេដ្ឋកិច្ចគ្រួសារ ចែករំលែកចំណេះដឹង បទពិសោធន៍ក្នុងការលក់ដូរ ចិញ្ចឹមសត្វ ដើម្បីបង្កលក្ខណសម្បត្តិដល់បងប្អូននារីកៀកជិតនឹងដើមទុនអភិវឌ្ឍន៍ផលិតកម្ម។

បងស្រីថាច់ធីសាថា ប្រធានសាខាសមាគមនារីអនុសង្កាត់ទី៥ ឱ្យដឹង៖ “ដើម្បីបន្តជំនួយដល់បងប្អូននារីមានជីវភាពក្រលំបាកឈានឡើងធូរធារ ឆ្នាំ២០១៩នេះ សាខាសមាគមបានបង្កលក្ខណសម្បត្តិជូនបងប្អូននារីទាំង៨១នាក់ ស្ថិតក្នុងក្របខណ្ឌគ្រួសារក្រលំបាកបានបុលដើមទុន ពីធនាគារគោលនយោបាយសង្គម ជាមួយទឹកប្រាក់សរុបជាង១,១ពាន់លានដុង។ តាមរយៈការពិនិត្យអង្កេត ឃើញថាមកទល់ពេលនេះ មានបងប្អូននារី៤៩នាក់បានឈានឡើងគ្រាន់បើ។ ដើម្បីសម្រេចបានលទ្ធផលទាំងនោះ សាខាសមាគមតែងសហការជាមួយផ្នែកមុខងារ សមាគមនារីសង្កាត់ទី៨ ណែនាំបងប្អូននារីប្រើប្រាស់ដើមទុនចំគោលដៅ ទូទាត់សងទាំងការប្រាក់និងដើម ត្រូវតាមពេលកំណត់។ល។ អាស្រ័យហេតុនោះ បងប្អូននារីងាយនឹងកៀកជិតដើមទុនដើម្បីអភិវឌ្ឍន៍ផលិតកម្ម រួមចំណែកលើកកម្ពស់គុណភាព សកម្មភាពនៃសាខាសមាគមផង”។

បងស្រីត្រឿងធីឡែធ្វី សមាជិកនៃសាខាសមាគមនារីអនុសង្កាត់ទី៥ជាសមាជិកម្នាក់មានជីវភាពក្រលំបាក ហើយបានសាខាសមាគមបង្កលក្ខណៈឱ្យបុលដើមទុន និងណែនាំពីរបៀបប្រើប្រាស់ដើមទុន ឥឡូវនេះជីវភាពគ្រួសារបងស្រីបានលំនឹង សេដ្ឋកិច្ចគ្រួសារកាន់តែរីកចម្រើន។ បងស្រីឡែធ្វី ឱ្យដឹង៖ “ថ្វីត្បិតនាងខ្ញុំទើបចូលរួមសកម្មភាពសាខាសមាគមកាលពីដើមឆ្នាំ២០១៩ ក៏ពិតមែន ប៉ុន្តែបងប្អូននារីក្នុងសាខាសមាគមតែងផ្តោតការយកចិត្តទុកដាក់ ជំរុញទឹកចិត្តនាងខ្ញុំក្នុងជីវភាព។ ជាពិសេស សាខាសមាគមជួយនាងខ្ញុំបានបុលទុន២០លានដុង ពីប្រភពដើមទុនអភិវឌ្ឍន៍ផលិតកម្ម ដើម្បីជួសជុលហាងឡើងវិញ និងធ្វើជាដើមទុនខ្លះៗសម្រាប់លក់គ្រឿងទេស ជួយនាងខ្ញុំរកបានប្រាក់ចំណូលជាមធ្យមភាគពី១០០-១៥០ពាន់ដុង/ថ្ងៃ។ ផ្តើមពីជីវភាពក្រលំបាក សព្វថ្ងៃជីវភាពគ្រួសារនាងខ្ញុំបានធូរធារជាងមុន។ នាងខ្ញុំមានការត្រេកអរណាស់ និងសូមអរគុណចំពោះសាខាសមាគម ព្រមទាំងបងប្អូននារីដែលបានជួយគ្រួសារនាងខ្ញុំ”៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ