មហាសាមគ្គីជនជាតិ ភូមិស្រុកផ្លាស់ថ្មី

29/07/2019 - 09:06

រៀនសូត្រនិងធ្វើតាមឧត្តមគតិសីលធម៌ ឥរិយាបថហូជីមិញ

សាខាបក្សភូមិកំពង់រាជ ឃុំលឺវង៉ីបអាញ់ ស្រុកថ្កូវ ខេត្តត្រាវិញ ត្រូវបានវាយតម្លៃជាអង្គភាពមួយក្នុងចំណោមអង្គភាពគំរូអំពីការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ។ ហើយក៏ជាអង្គភាពមួយក្នុងចំណោមអង្គភាពលេចធ្លោទាំង៤របស់ស្រុកថ្កូវ បានគណៈឃោសនា អប់រំនៃគណៈកម្មាធិការបក្សខេត្តស្ងើចសរសើរ បន្ទាប់ពី៣ឆ្នាំអនុវត្តសារាចរលេខ០៥។

បក្ខជនសាខាបក្សភូមិកំពង់រាជ មកសួរសុខទុក្ខគ្រួសារក្រីក្រក្នុងភូមិ។

សាខាបក្សភូមិកំពង់រាជ មានបក្ខជន១៣រូប (ក្នុងនោះមានបក្ខជនខ្មែរ៤រូប)។ រៀនសូត្រនិងធ្វើតាមគំរូអ៊ំ ផ្តើមពីទង្វើជាក់ស្តែងភ្ជាប់នឹងភារកិច្ចសំខាន់ក្នុងការងារកសាងបក្ស ពង្រីកសេដ្ឋកិច្ច-សង្គម សាមគ្គីកសាងជីវភាព វប្បធម៌ រក្សាសន្តិសុខសណ្តាប់ធ្នាប់ ពិសេស គឺរួមកម្លាំងជួយគ្រួសារដែលមានស្ថានភាពលំបាក។ល។ ជាសកម្មភាពមួយក្នុងចំណោមសកម្មភាពនានាធ្វើតាមគំរូអ៊ំ ត្រូវបានបក្ខជននិងប្រជាជនស្របចិត្តគំនិតគាំទ្រ គឺសកម្មភាពឧបត្ថម្ភគ្រួសារដែលមានស្ថានភាពលំបាក ជួយមាមីងឈានឡើងចាកផុតពីភាពក្រីក្រ។ សាខាបក្សចលនាសប្បុរសជនរួមវិភាគទានជាប្រាក់ ជូនអំណោយដល់គ្រួសារមានស្ថានភាពលំបាក។ ឆ្នាំ២០១៦ បក្ខជនសាខាបក្សនិងប្រជាជនក្នុងភូមិចលនាសប្បុរសជនក្នុងនិងក្រៅខេត្តឧបត្ថម្ភជាអំណោយជូនគ្រួសារក្រីក្រ គ្រួសារប្រកៀកបន្ទាត់ក្រចំនួន១៥០ចំណែក គិតជាទឹកប្រាក់ប្រមាណ៣០លាន ដុង។ ឆ្នាំ២០១៧ សាខាបក្សសង្កេតឃើញគ្រួសារ លោកង្វៀនវ៉ាន់បេវ ជាគ្រួសារក្រីក្រមានវ័យចំណាស់ សាខាបក្សចលនាសប្បុរសជនរួមវិភាគទានប្រាក់បាន១៣លានដុង ដើម្បីជួយគ្រួសារលោកធ្វើទុនចិញ្ចឹមមាន់ ទា ឈានឡើងលំនឹងជីវភាព។ ថាច់ង៉ុកថាញ់ ជាបក្ខជនម្នាក់តែងខ្នះខ្នែងក្នុងការចលនារួមវិភាគទានឧបត្ថម្ភគ្រួសារដែលមានស្ថានភាពលំបាកនៅភូមិកំពង់រាជ ឱ្យដឹង៖ “រៀនសូត្រនិងធ្វើតាមគំរូអ៊ំ ខ្ញុំតែងបញ្ចេញកម្លាំងប្រឡងប្រណាំងពលកម្មផលិតដើម្បីពង្រីកសេដ្ឋកិច្ចគ្រួសារ។ ពេលសាខាបក្សចលនារួមវិភាគបានប្រាក់ អង្ករ ជូនគ្រួសារដែលមានស្ថានភាពលំបាក ខ្ញុំតែងចូលរួមការចលនានេះ។ យើងមានតិចចូលរួមតិច មានច្រើនចូលរួមច្រើន ធ្វើបានដូច្នោះទើបជាគំរូដើម្បីអ្នកទាំងឡាយយកតម្រាប់តាម”។

សមមិត្តឡេធីកាក លេខាសាខាបក្សភូមិកំពង់រាជ ឱ្យដឹង៖ “ឆ្នាំ២០១៨ សាខាបក្សចលនា បក្ខជននិងសប្បុរសជនរួមវិភាគទានឧបត្ថម្ភក្នុងមួយគ្រួសារ១លានដុង ចលនាឧបត្ថម្ភសង់ផ្ទះ ជូនគ្រួសារដែលលំបាកអំពីលំនៅឋានបាន៣ខ្នង ក្នុងមួយខ្នងៗតម្លៃ៣៥លានដុង។ ជួយស្នើឱ្យគ្រួសារខ្មែរក្រីក្រ២គ្រួសារបុលទុនពីធនាគារគោលនយោបាយ ក្នុងគ្រួសារនីមួយៗ២៥លានដុង។ ចុងឆ្នាំក្នុងភូមិកំពង់រាជ មានគ្រួសារចំនួន៩បានទទួលស្គាល់ចាកផុតពីភាពក្រីក្រ”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ