មហាសាមគ្គីជនជាតិ ភូមិស្រុកផ្លាស់ថ្មី

14/10/2019 - 16:37

ផ្ដុំកម្លាំងអភិវឌ្ឍន៍សេដ្ឋកិច្ច ផ្សារភ្ជាប់ជាមួយនឹងការកសាងជនបទថ្មី

ជាឃុំកសិកម្មសុទ្ធសាធដែលមានប្រជាជនខ្មែររស់នៅច្រើនកុះករ (សរុបអត្រា៨៣%) រយៈពេលប៉ុន្មានឆ្នាំកន្លង បក្ខភាគឃុំឡុងហ៊ីប ស្រុកថ្កូវ ខេត្តត្រាវិញ ផ្តោតការលើកកម្ពស់សមត្ថភាពដឹកនាំនិងការខិតខំប្រឹងប្រែងរបស់អង្គការបក្សនិងបក្ខជននៅមូលដ្ឋាន។ ពិសេសគឺការអភិវឌ្ឍន៍សេដ្ឋកិច្ច ឃុំបានផ្តោតការលើកកម្ពស់ប្រសិទ្ធភាពទាញយកសក្តានុពលនិងឧត្តមភាពរបស់ភូមិភាគ បង្វែររចនាសម្ព័ន្ធពូជដំណាំ សត្វចិញ្ចឹម តាមទិសដៅបង្កើនគុណភាពតម្លៃផលិតផល ឈានទៅការកសាងជនបទថ្មីដោយជោគជ័យ ។

ដងផ្លូវទៅកាន់ភូមិអញ្ចាញ ឃុំឡុងហ៊ីប ស្រុកថ្កូវ។

លោកហាភឿកហឿង អនុលេខាគណៈកម្មាធិការបក្ស ប្រធានគណៈកម្មាធិការប្រជាជនឃុំឡុងហ៊ីប មានប្រសាសន៍៖ “ដើម្បីដោះស្រាយការលំបាក និងឧបសគ្គក្នុងការអភិវឌ្ឍសេដ្ឋកិច្ចនៅភូមិភាគ គណៈកម្មាធិការបក្សចង្អុលការគណៈកម្មាធិការប្រជាជនឃុំ គណៈ ផ្នែក អង្គការ មហាជន សកម្មផ្សព្វផ្សាយនិងចលនាប្រជាជន ដើម្បីបង្វែររចនាសម្ព័ន្ធពូជដំណាំនិងសត្វចិញ្ចឹម។ តាមរយៈការអនុវត្តវិទ្យាសាស្ត្របច្ចេកទេសជឿនលឿន នាំយករុក្ខជាតិនិងពូជដំណាំដែលផ្តល់ទិន្នផលខ្ពស់ក្នុងការផលិតវិនិយោគពង្រីកផ្ទៃដីផលិត ស្រូវតាមទម្រង់វាលស្រែធំ ពង្រីកការចិញ្ចឹមសត្វ បង្កើតផលិតផលទំនិញដើម្បីផ្គត់ផ្គង់ទីផ្សារ បង្កលក្ខណសម្បត្តិដើម្បីប្រជាជនទទួលបានប្រភពទុនសម្រាប់អភិវឌ្ឍសេដ្ឋកិច្ច”។ ទន្ទឹមនឹងការអភិវឌ្ឍផលិតកម្ម ឃុំឡុងហ៊ីប ក៏លើកទឹកចិត្តនិងបង្កលក្ខណសម្បត្តិជួយគ្រួសារប្រជាជនអភិវឌ្ឍន៍ និងពង្រីកសេវាពាណិជ្ជកម្ម។ អាជីវកម្មនិងគ្រួសារនៅលើភូមិសាស្រ្តឃុំជាច្រើន បានវិនិយោគគ្រឿងម៉ាស៊ីន ដូចជាមធ្យោបាយប្រើប្រាស់ក្នុងការផលិតកម្ម។ មកដល់ពេលនេះ នៅលើភូមិសាស្រ្តឃុំ មានក្រុមសហករណ៍សេដ្ឋកិច្ចចំនួន៩ក្រុមដែលកំពុងសកម្មភាពមានប្រសិទ្ធភាពលើវិស័យផលិតស្រូវ និងដាំដំណាំរួមផ្សំដែលមានសមាជិក២៨៨នាក់; អនុវត្តកែប្រែដីគ្មានប្រសិទ្ធភាពចំនួន ៤១,៧ហិកតា ងាកមកដាំដំណាំនិងដាំស្មៅសម្រាប់ចិញ្ចឹមគោ។ កសាងទម្រង់ចិញ្ចឹមជន្លេនទេស (មានផ្ទៃដី២៥០ម២ ផ្តល់ទិន្នផល៧០តោន/ហិកតា) និងកសាង ពង្រីកផ្លាកយីហោអង្ករស្អាត “Hạt ngọc rồng” នៅសហករណ៍កសិកម្មឡុងហុីប។ល។

ការអភិវឌ្ឍសេដ្ឋកិច្ច ក្រៅពីឧត្តមភាពរបស់ភូមិភាគ ជាឃុំកសិកម្ម (មានដីស្រែជាង១.២០០ហិកតា) ឡុងហ៊ីបនៅទាំងផ្តោតទៅលើការអនុវត្តគួបផ្សំ ប្រភពទុនអភិវឌ្ឍផលិតកម្មជនបទថ្មី ទុនធនាគារ គោលនយោបាយសង្គម ទុនវិនិយោគនៃគម្រោង កាត់បន្ថយភាពក្រីក្រប្រកបដោយចីរភាព។ល។ ក្នុងនាមជាអ្នកភូមិម្នាក់ គឺលោកលឺហុងហ្វៀត នៅភូមិតាសឹក ឱ្យដឹងដោយក្ដីរីករាយ ៖ “ឡុងហុីបជាស្រុកកំណើតរបស់ខ្ញុំមានការអភិវឌ្ឍសេដ្ឋកិច្ច និងហេដ្ឋារចនាសម្ព័ន្ធជនបទយ៉ាងឆាប់រហ័ស ជីវភាពប្រជាជនត្រូវបានលើកកម្ពស់។ លទ្ធផលទទួលបាន អាស្រ័យបក្ខភាគនិងរដ្ឋអំណាចឃុំយកចិត្តទុកដាក់កាត់បន្ថយគ្រួសារក្រីក្រ និងដោះស្រាយការងារធ្វើក្នុងតំបន់ជនរួមជាតិខ្មែរ។ ដោយឡែក នៅតំបន់មូលដ្ឋានតស៊ូនៅភូមិអញ្ចាញA និងភូមិអញ្ចាញB រដ្ឋាភិបាលបានវិនិយោគកសាងហេដ្ឋារចនាសម្ព័ន្ធអគ្គិសនី និងប្រព័ន្ធធារាសាស្រ្តបានត្រឹមត្រូវ រួមចំណែកក្នុងការផ្លាស់ប្តូរមុខមាត់ជនបទនៅតំបន់ភូមិភាគ”៕

សើុងម៉ាល័យ-ទីទុយ

ចែករំលែកអត្ថបទ

ពាក្យគន្លឹះ