មហាសាមគ្គីជនជាតិ គំរូក្នុងសហគមន៍

04/11/2019 - 15:17

លោកលីផន អ្នករក្សាកីឡាប្រណាំងទូក-ងប្រពៃណី

ហេតុតែជក់ចិត្តដិតអារម្មណ៍ និងចង់ថែរក្សាកីឡាប្រណាំងទូក-ងប្រពៃណីរបស់ជនជាតិ លោកលីផន នៅសង្កាត់២ ក្រុងសុកត្រាំង បានចំណាយទឹកប្រាក់រាប់រយលានដុង ដើម្បីវិនិយោគឱ្យក្រុមកីឡាករទូក-ង ហាត់សមអុំនិងចូលរួមប្រណាំង។ ទូក-ង ដែលលោកលីផន វិនិយោគមានឈ្មោះថា សាលាមធ្យមសិក្សាបំពេញវិជ្ជាបាលីណាមបូ ជាសាលាបណ្តុះបណ្តាលព្រះសង្ឃខ្មែរនៅសុកត្រាំង។

លោកលីផន ជាមួយនឹងទូក-ងដែលទើបជួសជុលថ្មី។

រយៈពេល៩ឆ្នាំមកនេះ លោកលីផន បានជំហរចលនាកីឡាករមកផ្ទះគាត់ហាត់សមអុំទូក-ង និងគិតគូរផ្ដល់ជូនថវិកាសព្វបែបយ៉ាង។ មធ្យមភាគរៀងរាល់ឆ្នាំ លោកលីផនបានចំណាយប្រាក់ជាង១៥០លានដុងសម្រាប់ជួសជុលទូក-ង ហាត់សម និងអុំប្រណាំង។ លោកលីផន ឱ្យដឹង៖ “ក្រៅពីការស្រឡាញ់ចូលចិត្ត ប្រការសំខាន់បំផុត គឺខ្ញុំចង់ថែរក្សានិងពង្រីកកីឡាប្រណាំងទូក-ងប្រពៃណីរបស់ជនជាតិខ្មែរ។ ខណៈពេលព្រះចៅអធិការវត្តឃ្លាំងប្រគល់ទូក-ងចាស់ឱ្យខ្ញុំនាំមកជួសជុល និងចលនាបងប្អូនក្នុងមណ្ឌលក្រុងសុកត្រាំង ចូលរួមហាត់សម។ ឆ្នាំនេះ ខ្ញុំវិនិយោគជាង៥០លានដុងសម្រាប់ជួសជុលទូក-ងនិងជ្រើសរើសកីឡាករដែលមានបទពិសោធន៍ មានសុខភាពល្អ មកចូលរួមហាត់សមដោយរំពឹងថានឹងជាប់ចូលរង្វង់១៦ទូកថ្នាក់ខេត្ត នាពិធីបុណ្យអកអំបុកខាងមុខ”។

ទូក-ងរបស់សាលាមធ្យមសិក្សាបំពេញវិជ្ជាបាលីណាមបូ (អាវពណ៌លឿង) អាស្រ័យ

លោកលីផនវិនិយោគសម្រេចបានរង្វាន់លេខ២នៅស្រុកឡុងភូឆ្នាំ២០១៨។

តាមប្រសាសន៍លោកលីផន ឱ្យដឹង៖ ធម្មតាការហាត់សមរយៈពេល១ខែទើបគ្រប់សមត្ថភាពចូលរួមប្រណាំង។ គិតមធ្យមភាគរៀងរាល់លើកហាត់សម គាត់ចំណាយប្រាក់ឧបត្ថម្ភកីឡាករម្នាក់ៗ៥០.០០០ដុង។ ពេលទៅចូលរួមប្រណាំងគាត់ឧបត្ថម្ភ២០០.០០០ដុង/នាក់/ថ្ងៃ។ ធម្មតាក្នុងក្រុមកីឡាករទូក-ងនីមួយៗមានគ្នាជាង៧០នាក់ ក្នុងនោះ កីឡាករពេញសិទ្ធិមាន៥២នាក់ ក្រៅពីនោះ គឺកីឡាករបម្រុងសម្រាប់ជំនួសដៃឱ្យលើកប្រណាំងបន្ទាប់។ បងលីថាញ់លីម កូនប្រុសលោកលីផន ឱ្យដឹង៖ “ធំដឹងក្ដី ខ្ញុំក៏ចូលចិត្តកីឡាប្រណាំងទូក-ងនេះហើយ។ ខ្ញុំបានចូលរួមក្រុមកីឡាករទូក-ងរយៈពេល៩ឆ្នាំមកហើយ។ ក្នុងនោះ មានតែក្នុងឆ្នាំ២០១៨ ដែលក្រុមកីឡាករទូក-ងយើងខ្ញុំឈ្នះបានរង្វាន់លេខ២ថ្នាក់ស្រុក និងជាប់ចូលរង្វង់១៦ទូកថ្នាក់ខេត្តឆ្នាំ ២០១៣ ប៉ុន្តែ យើងខ្ញុំនៅតែមោទនភាពជានិច្ច។ ប្រការដែលយើងខ្ញុំចូលរួមក្នុងក្រុមកីឡាករទូក-ង មិនមែនព្រោះតែចង់បានរង្វាន់នោះទេ ប្រការសំខាន់គឺ ស្រឡាញ់ចូលចិត្តនិងមានបំណងថែរក្សាកីឡាប្រពៃណីរបស់ជនជាតិ”។

លោកលីផន គឺម្ចាស់មូលដ្ឋានបោះក្ដារមឈូស មួយនៅខេត្តសុកត្រាំង។ ផ្ដើមពីមុខរបរនេះ គាត់បានបង្កការងារធ្វើរកបានចំណូលលំនឹងជូនមាមីងខ្មែរជាច្រើននៅតំបន់ជនបទ ដើម្បីបោះនិងរចនាក្បូរក្បាច់លើផលិតផល។ ប្រការគួរឲ្យកោតសរសើរ គឺទូក-ងរបស់លោកលីផន វិនិយោគមានឈ្មោះថា សាលាមធ្យមសិក្សាបំពេញវិជ្ជាបាលីណាមបូ។ ចំពោះទឹកចិត្តស្រឡាញ់ចូលចិត្តកីឡាប្រពៃណីរបស់ជនជាតិ ពិតជាគួរឱ្យស្ងើចសរសើរណាស់៕

លីធាន - ថាច់ធី

ចែករំលែកអត្ថបទ

ពាក្យគន្លឹះ