គោលនយោបាយ -ការរស់នៅ ការរស់នៅ

11/08/2015 - 14:21

ប្រសិទ្ធភាពពីទម្រង់រូបភាពចិញ្ចឹមបង្គាមិនស្តារភក់

រយៈកាលកន្លង ការចិញ្ចឹមបង្គាលើភូមិសាស្រ្តខេត្តបាកលីវងាប់ជាបន្ត បន្ទាប់ ញុាំងឲ្យអ្នកចិញ្ចឹមធ្លាក់ក្នុងស្ថានភាពលំបាកលំបិន។ នៅចំពោះ មុខស្ថានភាពខាងលើ ក៏មានទម្រង់រូបភាពចិញ្ចឹមបង្គាមិនស្តារភក់បាន នាំមកនូវប្រសិទ្ធភាពខ្ពស់។

គ្រួសារបងកាវុាំងតឺ ប្រមូលផលបង្គាតាមទម្រង់រូបភាពចិញ្ចឹមមិនស្តារភក់
សម្រេចផលពី១៥-២០ក្បាល/គីឡូក្រាម ។

ចំណុចចាប់ផ្តើមរបស់ទម្រង់រូបភាពនេះ គឺផ្តើមពីម្ចាស់អាជីវកម្មបង្គាពូជយឿងហុង (ស្រុកដុងហាយ)។ ក្រោយពីបានទៅទស្សនា និងដកពិសោធន៍នៅគ្រួសារមួយចំនួន ដែលចិញ្ចឹមបង្គាមិនស្តារភក់ជាច្រើនឆ្នាំ ហើយទទួលអំណោយផលជាបន្តបន្ទាប់ លោកយឿងហុង ក៏បានកសាងទម្រង់រូបភាព និងផ្តល់យោបល់ឲ្យអ្នកចិញ្ចឹមអនុវត្ត។ តាមប្រសាសន៍របស់លោកយឿងហុង ប្រសិនបើអនុវត្តតាមរបៀបចិញ្ចឹមបង្គា មិនស្តារភក់ អ្នកចិញ្ចឹមនឹងឆាប់បានចាកផុតពីភាពក្រីក្រ ឈានឡើងធ្វើមានបាន។ ទន្ទឹមនឹងនោះ ទម្រង់រូបភាពនេះនៅទាំងការពារបាននូវបរិស្ថានផង និងដំណោះស្រាយបាននូវស្ថានភាពជំងឺរាលដាលលើបង្គាចិញ្ចឹមនាបច្ចុប្បន្នផង។

លោកយឿងហុង ឲ្យដឹង៖ "គប្បីរក្សាទឹកក្នុងស្រះមិនឲ្យជ្រាបចេញនិង ឲ្យកម្រិតទឹកនៅទាបបំផុតប្រមាណជាង៥តឹក (កម្រិតកាន់តែខ្ពស់ កាន់តែល្អ)។ យកដីរឹងទប់ភ្លឺឲ្យខ្ពស់ជាងផ្ទៃទឹកស្រះ១,២ម៉ែត្រ។ ដាំស្មៅ ប្លុងជុំវិញស្រះ ដើម្បីរាំងទឹករលកបោកភ្លឺស្រះ។ មិនត្រូវបង្ហូតទឹកដើម្បីចាប់បង្គាទេ តែត្រូវបង្កប់សំណាញ់ទៅក្នុងស្រះដើម្បីចាប់បង្គា។ ពេលទឹកជោរត្រូវបង្ហូតទឹកចូលស្រះសន្សឹមៗ (មួយថ្ងៃពី២ដល់៣សង់ទីម៉ែត្រ)។ បង្កវារិជាតិដោយជី NPK ២០-២០-០ ក្នុងផ្ទៃដី១.០០០ម២បរិមាណជី២គីឡូក្រាម។ ប្រើឧបករណ៍ដើម្បីវាស់វារិជាតិ វាស់កម្រិតប្រៃនិងកម្រិតpH។ រាប់សិបឆ្នាំក៏មិនចាំបាច់ស្តារភក់ចេញ"។

ប្រសិនបើគ្រួសារចិញ្ចឹមបង្គាតាមទម្រង់រូបភាពនេះ អាជីវកម្មបង្គាពូជ យឿងហុងនឹងណែនាំរបៀបចិញ្ចឹម និងឧបត្ថម្ភលក់ជឿបង្គាពូជ ឧបត្ថម្ភ បុលទុន។ បច្ចុប្បន្ន ទម្រង់រូបភាពចិញ្ចឹមបង្គាមិនស្ដារភក់ត្រូវបានគ្រួសារមួយចំនួននៅឃុំនានា ចំណុះស្រុកដុងហាយ និងគ្រួសារមួយចំនួន នៅខេត្តកាម៉ាវអនុវត្តនាំមកនូវប្រសិទ្ធភាពសេដ្ឋកិច្ច។ តួយ៉ាងដូចគ្រួសារបងកាវុាំងតឺ នៅភូមិថាញ់ថឿងA ឃុំអាងត្រាច់ ស្រុកដុងហាយ។ គ្រួសារបងតឺ មានផ្ទៃដីចិញ្ចឹមបង្គា៦កុង តាមទម្រង់រូបភាពវិបុលវប្បកម្ម។ ប៉ុន្តែបង្គាចិញ្ចឹមងាប់ជាបន្តបន្ទាប់ ញុាំងឲ្យគ្រួសារស្ថិតក្នុងស្ថានភាពទ័លក្រ។ ឆ្នាំ២០១០ ប្តីប្រពន្ធបងបានលោកយឿងហុង ឲ្យបង្គាពូជ និងណែនាំរបៀបចិញ្ចឹមតាមទម្រង់រូបភាពមិនស្តារភក់។ ប្តីប្រពន្ធបងតឺ បានអនុវត្តតាមទម្រង់រូបភាពនេះ៥ឆ្នាំ លទ្ធផលគឺការចិញ្ចឹមបង្គាទទួលបានអំណោយផលជាបន្តបន្ទាប់។ បងតឺ ឲ្យដឹង៖ "ដោយបានពូយឿងហុង ឲ្យបង្គាពូជ និងណែនាំរបៀបចិញ្ចឹមមិនស្តារភក់ ឆ្នាំ២០១២ គ្រួសារខ្ញុំ បានឈានឡើងចាកផុតពីភាពក្រីក្រ មានជីវភាពលំនឹង។ ខ្ញុំបានសងបញ្ជីគ្រួសារក្រីក្រទៅឃុំវិញ និងសង់បានផ្ទះសមរម្យ"។

ក្នុងអំឡុង៥ឆ្នាំអនុវត្តទម្រង់រូបភាពចិញ្ចឹមបង្គាមិនស្តារភក់ បងតឺបាន ទទួលអំណោយផលពីការចិញ្ចឹមនេះជាបន្តបន្ទាប់។ គ្រួសារជិតខាងមួយចំនួនឃើញចម្លែក ក៏អនុវត្តតាមហើយការចិញ្ចឹមបង្គាទាំងអស់សុទ្ធតែផ្ដល់អំណោយផល។ នេះជាទម្រង់រូបភាពមួយថ្មី និងមានប្រសិទ្ធភាព ព្រោះហេតុនោះ ផ្នែកសមត្ថកិច្ច គប្បីសិក្សាស្រាវជ្រាវឲ្យបានហ្មត់ចត់ដើម្បីបើកទូលាយទម្រង់ចិញ្ចឹមនេះ៕

មិញចូវ(កាសែតបាកលីវ)-វិមាន

ចែករំលែកអត្ថបទ

ពាក្យគន្លឹះ