ជាមួយនឹងប្រធានបទ “សាមគ្គីភាព-ប្រជាធិបតេយ្យ-ផ្លាស់ថ្មី-អភិវឌ្ឍន៍” មហាសន្និបាតតំណាងទូទាំងប្រទេស រណសិរ្សមាតុភូមិវៀតណាមលើកទី ៩ បានបើកសម័យប្រជុំយ៉ាងមហោឡារិក នៅព្រឹកថ្ងៃទី ១៩ ខែកញ្ញា នៅមជ្ឈមណ្ឌលសន្និបាតជាតិមីឌិញ រដ្ឋធានីហាណូយ។ អញ្ជើញចូលរួមក្នុងអង្គសន្និបាត មានអ្នកតំណាងចំនួន១.៣០០នាក់ តំណាងឱ្យប្រជាជនគ្រប់ស្រទាប់វណ្ណៈ ជនជាតិ សាសនា កងកម្លាំងប្រដាប់អាវុធ ជនជាតិវៀតណាមនៅបរទេស និងកម្មាភិបាលរណសិរ្សគ្រប់លំដាប់ថ្នាក់ បង្ហាញ់ពីរូបភាពនៃធ្លុងមហាសាមគ្គីទូទាំងជនជាតិ។
លោកត្រឹនថាញ់ម៉ឹង លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមនីតិកាល VII ថ្លៃងសុន្ទរកថាបើកមហាសន្និបាត។ (ប្រភព៖ TTXVN)
លោកអគ្គលេខាបក្ស ប្រធានរដ្ឋ ង្វៀនភូត្រុង បានផ្ញើកម្រងផ្កាអបអរមហាសន្និបាត។ បណ្តាសមមិត្ត ដែលជាសមាជិកការិយាល័យនយោបាយ ៖ នាយករដ្ឋមន្ត្រី ង្វៀនស្វឹនភុក ប្រធានរដ្ឋសភា ង្វៀនធីគិមង៉ឹន អចិន្ត្រៃយ៍នៃគណៈលេខាបក្ស ត្រឹនក្វឹកវ៉ឿង និងថ្នាក់ដឹកនាំជាច្រើន ដែលជាអតីតថ្នាក់ដឹកនាំបក្ស រដ្ឋ និងសមមិត្តដែលជាសមាជិកការិយាល័យនយោបាយ លេខាមជ្ឈិមបក្ស អនុប្រធានរដ្ឋ អនុប្រធានរដ្ឋសភា ឧបនាយករដ្ឋមន្រ្តី បានអញ្ជើញចូលរួមក្នុងអង្គសន្និបាត។
ក្នុងបរិយាកាសដ៏ឱឡារិកនេះប្រធានគណៈកម្មាធិការមជ្ឈិមរណសិរ្សមាតុភូមិវៀតណាម (នីតិកាល VIII) លោកត្រឹនថាញ់ម៉ឹង បានអានសុន្ទរកថាបើកអង្គសន្និបាត សង្កត់ធ្ងន់លើមហាសន្និបាតលើកនេះ មានអត្ថន័យយ៉ាងសំខាន់ មានតួនាទីក្នុងការវាយតម្លៃស្ថានភាពធ្លុងមហាសាមគ្គីទូទាំងប្រជាជាតិ និងប្រជាជនគ្រប់ស្រទាប់វណ្ណៈ ។ ការអនុវត្តកម្មវិធីសកម្មភាពចំនួន៥ របស់រណសិរ្សមាតុភូមិវៀតណាម (នីតិកាលVIII) អាណត្តិកាល២០១៤-២០១៩ និងដាក់ចេញកម្មវិធីសកម្មភាពសម្រាប់អាណត្តិកាល ២០១៩-២០២៤ ឆ្លើយតបនឹងតម្រូវការផ្លាស់ថ្មី កសាងនិងអភិវឌ្ឍន៍ប្រទេសជាតិឱ្យបានឆាប់រហ័ស ស្ថេរភាព សមាហរណកម្មអន្តរជាតិ ទូលំទូលាយ ឆ្លើយតបបាននូវបំណងប្រាថ្នារបស់ប្រជាជនគ្រប់ស្រទាប់វណ្ណៈ។ មហាសន្និបាតលើកនេះ នឹងអនុម័តលើការធ្វើវិសោធនកម្មនៃលក្ខន្តិកៈរណសិរ្សមាតុភូមិវៀតណាម។ ពិគ្រោះយោបល់ជ្រើសតាំងគណៈកម្មាធិការមជ្ឈិម គណៈប្រធានគណៈអចិន្ត្រៃយ៍សម្រាប់អាណត្តិកាល ២០១៩- ២០២៤ ។
សុន្ទរកថាបើកអង្គសន្និបាត ប្រធានរណសិរ្សមាតុភូមិវៀតណាម (នីតិកាលVIII) លោកត្រឹន ថាញ់ម៉ឹង បានសំដែងនូវការគោរព រំលឹកនឹកគុណ និងដឹងគុណយ៉ាងជ្រាលជ្រៅចំពោះលោកប្រធានហូជីមិញដ៏មហិមា - ជាអ្នកបង្កើត និងដឹកនាំបក្សកុម្មុយនិស្តវៀតណាម អ្នកបង្កើត និងដឹកនាំសកម្មភាពរណសិរ្សមាតុភូមិវៀតណាម លោកបានធ្វើឱ្យរុងរឿងដល់ជនជាតិ ប្រជាជននិងទឹកដីវៀតណាម។ ចងចាំដោយក្តីដឹងគុណយ៉ាងជ្រាលជ្រៅចំពោះអ្នកបដិវត្តន៍ជំនាន់មុនៗ រំលឹកនឹកគុណដល់វីរៈយុទ្ធជនពលី ជនរួមជាតិ សមមិត្តដែលបានពលីជីវិតយ៉ាងអង់អាច ដើម្បីបុព្វហេតុតស៊ូរំដោះជនជាតិ ដណ្តើមឯករាជ្យ សិរីភាព និងឯកភាពទឹកដី ក្នុងការកសាងនិងការពារមាតុភូមិ។
ក្នុងសម័យបើកអង្គសន្និបាត អនុប្រធានអគ្គលេខាធិការនៃគណៈកម្មាធិការមជ្ឈិមរណសិរ្សមាតុភូមិវៀតណាមនីតិកាល VIII លោកហូវអាលេន បានធ្វើរបាយការណ៍សង្ខេបរបស់គណៈកម្មាធិការមជ្ឈិមរណសិរ្សមាតុភូមិវៀតណាមនីតិកាល VIII លើកជូនអង្គសន្និបាត ។
តាមប្រសាសន៍លោក ហូវអាលេន ក្នុងអាណត្តិកាលកន្លង រណសិរ្សមាតុភូមិវៀតណាមបានបង្កើនមានប្រសិទ្ធភាពការផ្សព្វផ្សាយ ចលនា បង្រួបបង្រួមប្រជាជនគ្រប់ជាន់ថ្នាក់ពង្រឹងនិងពង្រីកកម្លាំងមហាសាមគ្គីទូទាំងជនជាតិ ។ ពង្រីកស្មារតីច្នៃប្រឌិត និងការគ្រប់គ្រងរបស់ប្រជាជន។ ផ្សព្វផ្សាយរាល់ការចលនា ចលនាប្រឡងប្រណាំងស្នេហាជាតិ។ លើកកម្ពស់ប្រជាធិបតេយ្យ តំណាងការពារសិទ្ធិ និងផលប្រយោជន៍ស្របច្បាប់របស់ប្រជាជន ត្រួតពិនិត្យនិងរិះគន់សង្គម ចូលរួមក្នុងការកសាងបក្សនិងរដ្ឋអំណាច។
ទន្ទឹមនឹងនោះ រណសិរ្សថែមទាំងបានពង្រីកនិងលើកកម្ពស់ប្រសិទ្ធភាពនៃសកម្មភាព កិច្ចការបរទេសរបស់ប្រជាជន ពង្រឹងសាមគ្គីមិត្តភាព កិច្ចសហប្រតិបត្តិការអន្តរជាតិ។ ធ្វើឱ្យសុក្រឹត្យនូវយន្តការ បង្កើនសមត្ថភាពប្រតិបត្តិការប្រព័ន្ធរណសិរ្សមាតុភូមិវៀតណាម ដើម្បីឆ្លើយតបនឹងតម្រូវការភារកិច្ចក្នុងដំណាក់កាលផ្លាស់ថ្មី។
ក្នុងអាណត្តិ គណៈកម្មាធិការរណសិរ្សគ្រប់លំដាប់ថ្នាក់ បានកសាងផែនការសកម្មភាព ឯកភាពជាមួយអង្គការសមាជិកនានា ផ្សព្វផ្សាយកិច្ចប្រជុំលើកកម្ពស់នយោបាយ វេទិការប្រជាជន ប្រជុំសាខាសម្ពន្ធយុវជន សាខាសមាគម។ល។ តាមចំណុចសំខាន់ ឬទៅតាមប្រធានបទ ដូចជា៖ អនុស្សាវរីយ៍៨៥ឆ្នាំ ទិវាបង្កើតបក្សកុម្មុយនិស្តវៀតណាម;អនុស្សាវរីយ៍ ៧០ឆ្នាំ ទិវាលោកប្រធានហូជីមិញប្រកាស អំពាវនាវប្រឡងប្រណាំងស្នេហាជាតិ អនុស្សាវរីយ៍៥០ឆ្នាំ អនុវត្តម៌តកសាសន៍របស់អ៊ំហូ អនុស្សាវរីយ៍៨៥ឆ្នាំ ទិវាប្រពៃណីរណសិរ្សមាតុភូមិវៀតណាម និងអនុស្សាវរីយ៍ទិវាប្រពៃណី និងផ្សព្វផ្សាយមហាសន្និបាតអាណត្តិកាលរបស់អង្គការសមាជិកនានា។ ផ្សព្វផ្សាយអនុវត្តចលនា “ទូទាំងប្រជាជនសាមគ្គីកសាងជីវិភាពវប្បធម៌” “ទូទាំងប្រទេសផ្តុំកម្លាំងកសាងជនបទថ្មី” “ទូទាំងប្រទេសព្រួតដៃគ្នាដើម្បីអ្នកក្រ - គ្មានទុកអ្នកណាម្នាក់នៅខាងក្រោយ” កិច្ចចលនា “ទូទាំងប្រជាជនសាមគ្គីកសាងជនបទថ្មី ទីក្រុងស៊ីវិល័យ” “ប្រជាជនវៀតណាមអាទិភាពប្រើប្រាស់ទំនិញវៀតណាម” …ចូលរួមការចលនា “ទូទាំងប្រទេសព្រួតដៃគ្នាដើម្បីអ្នកក្រ-គ្មានទុកអ្នកណាម្នាក់នៅខាងក្រោយ” អាស្រ័យនាយករដ្ឋមន្រ្តីបំផុសចលនា ជារៀងរាល់ឆ្នាំ រណសិរ្សតែងធ្វើជាអធិបតីបំផុសចលនាខែចំណុចខ្ពស់ “ដើម្បីអ្នកក្រ” និងសហការរៀបចំកម្មវិធីទូរទស្សន៍ផ្សាយផ្ទាល់ “ទូទាំងប្រទេសព្រួតដៃគ្នាដើម្បីអ្នកក្រ” ។
ក្នុងអាណត្តិ ប្រព័ន្ធរណសិរ្សគ្រប់លំដាប់ថ្នាក់ ចលនាថវិកាបានចំនួន១៩.៧០៣ពាន់លានដុង សម្រាប់កម្មវិធីសុខុមាលភាពសង្គមនានា ចលនាមូលនិធិ “ដើម្បីអ្នកក្រ” បានជាង ៤.៦៧២ពាន់លានដុងកសាងនិងជួសជុលផ្ទះមហាសាមគ្គីបាន១៥៣.០០០ខ្នងជូនគ្រសារក្រីក្រ កសាងសំណង់សុខុមាលភាពរាប់ពាន់ ជួយគ្រួសារអភិវឌ្ឍផលិកម្មរាប់លានគ្រួសារ បានពិនិត្យ ព្យាបាលជំងឺ និងសិស្សក្រីក្រ មានលក្ខណៈទៅសាលារៀន ។
ជាមួយនឹងគោលដៅផ្លាស់ថ្មីយ៉ាងខ្លាំងក្លាខាង ខ្លឹមសារនិងវិធីសាស្រ្ត អាណត្តិ២០១៩-២០២៤ រណសិរ្សមាតុភូមិវៀតណាម កំណត់ច្បាស់កម្មវិធីសកម្មភាពសំខាន់ៗចំនួន៥៖ ផ្សព្វផ្សាយចលនា បង្រួបបង្រួមប្រជាជនគ្រប់ស្រទាប់ ពង្រឹងបង្កើន ពង្រីកកម្លាំងមហាសាមគ្គីទូទាំងជនជាតិ កសាងនិងការពារមាតុភូមិវៀតណាមសង្គមនិយម។ ចលនាប្រជាជនប្រឡងប្រណាំង ពលកម្មច្នៃប្រឌិត អនុវត្តជោគជ័យនូវគោលដៅអភិវឌ្ឍសេដ្ឋកិច្ចវប្បធម៌ និងសង្គម រក្សាមាំការពារប្រទេស សន្តិសុខប្រទេសជាតិ។ អនុវត្តប្រជាធិបតេយ្យ តំណាងនិងការពារសិទ្ធិនិងផលប្រយោជន៍ស្របច្បាប់របស់ប្រជាជនត្រួតពិនិត្យ រិះគន់សង្គម បង្ការប្រឆាំងនឹងអំពើពុករលួយ ខ្ជះខ្ជាយ ចូលរួមក្នុងការកសាងបក្ស រដ្ឋអំណាច បានស្អាតស្អំ។ បង្កើនសាមគ្គីភាពអន្តរជាតិ បើកទូលាយសកម្មភាពកិច្ចការបរទេសប្រជាជន និងពង្រឹងរចនាសម្ព័ន្ធ ផ្លាស់ថ្មីខ្លឹមសារវិធីសាស្រ្ត លើកកំពស់ប្រសិទ្ធភាព ប្រតិបត្តិការរបស់រណសិរ្សមាតុភូមិវៀតណាម ឆ្លើយតបនឹងតម្រូវការភារកិច្ចក្នុងដំណាក់កាលថ្មី៕
ថាញវ៉ឹន - ហៀនហាញ់ (ទីភ្នាក់ងារសារព័ត៌មានវៀតណាម/ វៀតណាម +)
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
ពាក្យគន្លឹះ