ព្រឹត្តិការណ៍ - នយោបាយ ព្រឹត្តិការណ៍

30/09/2019 - 15:41

ចែករំលែកបទពិសោធន៍ លើកកម្ពស់ប្រសិទ្ធភាពការងារផ្សព្វផ្សាយក្នុងជនរួមជាតិខ្មែរ

(កឹងធើ)-គណៈឃោសនាអប់រំបក្សក្រុងកឹងធើ ទើបរៀបចំសិក្ខាសាលា "ការងារផ្សព្វផ្សាយនិងបទពិសោធន៍ផ្សព្វផ្សាយមួយចំនួនក្នុងជនរួមជាតិខ្មែរសព្វថ្ងៃ"។

អ្នកស្រីឡេធីសឿងម៉ាយ អនុប្រធានគណៈឃោសនាអប់រំបក្សក្រុង ថ្លែងការណ៍ក្នុងអង្គសិក្ខាសាលា។

ក្រុងកឹងធើ មានជនរួមជាតិខ្មែររស់នៅជាង២៤.៥០០នាក់ ប្រមូលផ្ដុំនៅខ័ណ្ឌនិញកេវ ស្រុកថើយឡាយ ខ័ណ្ឌអូរម៉ូង និងស្រុកកើ-ដ។ ក្រុងបានខិតខំយ៉ាងពេញទំហឹងក្នុងការផ្សព្វផ្សាយ រួមចំណែកនាំយកគោលការណ៍ គោលនយោបាយរបស់បក្ស ច្បាប់របស់រដ្ឋជូនដល់ជនរួមជាតិខ្មែរ មានដូច៖ ផ្ដល់ជូនវិទ្យុដល់ប្រជាជន ប្រគេនទូរទស្សន៍នៅតាមវត្តអារាមខ្មែរ ប្រគេន និងជូនសៀវភៅ កាសែតភាសាខ្មែរ បោះពុម្ពផ្សាយឯកសារជាឧភយភាសាវៀត-ខ្មែរ ចាត់តាំងសកម្មភាពវប្បធម៌ សិល្បៈ កីឡា។ល។ ក្នុងឱកាសថ្ងៃបុណ្យប្រពៃណីរបស់ជនរួមជាតិ។ល។ ថ្វីបើដូច្នោះក្ដី ការងារផ្សព្វផ្សាយមិនទាន់មានភាពផ្លាស់ថ្មី ទាំងពីខ្លឹមសាររូបភាព កងជួរអ្នកធ្វើរបាយកាណ៍ អ្នកផ្សព្វផ្សាយមានច្រើន ប៉ុន្តែការដំណើរការនៅមានកម្រិត វិស័យជាច្រើននៅខ្វះខាតនិងខ្សោយ។ល។ ក្រុងនៅមិនទាន់វាយតម្លៃបាននូវប្រសិទ្ធភាពការងារផ្សព្វផ្សាយ ក្នុងជនរួមជាតិខ្មែរ មិនទាន់ក្ដាប់អស់កងជួរកម្មាភិបាលជាជនជាតិខ្មែរចូលរួមការងារផ្សព្វផ្សាយនៅភូមិភាគ។ល។

ក្នុងអង្គសិក្ខាសាលា ក្រុមអ្នកវិទ្យាសាស្រ្ត អ្នកគ្រប់គ្រង អ្នកធ្វើរបាយកាណ៍គ្រប់លំដាប់ថ្នាក់ បានឲ្យតម្លៃ៖ គប្បីមានរូបភាពផ្សព្វផ្សាយ សម្បូរបែប (ជាលក្ខណៈផ្ទាល់និងប្រយោល) វិធី(បញ្ចុះបញ្ចូល លើកគំរូ បញ្ជាសម្ងាត់…)ផ្សព្វផ្សាយ; ផ្សារភ្ជាប់យ៉ាងស្អិតល្មួតរាល់សកម្មភាពផ្សព្វផ្សាយផ្ទាល់មាត់ ជាមួយនឹងសកម្មភាពសង្គមរបស់ពុទ្ធសាសនាខ្មែរ។ល។ កម្មាភិបាលបំពេញការងារក្នុងតំបន់ជនរួមជាតិខ្មែរ គប្បីចេះភាសា ទំនៀមទម្លាប់របស់ជនរួមជាតិ; គប្បីពឹងផ្អែកនឹងព្រះសង្ឃ អាចារ្យ គណៈកម្មការវត្ត អ្នកប្រជាប្រិយភាពក្នុងជនរួមជាតិ។ល។ ភូមិភាគគប្បីគួបផ្សំរាល់រូបភាពផ្សព្វផ្សាយតាម រយៈសកម្មភាពវប្បធម៌ សិល្បៈ កីឡា ពិសេស គឺប្រណាំងទូក-ង សំដៅទាក់ទាញការយកចិត្តទុកដាក់ចូលរួមរបស់ជនរួមជាតិ ផ្ដើមពីនោះ លើកកម្ពស់ប្រសិទ្ធភាពការងារផ្សព្វផ្សាយ។ ក្នុងការងារផ្សព្វផ្សាយ គប្បីជំរុញសកម្មភាពដែលនាំមកផលប្រយោជន៍ជាក់ស្ដែងជូនចំពោះជនរួមជាតិខ្មែរ រួមជាមួយនឹងជនជាតិទាំងអស់ដែលរួមរស់នៅលើទឹកដីវៀតណាម។ល។

ការរៀបចំសិក្ខាសាលា គឺជាខ្លឹមសារមួយក្នុងចំណោមខ្លឹមសារទាំងឡាយដែលឋិតក្នុងបធានបទវិទ្យាសាស្រ្តថ្នាក់ក្រុង "វាយតម្លៃនិងលើកឡើងវិធានការលើកកម្ពស់ប្រសិទ្ធភាពការងារផ្សព្វផ្សាយក្នុងជនរួមជាតិខ្មែរនៅក្រុងកឹងធើ"៕

ថាញ់ឡុង - ថាច់ធី

ចែករំលែកអត្ថបទ

ពាក្យគន្លឹះ