ដំ​ណឹង​គួរ​រីក​រាយ​ចំ​ពោះ​អ្នក​ដែល​ចូល​ចិត្ត​ផឹក​កា​ហ្វេ ថ្មី​ៗ​នេះ​ក្រុម​អ្នក​វិ​ទ្យា​សាស្រ្ត​នៃ​ប្រ​ទេស​អង់​គ្លេស បាន​រក ឃើញ​ភេសជ្ជៈ​ប្រ​ភេទ​នេះ​អាច​នឹង​ជា​”អា​វុធ”ប្រ​ឆាំង​ភាព​កន្ធុច​លើស​ទម្ង​ន់​។

កាហ្វេ​ អាច​នឹង​ជា”អា​វុធ​”ប្រ​ឆាំង​ភាព​កន្ធុច។​

 រូប​ថត​៖ New Atlas

ជាក់​ស្តែ​ង​ ក្រុម​អ្នក​ស្រាវ​ជ្រាវ​នៅ​មហា​ វិទ្យា​ល័យ​ Nottingham សង្កេត​ ឃើញ​ ការ​ផឹក​កា​ហ្វេ​ត្រឹម​តែ​មួយ​កែវ​ក៏​អាច​រំ​ញោច”​ជាតិ​ខ្លាញ់​ពណ៌​ត្នោត”(BAT) ប្រ​ភេទ​សារ​ធាតុ​ខ្លាញ់​ម្យ៉ាង​មាន​តួ​នាទី​សំខាន់​ក្នុង​ការ កាត់​បន្ថយ​ភាព​លើ​ស​ទម្ងន់​ និង​ទឹក​នោម​ផ្អែម​។​  BAT គឺ​ជា​ប្រ​ភេទ​ជាតិ​ខ្លាញ់​ម្យ៉ាង​ក្នុង​ចំ​ណោម​ ជាតិ​ខ្លាញ់​២​ប្រ​ភេទ​ឋិត​ក្នុង​រាង​កាយ​មនុស្ស​និង​ ប្រ​ភេទ​ថនិក​សត្វ​។​ លុះ​ប៉ុន្មាន​ឆ្នាំ​ជិតៗ​នេះ​  វិទ្យា​សាស្រ្ត​បាន​បញ្ជា​ក់​ ជាតិ​ខ្លាញ់​ពណ៌​ត្នោត អាច​កើត​មាន​លើ​មនុស្ស​ពេញ​វ័យ​ដែរ​ មិន​ចំពោះ​តែ​ទា​រក​នោះ​ទេ។​ ផ្ទុយ​ពី​ជាតិ​ខ្លាញ់​ពណ៌​ស ​ដែល​ជា​លទ្ធ​ផល​នៃ​ដំ​ណាក់​ការ​ស្រូប​យក​សារ​ធាតុ​calorie ច្រើន​ពេក​ BAT មាន​តួ​នា​ទី​យ៉ាង​សំ​ខាន់​គឺ​បង្ក​ឲ្យ​មាន​កម្តៅ​លឿន​រ​ហ័ស​ដោយ​របៀប​ដុត​ជាតិ​ស្ករ​និង​សារ​ធាតុ​ខ្លាញ់​ ភាគ​ច្រើន​ដើម្បី​ជួយ​ឲ្យ​រាង​កាយ​ប្រតិ​កម្ម​ចំ​ពោះ​ភាព​ត្រ​ជាក់​។​ អា​ស្រ័យ​ហេតុ​នោះ​ ចំ​ពោះ​អ្នក​មានទម្ងន់​ (BMI) កាន់តែ​ទាបបរិ​មាណ​ជាតិ​ខ្លាញ់​ពណ៌​ត្នោត​ក្នុង​រាង​កាយ​កាន់​តែ​ខ្ពស់​។​ ជាតិ​ខ្លាញ់​ពណ៌​ត្នោត​ ធ្វើ​ឲ្យ​ចំណី​អា​ហា​រក្លា​យ​ទៅ​ជា​ថាម​ពល​ តាម​រយៈ​នៃ​ដំ​ណើរ​សកម្ម​ protein  បំ​បែក​គូ១​ (UCP១​) ដែល​មាន​ក្នុង​ជាតិ​ខ្លាញ់​ពណ៌​ត្នោត BAT។​

ក្រុម​អ្នក​វិទ្យា​សាស្រ្ត​គ្រាន់​តែ​ដឹង​ថា​ បង្កើន​ដំ​ណើរ​ការ​ជាតិ​ខ្លាញ់​ពណ៌​ត្នោតនឹង​កែលម្អ​កម្រិត​នៃ​ការ​គ្រប់​គ្រង​ជាតិ​ស្ករ​ក្នុង​ឈាម ក៏​ដូចជា​កម្រិត​អង្សា lipid ឈាម ​និង​ដុត calorie បន្ថែ​ម​ នឹង​ជួយ​សម្រក​ទម្ងន់​។​ ថ្វី​បើ​ដូច្នោះ​ក្តី​ ប៉ុន្តែ​នៅ​មិន​ទាន់​មាន​ការ​ស្រាវ​ជ្រាវ​វិទ្យា​សាស្រ្ត​ណា​រក​ឃើញ​វិ​ធានការ​ប្រ​កប​ដោយ​ប្រ​សិ​ទ្ធភាព​ ដើម្បី​រំ​ញោច​ដំ​ណើរ​ការ​នៃ​ជាតិ​ខ្លាញ់​ពណ៌​ត្នោត ក្នុង​រាង​កាយ​មនុស្ស​ រហូត​ដល់​សាស្រ្តា​ចារ្យ​ Michael Symonds និង​សហ​កា​រីសម្រេច​រួច​រាល់​ការ​សិក្សា​ស្រាវ​ជ្រាវ​របស់​ពួកគាត់​។​

ព្រម​ជា​មួយ​នោះ​ ការ​សិក្សា​ស្រាវ​ជ្រាវ​បាន​ធ្វើ​ពិសោ​ធន៍​ក្នុង​កែវ​ពិសោ​ធន៍​និង​លើ​រាង​កាយ​មនុស្ស​ ដើម្បី​វាយ​តម្លៃ​ផល​ប៉ះ​ពាល់​របស់​ caffeine ជា​សម​សភា​ពមួយ​ដែល​នៅ​ក្នុង​ជាតិ​កាហ្វេ​ ចំ​ពោះ​ដំណើរ​ការ​កើត​កម្ដៅ​នៃ​ជាតិ​ខ្លាញ់​ពណ៌​ ត្នោត។​ មុនដំបូង​ ពួក​គាត់​យក​កោស​ិកា​ដែល​ស្រូប​ជាតិ​ខ្លាញ់​របស់​សត្វ​កណ្តុរ (កាត់​ចេញ​ពីកោស​ិកា​ដើម) ទៅ​បំប៉ះ​ជា​មួយ​ caffeine រួច​ពិ​និត្យ​ឃើញ​ ការ​បំ​ប៉ះ​គ្នា​នោះ​ធ្វើ​ឲ្យ​កើន​បរិមាណ UCP១​ ព្រម​ជាមួយ​នោះ​ ជំរុញ​រហ័ស​ដំណើរ​រូប​បរិ​វត្តិ​នៃ​កោស​ិកា​ទាំង​ឡាយ​។​ ក្រោយ​ពីកំណត់​ដឹង​លទ្ធផល​ខាងលើ​ច្បាស់​លាស់​ ក្រុម​ អ្នក​សិក្សា​ស្រាវ​ជ្រាវ​បន្តធ្វើ​ពិសោ​ធន៍​លើ​រាង​កាយ​មនុស្ស​។​ អ្នក​ដែល​មាន​សុខ​ភាព​ល្អចូល​រួម​ចំ​នួន​៩​នាក់ តម្រូវ​ឲ្យ​ផឹកកាហ្វេ​មួយ​កញ្ចប់​ផ្ទុក​ caffeine ប្រមាណ​៦​៥​mg។​ ជាតិ​ខ្លាញ់​ពណ៌​ត្នោត ភាគច្រើន​នៅ​គល់ក ម្ល៉ោះ​ហើយ​ពួកអ្នក​វិទ្យា​សាស្រ្ត​បាន​ថត​យក​កម្តៅ​របស់​អ្នក​ទាំង​នោះ​ក្នុង​រយៈ​ពេល​៣​០​នាទី​ក្រោយ​ពី​ផឹក​កា​ហ្វេ​ ដើម្បី​ពិ​និត្យ​មើល​ថា​តើ​ជាតិ​ខ្លាញ់​ពណ៌​ត្នោតក្តៅ​ឬ​អត់​ គឺ​សមត្ថភាព​បង្កើត​កម្ដៅរបស់​ពួកគេ​។​ លទ្ធផល​គួរ​ឲ្យ​រីក​រាយ​ ខណៈ​ពេល​ ផឹក​កា​ហ្វេ​ បាន​រំ​ញោច​ដំ​ណើរ​ការ​បង្កើត​កម្តៅនៅ​កន្លែង​ដែល​ស្ដុក​ជាតិ​ខ្លាញ់​ពណ៌​ត្នោតក្នុង​រាង​កាយ។​ 

 ការ​ពិ​សោ​ធន៍​ទាំង​ពីរ​ដូច​ពោល​ខាង​លើ​ បាន​បង្ហាញ​ឲ្យ​ឃើញ​ថា  caffeine អាច​ជំ​រុញ​មុខ​ងារ​នៃ​ជាតិ​ខ្លាញ់​ពណ៌​ត្នោត ហើយ​ភេសជ្ជៈ​ប្រភេទ​នេះ​ មាន​សក្ដា​នុ​ភាព​អាច​ប្រើ​ប្រាស់​សម្រាប់​ព្យា​បាល​ជំងឺ​មនុស្ស​ពេញ​វ័យ​។​ របកគំហើញនេះ​ កាន់​តែ​មាន​អត្ថ​ន័យ​ ដ្បិត​ភាពកន្ធុច​កំ​ពុង​ជា​បញ្ហា​ប្រ​ឈម​ដ៏​ធំ​ចំ​ពោះ​សុខ​ភាព​សហ​គម​ន៍​។​ ក្រៅ​ពីនោះ​ ភាព​រំ​ញោច​ជាតិ​ ខ្លាញ់​ពណ៌​ត្នោត អាច​ជា​វិធាន​ការ​មួយ​ជួយ​ទប់ស្កាត់​ជំ​ងឺ​ទឹក​នោម​ផ្អែម​កំពុង​កើត​មាន​គ្រប់​ទី​កន្លែង​នា​បច្ចុ​ប្បន្ន​៕

       ហាញ់​ង្វៀន​ -ថាច់​ធី (Theo goodnewsnetwork, CNN)