ព្រឹត្តិការណ៍ - នយោបាយ ព្រឹត្តិការណ៍

17/07/2018 - 09:20

អ​នុ​ប្រ​ធាន​រដ្ឋ​ស​ភា​ អួង​ជូ​លឺវ បំ​ពេញ​ទស្សន​កិច្ច និង​ធ្វើ​ការ​នៅ​ខេត្ត​សុក​ត្រាំង

ក្រុម​គណៈ​ប្រតិ​ភូ ដឹក​នាំ​ដោយ​ស​មា​ជិក​មជ្ឈិម​បក្ស​ អនុ​ប្រធា​ន​រដ្ឋ​ស​ភា អួង​ជូលឺ​វ ទើប​ធ្វើ​ការ​ជា​មួយ​​ថ្នាក់​ដឹក​នាំ​ និង​កម្មា​ភិ​បាល​ស្នូល​ខេត្ត​សុក​ត្រាំង អំ​ពី​ស្ថាន​ភាព​អភិ​វឌ្ឍ​សេដ្ឋ​កិច្ច​-សង្គម​៦​ខែ​ដើម​ឆ្នាំ ២០១៨ និង​ផ្សព្វ​ផ្សាយ​ផែន​ការ​អភិ​វឌ្ឍ​សេដ្ឋ​កិច្ច​-សង្គម​៦​ខែ​ចុង​ឆ្នាំ​២០១៨​។

អនុ​ប្រ​ធាន​រដ្ឋ​ស​ភា​ អួង​ជូ​លឺវ​ ធ្វើ​ការ​ជា​មួយ​ថ្នាក់​ដឹ​កនាំ​ខេត្ត​សុក​ត្រាំង​។

រ​បាយ​ការណ៍​ជូន​ក្រុម​គណៈ​ប្រតិ​ភូ លោក​ត្រឹង​វ៉ាន់​ច្វៀង  ប្រ​ធាន​គណៈ​កម្មា​ធិ​ការ​ប្រ​ជា​ជន​ខេត្ត​សុក​ត្រាំង ឲ្យ​ដឹង​៖ ក្នុង​៦​ខែ​ដើម​ឆ្នាំ ខេត្ត​សុក​ត្រាំង ទទួល​បាន​ផល​ពី​ដំ​ណាំ​​ស្រូវ​ជា​ច្រើន​ លក់​បាន​ថ្លៃ ចំ​ណេញ​ជាង​២០​លាន​ដុង​/ហិក​តា នី​ហរ័ណ​កើន​ខ្ពស់​បើ​ប្រៀប​ជា​មួយ​នឹង​ឆ្នាំ​មុន​ៗ​ ក្នុង​នោះ អង្ក​រ​នាំ​ចេញ​កើន​៧៥​% វាយ​ន​ភ័ណ្ឌ​កាត់​ដេរ​កើន​​ជិត៤​២​%។ លើ​វិ​ស័យ​ជំ​រុញ​ដំ​ណើរ​វិ​និ​យោគ​ទុន​ ខេត្ត​បាន​ធ្វើការ​ជា​មួយ​នឹង​វិ​និ​យោ​គិន​ចំ​នួន​៦០ ស្នើ​វិ​និ​យោគ​ទុន​គម្រោង​ចំ​នួន​៧២​។ល។ អំ​ពី​ភារ​កិច្ច​ដំ​ណោះ​ស្រាយ​នៃ​ការ​អ​ភិ​វឌ្ឍ​សេដ្ឋ​កិច្ច​-សង្គម​៦​ខែ​ចុង​ឆ្នាំ​២០១៨ លោក​ផាន​វ៉ាន់​សៅ លេ​ខា​គណៈ​កម្មា​ធិ​ការ​បក្ស​ខេត្ត​សុក​ត្រាំង​ ឲ្យ​ដឹង​៖ ខេត្ត​នឹង​ផ្តុំ​កម្លាំង​លើ​ការ​អនុ​វត្ត​ព្រម​ៗ​គ្នា​នូ​​វ​រាល់​ដំ​ណោះ​​ស្រាយ រៀប​ចំ​រចនា​សម្ព័ន្ធ​ក​សិ​កម្ម​ឡើង​វិញ​ ផ្សារ​ភ្ជាប់​នឹង​ការ​ក​សាង​ជន​បទ​ថ្មី ត្រួត​ពិ​និត្យ​​វាយ​តម្លៃ​ សក្តា​នុ​ភាព​ ដើម្បី​ក​សាង​ក្រុម​ផលិត​ផល​មុខ​ព្រួញ​សម​ស្រប​ទៅ​នឹង​​តម្រូវ​ការ​ទី​ផ្សារ​និង​បម្រែ​បម្រួល​អា​កាស​ធាតុ​។ល។​

អនុ​ប្រ​ធាន​រដ្ឋ​ស​ភា​ អួង​ជូ​លឺ​​វ​ កត់​សម្គាល់​នូវ​ការ​ខិត​ខំ​យ៉ាង​ពេញ​ទំ​ហឹង​ដែល​ខេត្ត​សុក​ត្រាំង​សម្រេច​បាន​ក្នុង​៦​ខែ​ដើម​ឆ្នាំ​២០១៨ ពី​ការ​អភិ​វឌ្ឍ​សេដ្ឋ​កិច្ច-សង្គម ការ​ងារ​ធា​នា​សុ​វត្ថិ​ភាព​ សន្តិ​សុខ​សង្គម អ​ធិ​ការ​កិច្ច យុត្តិ​ធម៌ ម​ហា​ផ្ទៃ។​ អនុ​ប្រ​​ធាន​​រដ្ឋ​ស​ភា បញ្ជាក់​ថា ខេត្ត​សុក​ត្រាំង គប្បី​ស្វែង​រក​នូវ​ដំ​ណោះ​ស្រាយ​និង​ពង្រីក​ឧត្តម​ភាព​ដើម្បី​សម្រេច​បាន​លទ្ធ​ផល​សេដ្ឋ​កិច្ច​កាន់​តែ​ប្រ​សើរ​ជាង​ទៀត​។ល។ ព្រម​ទាំង​យក​ចិត្ត​ទុក​ដាក់​ទាញ​យក​ផល និង​ប្រ​មូល​ផ្តុំ​វិ​និ​យោគ​លើ​ឧត្តម​ភាព​ក​សិ​កម្ម​ បង្កើន​ការ​អនុ​វត្ត​វិ​ទ្យា​សាស្រ្ត​បច្ចេក​វិជ្ជា​ បែប​បទ​ផលិត​កម្ម​ជឿន​លឿន​ ជំ​រុញ​ផលិត​កម្ម​ក​សិ​កម្ម​សុ​វត្ថិ​ភាព និង​ជំ​រុញ​នី​ហ​រ័ណ​ក​សិ​ផល​...។​

ស្រប​ឱ​កាស​នេះ​ដែរ អនុ​ប្រ​ធាន​រដ្ឋ​ស​ភា​ អួង​ជូ​លឺវ ក៏​បាន​អញ្ជើញ​ទៅ​សួរ​សុខ​ទុក្ខ​គ្រួ​សារ​លោក​ថាច់​មិញ​សុខ និង​គ្រួ​សារ​អ្នក​មីង​ត្រឿង​ធី​គីម​សឺន​ គឺ​ជា​គ្រួ​សារ​ឋិត​ក្នុង​ក្រប​ខ័ណ្ឌ​គោល​ន​យោ​បាយ​​នៅ​ឃុំ​ភូ​តឹម​ ស្រុក​ចូវ​ថាញ់​ ខេត្ត​សុក​ត្រាំង​៕​

                                    ត្រឿង​ផល​-មុ​នី

ចែករំលែកអត្ថបទ