គោលនយោបាយ -ការរស់នៅ ការរស់នៅ

16/02/2016 - 14:16

ឧបត្ថម្ភជនរួមជាតិខ្មែរចាកផុតពីភាពក្រីក្រ

សព្វថ្ងៃ ការងារឧបត្ថម្ភជនរួមជាតិខ្មែរចាកផុតពីភាពក្រីក្រ គឺជាគោលដៅដែលខេត្តត្រាវិញនិយាយរួម ស្រុកទីវកឹងនិយាយដោយឡែក បានកំណត់ក្នុងរយៈពេលខាងមុខ។

ប្រសិទ្ធភាពនៃទម្រង់រូបភាពបង្វែររចនាសម្ព័ន្ធពូជដំណាំ នៅលើដីផ្នូរ
ខ្សាច់ដីទួលរបស់គ្រួសារខ្មែរមួយចំនួននៅឃុំ ហ៊ីវតឺ ស្រុកទីវកឹង។

ទីវកឹងជាស្រុកមួយក្នុងចំណោមស្រុកទាំងឡាយ ដែលមានជនរួមជាតិ ខ្មែររស់នៅកុះកររបស់ខេត្តត្រាវិញ។ មកទល់សព្វថ្ងៃ ទូទាំងស្រុកមានឃុំចំនួន៤ត្រូវបានទទួលស្គាល់ជាឃុំជនបទថ្មី ក្នុងនោះ ភូកឹងជាឃុំគំរូកសាងជនបទថ្មីរបស់ខេត្តត្រូវបានទទួលស្គាល់កាលពីចុងឆ្នាំ២០១៣ រីឯឃុំហ៊ីវទ្រុង តឹងហ៊ុងនិងតឹបង៉ាយបានទទួលស្គាល់កាលពីចុងឆ្នាំ២០១៤។ បើតាមផែនការស្រុកកំពុងខិតខំកសាងឃុំហ៊ីវតឺសម្រេចបទដ្ឋាន ជនបទថ្មីនាចុងឆ្នាំ២០១៥។

ប្រធានការិយាល័យកសិកម្ម និងអភិវឌ្ឍជនបទស្រុកទីវកឹង ង្វៀនវុាំងយ៉ីប ឲ្យដឹង៖ ជាមួយនឹងប្រភពទុនជាច្រើន ការិយាល័យកសិកម្មកំពុងផ្សព្វផ្សាយផែនការអនុវត្តពិសោធន៍ទម្រង់រូបភាព ដាំសណ្តែកដីលើដីផ្នូរខ្សាច់ ដោយទ្រង់ទ្រាយ២ហិកតានៅ៣ឃុំ គឺហ៊ីវតឺ ហ៊ីវទ្រុងនិងឡុងថើយ។ ទម្រង់រូបភាពជ្រើសវិនិយោគទុនសំខាន់គឺ គ្រួសារខ្មែរដែលមានលក្ខណៈផលិតកម្មងាយស្រួល កម្រិតជំនួយពូជ១០០% កម្រៃសម្ភារៈ កសិកម្ម៣០%។ ក្រៅពីនោះ ចំពោះគ្រួសារដែលចូលរួមទម្រង់រូបភាព ត្រូវបានហ្វឹកហាត់បច្ចេកទេសផលិតកម្ម ដើម្បីនាំមកប្រសិទ្ធភាពក្នុងការផលិត ហើយតទៅមុខនឹងពង្រីកទ្រង់ទ្រាយផលិតឲ្យកាន់តែធំថែមទៀត។

លោកថាច់ច័ន្ទ កសិករខ្មែរនៅភូមិកិញឆាង ឃុំហ៊ីវតឺ ជាគ្រួសារដែលបានវិនិយោគទុនដាំសណ្តែកដី ឲ្យដឹង៖ "ទោះបីទើបតែដាំលើកដំបូងប៉ុន្តែខ្ញុំពិនិត្យឃើញទម្រង់រូបភាព ដាំសណ្តែកដីលើដីផ្នូរខ្សាច់នៅទីនេះ នាំមកប្រសិទ្ធភាពបង្គួរ។ ក្រោយទៀត គ្រួសារខ្ញុំច្បាស់ជាបង្កើនផ្ទៃដីដាំបន្ថែមឲ្យតែមានប្រសិទ្ធភាពខ្ពស់ ខ្ញុំនឹងដាំដុះបន្តដើម្បីគ្រួសារបានចាកផុតពីភាពក្រីក្រ"។ រីឯបងថាច់ប៊ី កសិករនៅភូមិកូវត្រែ ឃុំឡុងថើយក្រោយពីបានកែប្រែដីចម្ការចម្រុះរបស់គ្រួសារហើយប្ដូរមកដាំសណ្តែកដី បងថាច់ប៊ី ឲ្យដឹង៖ ឆ្នាំនេះបានរដ្ឋឧបត្ថម្ភទុនដាំសណ្តែកដី ឃើញថាសម្រេចបានប្រសិទ្ធភាពបង្គួរ។ ខ្ញុំសង្ឃឹមថា អាចនឹងចាកផុតពីភាពក្រីក្រ ផ្តើមពីប្រភេទដំណាំនេះ។ មាមីងខ្មែរនៅទីនេះអរគុណចំពោះរដ្ឋ ដែលបានយកចិត្តទុកដាក់និងបង្កលក្ខណៈជូនគ្រួសារយើងខ្ញុំចាកផុតពីភាពក្រីក្រ។

ក្រៅពីទម្រង់រូបភាពដាំសណ្តែកដី ឃុំហ៊ីវតឺថែមទាំងបានមន្ទីរវិទ្យាសាស្រ្តនិងបច្ចេកទេសខេត្តត្រាវិញ ជំនួយវិនិយោគទុនជូនកសិករខ្មែរចំនួន១៦គ្រួសារ ដាំម្ទេសខ្មាំងលើផ្ទៃដី២,៨៥ហិកតា។ ហើយនេះក៏ជាប្រភេទដំណាំម្យ៉ាងដែលសមស្របនឹងដីផ្នូរខ្សាច់ និងផ្ដល់សេដ្ឋកិច្ចខ្ពស់ បង្គួរក្រោយពីបានដាំពិសោធន៍ក្នុងភូមិភាគរយៈពេលកន្លង។

បងង្វៀនវុាំងយ៉ីប ឲ្យដឹងបន្ថែម៖ សព្វថ្ងៃស្រុកកំពុងកសាងផែនការអនុវត្ត" គ្រោងការបង្កើតរចនាសម្ព័ន្ធផ្នែកកសិកម្មឡើងវិញនៅលើភូមិសាស្រ្តរហូតដល់ឆ្នាំ២០១៥ និងកំណត់ទិសដៅដល់ឆ្នាំ២០២០"។ ព្រមជាមួយនោះ ស្រុកនឹងផ្ដុំកម្លាំងអនុវត្តិវិធានការអភិវឌ្ឍ ផ្ទៃដីដាំសណ្តែកដី លើដីផ្នូរខ្សាច់និងដីផលិតស្រូវមិនសូវមានប្រសិទ្ធភាព ពិសេសចំពោះផ្ទៃដីផ្នូរខ្សាច់នៅបណ្តាឃុំ៖ ហ៊ីវតឺ ហ៊ីវទ្រុង ភូកឹងនិងឡុងថើយ តាមការគ្រោងទុកចាប់តាំងពីពេលនេះ រហូតដល់ឆ្នាំ២០២០ឲ្យបានសម្រេចប្រមាណ១០ហិកតា៕

ង្វៀនខាក់ភូ - ថាច់សេរី

ចែករំលែកអត្ថបទ

ពាក្យគន្លឹះ