ព្រឹត្តិការណ៍ - នយោបាយ ព្រឹត្តិការណ៍

25/03/2019 - 09:34

បង្កបរិយាកាសរីករាយ រួមជាមួយជនរួមជាតិខ្មែរ អំណរបុណ្យចូលឆ្នាំថ្មីប្រពៃណី ឆ្នាំ ២០១៩

ព្រឹកថ្ងៃទី ២១ ខែមីនា នៅការិយាល័យនៃគណៈកម្មាធិការប្រជាជនក្រុងកឹងធើ គណៈចាត់តាំងបានរៀបចំកិច្ចប្រជុំ អំណរបុណ្យចូលឆ្នាំប្រពៃណីរបស់ជនរួមជាតិខ្មែរណាមបូ ឆ្នាំ២០១៩ (ហៅកាត់ថាកិច្ចជួបជុំ) រៀបចំប្រជុំ ដើម្បីជូនរបាយការណ៍អំពីស្ថានភាពនៃការអនុវត្តការងារបម្រុង និងឯកភាពប្រគល់ភារកិច្ចក្នុងគណៈចាត់តាំងពិធីជួបជុំ ។

លោកឡេសើុងហាយ អនុរដ្ឋមន្រី្ត អនុប្រធានគណៈកម្មាធិការជនជាតិ

ថ្លែងការក្នុងអង្គប្រជុំ។

ស្តីពីការងារត្រៀមសម្រាប់ពិធីជួបជុំ តាមប្រសាសន៍របស់លោកឡេសើុងហាយ អនុរដ្ឋមន្រ្តី អនុប្រធានគណៈកម្មាធិការជនជាតិ៖ គណៈកម្មាធិការជនជាតិបានសហការជាមួយខុទ្ទកាល័យរដ្ឋាភិបាល លើកជូននាយករដ្ឋមន្រ្តី អំពីពេលវេលារៀបចំពិធីជួបជុំ ធ្វើសេនាធិការលិខិតប្រសិទ្ធពររបស់នាយករដ្ឋមន្រ្តី ផ្ញើជូនជនរួមជាតិ សមមិត្ត ព្រះសង្ឃនិងអណិកជនជាជនជាតិខ្មែរ និងអំណោយរបស់នាយករដ្ឋមន្រ្តី ជូនតំណាងដែលចូលរួមពិធីជួបជុំ។

គណៈកម្មាធិការជនជាតិក៏បានចង្អុលការដល់នាយកដ្ឋានភូមិភាគIII និងនាយកដ្ឋាន អង្គភាព ឋិតក្រោមឱវាទនៃគណៈកម្មាធិការជនជាតិ សហការធ្វើសេនាធិការចេញឯកសា ត្រៀមគ្រប់លក្ខណៈសម្រាប់បម្រើក្នុងពិធីជួបជុំ និងសកម្មភាពនានាអំណរបុណ្យចូលឆ្នាំថ្មីប្រពៃណី ឆ្នាំ២០១៩ លើភូមិសាស្រ្ត។ ថ្នាក់ដឹកនាំនៃគណៈកម្មាធិការជនជាតិ សហការជាមួយថ្នាក់ដឹកនាំក្រុងកឹងធើ ឯកភាពផែនការ ខ្លឹមសារ និងល័ក្ខខ័ណ្ឌនានាសម្រាប់ការរៀបចំពិធីជួបជុំ។ ទន្ទឹមនឹងនោះ រៀបចំវគ្គធ្វើការ ប្រគល់ភារកិច្ចជាក់ស្តែងដល់នាយកដ្ឋាន អង្គភាព មន្ទីរ គណៈ ផ្នែកនានា ដែលពាក់ព័ន្ធ ធ្វើសេនាធិការកសាងផែនការ និងវិធានការសហការស្អិតល្មួត ឆ្លើយតបតាមតម្រូវការនៃពិធីជួបជុំ។ គណៈកម្មាធិការជនជាតិ កំពុងសហការជាមួយអង្គភាពពាក់ព័ន្ធនានា ប្រញាប់ បង្ហើយនូវការងាររៀបចំការងារភស្តុភារ និងការទទួលបដិសណ្ឋារៈ។ល។ សំដៅធានាពិធីជួបជុំ ប្រព្រឹត្តទៅដោយភាពជោគជ័យ ល្អប្រសើរ ។

ក្នុងកិច្ចប្រជុំនេះ លោកវ៉ថាញ់ថុង ប្រធានគណៈកម្មាធិការប្រជាជនក្រុងកឹងធើ បានមានប្រសាសន៍ ថា: មន្ទីរ និងផ្នែកដែលពាក់ព័ន្ធនានារបស់ទីក្រុង បាននិងកំពុងតែអនុវត្ដផែនការត្រូវតាមតម្រូវការនៃគណៈចាត់តាំងពិធីជួបជុំ។ ប្រធានគណៈកម្មាធិការប្រជាជនក្រុងកឹងធើ ចង្អុលការ មន្ទីរ គណៈ ផ្នែកដែលពាក់ព័ន្ធនានារបស់ទីក្រុងបន្តការសហការជាមួយនាយកដ្ឋានភូមិភាគ III គណៈកម្មាធិការប្រជាជន ជំរុញខ្លាំងក្លាការងារផ្សព្វផ្សាយ មានវិធានការម្ចាស់ការគិតគូរសុខភាពសម្រាប់តំណាងអញ្ជើញចូលរួម។ គ្រប់ផ្នែក និងភូមិភាគនៅតំបន់វាលរាបទន្លេគឺវឡុង សហការស្អិតល្មួត ជាមួយក្រុងកឹងធើ ក្នុងការធានា និងរក្សាសណ្តាប់ធ្នាប់ មុននិងក្រោយពិធីជួបជុំ។ ផ្តើមពីនោះ បង្កបរិយាកាសរីករាយ រួមជាមួយជនរួមជាតិខ្មែរទទួលអំណរបុណ្យចូលឆ្នាំថ្មីប្រពៃណី ឆ្នាំ២០១៩នេះ ប្រកបដោយអត្ថន័យយ៉ាងជ្រាវជ្រៅជាទីបំផុត៕

តាមផែនការ ពិធីជួបជុំនឹងប្រព្រឹត្តឡើងនៅថ្ងៃទី៦ ខែមេសា ឆ្នាំ២០១៩ នៅសាលប្រជុំនៃ គណៈកម្មាធិការបក្សក្រុងកឹងធើ។

 ថាញ់ឡុង

ចែករំលែកអត្ថបទ

ពាក្យគន្លឹះ