មហាសាមគ្គីជនជាតិ គំរូក្នុងសហគមន៍

16/07/2019 - 08:30

រីកសាយភាយការរៀនសូត្រនិងធ្វើតាមអ៊ំហូ

ក្រោយរយៈពេល៣ឆ្នាំអនុវត្តនៅខេត្តសុកត្រាំង បទបញ្ជាលេខ០៥-CT/TW របស់គណៈកម្មាធិការមជ្ឈិមបក្សស្តីពី “ជំរុញការរៀនសូត្រនិងធ្វើតាមសតិអារម្មណ៍ សីលធម៌និងឥរិយាបថ ហូជីមិញ” (បទបញ្ជាលេខ ០៥ ) បានរីកសាយភាយនិងលេចឡើងនូវសមូហភាព និងបុគ្គលឆ្នើមជាច្រើន។ល។

គណៈកម្មាធិការឃោសនាអប់រំខេត្តបានសរសើរសមូហភាពនិងបុគ្គលឆ្នើមក្នុងការរៀនសូត្រ

និងធ្វើតាមសតិអារម្មណ៍ សីលធម៌ ឥរិយាបថហូជីមិញ។

ការផ្សព្វផ្សាយបទបញ្ជាលេខ០៥ ក្នុងរយៈពេល៣ឆ្នាំកន្លង ក្នុងខេត្តទាំងមូលមានសមូហភាពចំនួន៦៥៣និងបុគ្គល១.៧៤៤នាក់ ជាគំរូឆ្នើមត្រូវបានគ្រប់ផ្នែក គ្រប់ថ្នាក់ស្ងើចសរសើរ និងជូនរង្វាន់។ គំរូឆ្នើមមាននៅគ្រប់វិស័យនៃជីវភាពសង្គម ទាំងក្នុងការផលិតនិងការធើ្វអាជីវកម្ម តាំងពីអង្គការចាត់តាំងបក្ស រហូតដល់អង្គភាព រដ្ឋអំណាចរដ្ឋបាលបុព្វហេតុ អង្គការមហាជន ស្ថាប័ន អង្គភាព អង្គការសាសនា ព្រមទាំងកសិករ។ល។

តួយ៉ាងដូចលោកឡឹមវ៉ាន់ផឹង ជាអ្នកមានប្រជាប្រិយភាពម្នាក់នៅភូមិតាក់យ៉ុង ឃុំថាមដូន ស្រុកមីស្វៀង បានគណៈកម្មាធិការឃោសនាអប់រំខេត្ត ស្ងើចសរសើ និងជូនរង្វាន់។ លោកផឹង បាននិយាយថា “ អ៊ំហូបានធ្វើនូវការងារល្អជាច្រើនយើងរៀនសូធ្យ និងធ្វើតាមអ៊ំមួយជីវិតក៏មិនអស់ដែរ ។ល។ ខ្ញុំជាកសិករ មិនអាចជួយរដ្ឋនូវការងារអ្វីធំដុំបាន ដូច្នេះខ្ញុំបានចលនាសាច់ញាតិ មាមីងនិងសប្បុរសជន រួមវិភាគទានជាទឹកប្រាក់ដើម្បីកសាងផ្លូវដាន ផ្ទះ ស្ពានជនបទ និងជូនអំណោយដល់ប្រជាជនក្រីក្រ។ល។ មាមីងយើង មានផ្លូវដើរ មានផ្ទះនៅសមរម្យគឺខ្ញុំត្រេកអណាស់។ ឥឡូវនេះខ្ញុំនៅតែទូន្មានកូនចៅរបស់ខ្ញុំថា ការរៀន និងធ្វើតាមអ៊ំ មិនមែនធ្វើការងារអ្វីធំដុំនោះទេ គឺយើងរៀនពីរបៀបធ្វើជាមនុស្ស ចេះស្រឡាញ់ និងជួយគ្នាទៅវិញទៅមក។ ទោះបីជាការងារតូចបំផុត តែមានន័យក្នុងជីវិតក៏គប្បីជួយជំរុញ ជួយធ្វើ”។ លោកស្រីត្រឿងធីធូវ៉ឹង គ្រូបង្រៀននៅសាលាមត្តេយ្យ សង្កាត់៥ ក្រុងសុកត្រាំង មានរយៈកាលជាង១៨ឆ្នាំបំពេញការងារផ្នែកអប់រំនិង មានជាង៣១ដងបានបរិច្ចាគឈាម។ សន្តានចិត្តរបស់លោកស្រីបានសមូហភាពសាលាស្ងើចសរសើរ។ លោកស្រីវ៉ឹងបាននិយាយ៖ “អ៊ំធ្លាប់បាននិយាយថា “ ការងារអប់រំមានសារៈសំខាន់ខ្លាំងណាស់ មានភាពថ្លៃថ្លាណាស់ បើគ្មានគ្រូបង្រៀនទេ ក៏មិនមានការងារអប់រំដែរ”។ អ៊ំឲ្យតម្លៃខ្ពស់ចំពោះតួនាទីរបស់គ្រូបង្រៀន ដូច្នេះខ្ញុំតែងតែធ្វើ ជាគំរូល្អ ខ្នះខ្នែងជួយដល់មិត្តរួមការងារនិងយកចិត្តទុកដាក់គិតគូរដល់សិស្ស។ ខ្ញុំបំពេញការងារនៅទីតាំងសាលាដែលមានជនជាតិខ្មែររស់នៅកុះករ។ ម្ល៉ោះហើយខ្ញុំបានបង្រៀនសិស្សពីបំណិនជីវិត ពីការចេះគួរសមគឺសំខាន់ណាស់។ ពិសេស ខ្ញុំបានបរិច្ចាគឈាម គឺដើម្បីជួយដល់អ្នកជំងឺដែលត្រូវការសង្រ្គោះ។ ឆ្លងតាមរឿងអំពីទង្វើរបស់អ៊ំហូ ខ្ញុំរៀនសូត្របានច្រើនប្រការបំផុតគឺការ ជួយដល់អ្នកដទៃ ទោះបីការងារនោះតូចតាច ឲ្យតែមានអត្ថន័យ។ល។”។

យោងតាមប្រសាសន៍លោក ឡឹមតឹងហ្វា ប្រធានគណៈកម្មាធិការឃោសនាអប់រំខេត្តសុកត្រាំង៖ នាពេលបច្ចុប្បន្នការរៀនសូត្រ និងធ្វើតាមសតិអារម្មណ៍សីលធម៌និងឥរិយាបថរបស់អ៊ំហូ កាន់តែមានការស៊ីជម្រៅ និងក្លាយជាការងារដែលមនុស្សគ្រប់រូបភ្ញាក់រលឹកដោយខ្លួនឯង ជាការងារប្រចាំរបស់កម្មាភិបាល បក្ខជននិងប្រជាជនក្នុងខេត្ត។ រយៈពេលខាងមុខ គណៈកម្មាធិការបក្ស រដ្ឋអំណាច រណសិរ្ស និងអង្គការមហាជន គប្បីផ្សព្វផ្សាយទូលំទូលាយ ស្ងើចសរសើរនូវបុគ្គល សមូហភាពគំរូឆ្នើមឲ្យបានទាន់ពេល និងបង្កលក្ខណៈរៀនសូត្រ ពង្រីកនូវបទពិសោធន៍ របៀបធ្វើល្អៗក្នុងការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថរបស់អ៊ំ៕

លីធាន-សុផន

ចែករំលែកអត្ថបទ

ពាក្យគន្លឹះ