គោលនយោបាយ -ការរស់នៅ ការរស់នៅ

14/06/2016 - 16:14

ប្រឹងឃ្មាតខ្មីដើម្បីចាកផុតពីភាពក្រីក្រ

បងស្រីធីសានឿង ឆ្នាំនេះមានអាយុ៤២ឆ្នាំ រីឯបងយ័ញសាល ក៏មានអាយុជិត៥០ឆ្នាំ ប៉ុន្តែគាត់ទាំងពីរនាក់ប្ដីប្រពន្ធនៅតែប្រឹងឃ្មាតខ្មីជាមួយនឹងការងារស្រែចម្ការរបស់គ្រួសារ។

បងស្រីធីសានឿង កំពុងជម្រះស្មៅស្រែទាំងកណ្តាលថ្ងៃត្រង់។

បងស្រីធីសានឿង បានចែករំលែក ៖"អាស្រ័យមានដីស្រែ បានជាប្ដីប្រពន្ធខ្ញុំយកចិត្តទុកដាក់ខ្លាំងណាស់ ដោយខំព្យាយាមផលិតកម្ម មិនទុកចោលដីទំនេរសោះឡើយ"។ ជាការពិតណាស់ទាំងកណ្តាលថ្ងៃត្រង់ បងស្រីធីសានឿងនៅតែប្រឹងប្រែងធ្វើការមិនសម្រាកដៃ។ ចង់សំណេះសំណាលជាមួយបងស្រី ម្ល៉ោះហើយខ្ញុំ បានអញ្ជើញបងស្រីធីសានឿងមកសម្រាកនៅក្រោមម្លប់ឈើប្របផ្លូវ ប៉ុន្តែបងស្រីមិនព្រមបែរជាឆ្លើយតបវិញថា ធ្វើបណ្តើរនិយាយបណ្តើរក៏បាន។ អាកាសធាតុក្ដៅខ្លាំង ប៉ុន្តែបងស្រីធីសានឿងនៅតែរីករាយឲ្យដឹងអំពីរឿងរ៉ាវពីរនាក់ប្ដីប្រពន្ធ បងកសាងជីវភាព ផ្ដើមពីបាតដៃទទេ រហូតដល់សង់បានផ្ទះទិញបានដី។ បងស្រីធីសានឿង ឲ្យដឹង៖ "ចាប់ពីថ្ងៃរៀបការរួច ប្ដីប្រពន្ធខ្ញុំទៅធ្វើការឈ្នួលរហូត។ ជួនពេលខ្លះត្រឡបមកពីធ្វើបងយ័ញសាលបាននិយាយ៖ "ប្រសិនបើយើងមានដីស្រែ ច្បាស់ជាមិនបារម្ភកូនគ្មានបាយហូប"។ ឮដូច្នោះ ខ្ញុំក៏និយាយថាយើងត្រូវខំប្រិតសំចៃ ដើម្បីទិញបានដីស្រែ"។ ការព្យាយាមរបស់គ្រួសារបង ស្រីធីសានឿង ត្រូវបានភូមិភាគសម្លឹងឃើញនិងជួយឧបត្ថម្ភ។ មុនដំបូងបង្អស់ គឺលំនឹងជីវភាពគ្រួសារ។ ដោយសារបានសហការីចំនួនប្រជាជនក្នុងភូមិធ្វើការចលនាពន្យល់ប្រាប់ ម្ល៉ោះហើយពីរនាក់ប្ដីប្រពន្ធបងនឿង មិនកើតកូនបន្ថែមទៀតថ្វីបើគ្រួសារកើតបានកូនប្រុស២នាក់ក៏ដោយ។ បងស្រីធីសានឿង បានរាយរាប់៖ "ជួនកាលខ្ញុំចង់កើតកូនស្រី១បន្ថែមទៀតដែរ ដើម្បីឲ្យមានភាពសប្បាយក្នុងគ្រួសារ ត្បិតថាកូនប្រុសវាមិនសូវជិតស្និទ្ធឪពុកម្តាយដូចកូនស្រីទេ ប៉ុន្តែដោយសារការពន្យល់ប្រាប់របស់កម្មាភិបាល សុខាភិបាល កើតកូនតិចដើម្បីមានឱកាសគិតគូរឲ្យកូនៗបានត្រឹមត្រូវម្ល៉ោះហើយទើបខ្ញុំអនុវត្តតាម"។

លុះក្រោយមក ប្ដីប្រពន្ធបងស្រីធីសានឿង បានឧបត្ថម្ភសង់ផ្ទះដោយកម្មវិធី១៣៤ របស់រដ្ឋាភិបាល។ មានផ្ទះខិតខំប្រិតសំចៃ ម្ល៉ោះហើយប្ដីប្រពន្ធបងស្រីទិញបានដីស្រែជាបន្តបន្ទាប់ ដើម្បីអនុវត្តសម្រេចបំណងមានដីស្រែដោយឡែករបស់គ្រួសារ។ មុនដំបូងដើម្បីទិញដីស្រែបាន១កុង គាត់បានខ្ចីប្រាក់គេបន្ថែម។ ហើយចេះតែសន្សំសំចៃទិញបានដី បន្ថែមរហូតដល់មានដីជិត១០កុង។ បងស្រីនឿង ឲ្យដឹង៖ "ខ្ញុំសន្សំសំចៃ គ្រប់ទិញបានដីកន្លះកុងខ្ញុំក៏រកខ្ចីប្រាក់បន្ថែមដើម្បីទិញដីឲ្យបាន១កុង សងអស់បំណុលរួច ហើយចេះតែទិញបានដីបន្ថែមដូច្នោះ។ សព្វថ្ងៃប្ដីប្រពន្ធខ្ញុំមិនទៅធ្វើការឈ្នួលទៀតទេ គិតតែធ្វើស្រែផ្ទះប៉ុណ្ណោះ" ។ តាមប្រសាសន៍របស់បងស្រីធីសានឿង ដោយសារចេះប្រិតសំចៃ ទើបប្ដីប្រពន្ធបងស្រីសង់បានផ្ទះសមរម្យ។ កូនប្រុស២នាក់ក្រោយពីរៀនចប់មធ្យមសិក្សាចំណេះទូទៅ ហើយក៏បានរៀនមុខរបរបើកបរឡាន រួចក៏មានការងារធ្វើលំនឹងនៅក្រុងហូជីមិញ។ បងស្រីនឿងនិយាយទាំងក្ដីរីករាយ៖" ពីរនាក់ប្តីប្រពន្ធខ្ញុំទិញដីសម្រាប់ចែកឲ្យកូនទាំងពីរ ប៉ុន្តែពួកវាសុទ្ធតែធ្វើការទៅតាមមុខរបរ ម្ល៉ោះហើយមិនទាន់មាននរណាចង់មកធ្វើស្រែសោះ"។

តាមប្រសាសន៍របស់លោកត្រឹងដែ ប្រធានភូមិ៥ ឲ្យដឹង៖ ការខិតខំឆ្លងផុតការលំបាករបស់បងស្រីធីសានឿង និងបងយ័ញសាលគឺជាគំរូ សម្រាប់គ្រួសារដទៃទៀតក្នុងភូមិយកតម្រាបតាមដើម្បីចាកផុតពីភាពក្រីក្រ៕

ហាថាញ់ - សេរី

ចែករំលែកអត្ថបទ

ពាក្យគន្លឹះ