ព្រឹត្តិការណ៍ - នយោបាយ ព្រឹត្តិការណ៍

04/12/2018 - 14:45

សន្និបាតកម្មាភិបាលទូទាំងប្រទេសរៀនសូត្រ បញ្ជ្រាបផ្សព្វផ្សាយអនុវត្តខ្លឹមសារនៃសន្និបាតមជ្ឈិម៨ នីតិកាល ទីXII

(CT)- គណៈលេខាមជ្ឈិមបក្ស បានរៀបចំអង្គសន្និបាតកម្មាភិបាលទូទាំងប្រទេសរៀនសូត្រ បញ្រ្ជាបផ្សព្វផ្សាយអនុវត្តខ្លឹមសារនៃសន្និបាតមជ្ឈិម៨ នីតិកាលទីXII របស់បក្ស តាមរូបភាពផ្សាយផ្ទាល់តាមប្រព័ន្ធអិនធឺណែតតភ្ជាប់៤មណ្ឌល ចាប់ពីថ្នាក់មជ្ឈិម និងថ្នាក់ខេត្តក្នុងទូទាំងប្រទេស និងមានទីតាំងផ្សាយផ្ទាល់តាមប្រព័ន្ធអិនធឺណែត ចាប់ពីថ្នាក់ខ័ណ្ឌ ស្រុក ឃុំសង្កាត់ ទីប្រជុំជននិងស្ថាប័ន អង្គភាពជិត២.៧០០កន្លែង មានបក្ខជនចូលរួមជាង៤០៥.០០០រូប។

សមមិត្តថ្នាក់ដឹកនាំ អតីតថ្នាក់ដឹកនាំបក្ស រដ្ឋនិងអ្នកតំណាងទាំងឡាយចូលរួមអង្គសន្និបាត។ រូប៖ ភឿងហ្វា- TTXVN

អង្គសន្និបាតបានស្តាប់សមមិត្តដែលជាសមាជិកការិយាល័យនយោបាយ លេខាមជ្ឈិមបក្ស សមាជិកមជ្ឈិមបក្ស ធ្វើការផ្សព្វផ្សាយ បញ្ជ្រាបនូវខ្លឹមសារនៃសន្និបាតមជ្ឈិម ៨ នីតិកាលទី XII របស់បក្ស។ ក្នុងនោះ សមមិត្តផាមមិញជិញ សមាជិកការិយាល័យនយោបាយ លេខាមជ្ឈិមបក្ស ប្រធានគណៈកម្មការចាត់តាំងមជ្ឈិម ធ្វើការផ្សព្វផ្សាយបញ្ជ្រាបនូវសេចក្តីកំណត់លេខ០៨-QĐi/TW ចុះថ្ងៃ២៥ ខែតុលា ឆ្នាំ២០១៨ របស់គណៈប្រតិបត្តិការមជ្ឈិមបក្ស នីតិកាលទីXII ស្តីពីភារកិច្ចយកគំរូតាមកម្មាភិបាល បក្ខជនដំបូងបង្អស់គឺសមាជិកការិយាល័យនយោបាយ សមាជិកគណៈលេខា សមាជិកគណៈប្រតិបត្តិការមជ្ឈិម; បន្ទាប់មក សមមិត្តវឿងឌិញហ្វែ សមាជិកការិយាល័យនយោបាយ បានផ្សព្វផ្សាយ បញ្ជ្រាបសេចក្តីសន្និដ្ឋានលេខ៣៧-KL/TW ចុះថ្ងៃ១៧ ខែតុលា ឆ្នាំ២០១៨ របស់គណៈប្រតិបត្តិការមជ្ឈិមបក្ស នីតិកាលទី XII ស្តីពីស្ថានភាពសេដ្ឋកិច្ច-សង្គម ថវិការដ្ឋឆ្នាំ២០១៨ និងភារកិច្ចឆ្នាំ២០១៩; រីឯសមមិត្ត ត្រឹងហុងហា សមាជិកមជ្ឈិមបក្ស រដ្ឋមន្រ្តីក្រសួងធនធានធម្មជាតិនិងបរិស្ថាន បានផ្សព្វផ្សាយ បញ្ជ្រាបសេចក្តីសម្រេចលេខ៣៦-NQ/TW របស់គណៈប្រតិបត្តិការមជ្ឈិមបក្ស នីតិកាលទីXII ស្តីពីយុទ្ធសាស្រ្តអភិវឌ្ឍប្រកបដោយចីរភាពសេដ្ឋកិច្ចសមុទ្រវៀតណាម ដល់ឆ្នាំ២០៣០ និងចក្ខុវិស័យដល់ឆ្នាំ២០៤៥។

ថ្លែងយោបល់សរុបសេចក្តីនិងចង្អុលការ នៅអង្គសន្និបាត សមមិត្តវ៉វ៉ាន់ទឿង សមាជិកការិយាល័យនយោបាយ លេខាមជ្ឈិមបក្ស ប្រធានគណៈឃោសនាអប់រំមជ្ឈិម វាយតម្លៃខ្ពស់នូវស្មារតីរៀនសូត្រ បញ្ជ្រាបយ៉ាងហ្មត់ចត់ពីសំណាក់កម្មាភិបាល បក្ខជនគ្រប់រូបក្នុងទូទាំងប្រទេស។ ម្យ៉ាងវិញទៀត ប្រធានគណៈឃោសនាអប់រំមជ្ឈិម ក៏បានសំណូមពរ៖ គណៈកម្មាធិការបក្សខេត្ត គណៈកម្មាធិការបក្សក្រុង និងគណៈកម្មាធិការបក្ស ក្រោមឱវាទមជ្ឈិម គប្បីចង្អុលការរៀបចំអង្គ សន្និបាតរៀនសូត្របញ្ជ្រាបនូវខ្លឹមសារនៃអង្គសន្និបាតមជ្ឈិម៨ នីតិកាលទីXII របស់បក្សតាមការណែនាំរបស់គណៈឃោសនាអប់រំមជ្ឈិម ដល់កម្មាភិបាល បក្ខជន ដើម្បីធានាត្រូវតាមល្បឿនដំណើរការ និងប្រកបដោយគុណភាព; គប្បីកសាងកម្មវិធី ផែនការ ដើម្បីនាំយកសេចក្តីកំណត់សេចក្តី សន្និដ្ឋាន និងសេចក្តីសម្រេចនៃអង្គសន្និបាតមជ្ឈិម៨ នីតិកាលទីXII របស់បក្ស ទៅក្នុងជីវភាព៕

អាញ់យុង -លីសៀ

ចែករំលែកអត្ថបទ

ពាក្យគន្លឹះ