គោលនយោបាយ -ការរស់នៅ ការរស់នៅ

04/08/2015 - 09:03

នារីខ្មែរប្រឹងប្រែងចាកផុតពីភាពក្រីក្រ

អាស្រ័យដោយជំនួយរបស់រដ្ឋអំណាចភូមិភាគ និងការខ្នះខ្នែងដោយខ្លួនឯង បានជាគ្រួសារបងស្រីត្រឹងធីអ៊ុក នៅភូមិត្នោតលៃ ឃុំតឹងសេីុង ស្រុកថ្កូវ ខេត្តត្រាវិញ បានចាកផុតពីភាពក្រី ឈានឡើងធ្វើមានធ្វើបាន ។

សៀបងស្រីត្រឹងធីអ៊ុក កំពុងថែទាំហ្វូងគោរបស់គ្រួសារ។

មុននេះ៥ឆ្នាំ គ្រួសារបងស្រីត្រឹងធីអ៊ុក គឺជាគ្រួសារក្រីក្រមួយក្នុងចំណោមគ្រួសារក្រីក្របំផុតនៅភូមិត្នោតលៃ។ ម្យ៉ាងទៀត ទ្រព្យសម្បត្តិរបស់គ្រួសារបងស្រីមានតែដីជើងផ្នូរពីរបីរយម៉ែត្រជុំវិញផ្ទះប៉ុណ្ណោះ។ ជាឃុំផលិតស្រូវតែមួយមុខ ពាណិជ្ជកម្ម សេវាកម្មមិនទាន់មានការអភិវឌ្ឍន៍ ដូចឃុំតឹងសេីុងនេះ ប្តីប្រពន្ធបងស្រីក៏មិនសូវមានមាមីងជួលធ្វើការប៉ុន្មានដែរ។ ថែមទាំងគ្រួសារមានកូនច្រើន ម្ល៉ោះហើយក្តីប្រាថ្នាចាកផុតពីភាពក្រីក្ររបស់បងស្រីអ៊ុកហាក់ដូចជាក្ដីស្រមើស្រមៃ។

ក្រោយពីពេលឃុំតឹងសេីុង ត្រូវបានជម្រើសជាឃុំគំរូ កសាងជនបទថ្មី គ្រួសារបងស្រីអ៊ុកក៏បានរដ្ឋអំណាចភូមិភាគជម្រើសជាគ្រួសារគំរូចាកផុតពីភាពក្រីក្ររបស់ឃុំ។ ជាមួយនឹងដើមទុនបុលដំបូង បងស្រីអ៊ុក បានកម្មាភិបាលកសិកម្មឃុំផ្តល់យោបល់គ្រួសារបងគួរចិញ្ចឹមគោបន្តពូជ។ បងស្រីអ៊ុក ប្រើប្រាស់អស់ពីលទ្ធភាពដីចម្ការជុំវិញផ្ទះ ដាំស្មៅ ដើម្បីចិញ្ចឹមគោ។ ក្រៅពីកាត់ស្មៅឲ្យគោស៊ី ប្តីប្រពន្ធបងស្រីធ្វើការឈ្នួលសឹងគ្រប់កន្លែងនៅក្នុងឃុំរកប្រាក់ចំណូលដើម្បីផ្គត់ផ្គង់ជីវភាពគ្រួសារប្រចាំថ្ងៃ។

មិនត្រឹមតែចិញ្ចឹមគោដែលរដ្ឋជំនួយប៉ុណ្ណោះទេ បងស្រីអ៊ុក ថែមទាំងទទួលគោ២ក្បាលចិញ្ចឹមបន្ថែមតាមរូបភាពចិញ្ចឹមប្រវាស់ឲ្យមាមីងអ្នកភូមិផងទៀងផង។ អាស្រ័យដោយបានជំនួយការរបស់កម្មាភិបាលកសិកម្ម និងបំណងប្រាថ្នាចាកផុតពីភាពក្រីក្ររបស់បងស្រីផ្ទាល់ បងស្រីអ៊ុកចិញ្ចឹមគោពីមួយថ្ងៃទៅមួយថ្ងៃកាន់តែរីកចម្រើន និងមិនមានជួបហានិភ័យដោយជំងឺផ្សេងៗ។ ពេលលក់គោលើកដំបូង បងស្រីអ៊ុក សង់ក្រោលបេតុងរឹងមាំ ដើម្បីទប់ស្កាត់កុំឲ្យគោមានជំងឺ រួចបន្ធាត់បន្ធំគោ បានឆាប់រហ័ស។ បងស្រីត្រឹងធីអ៊ុក ឲ្យដឹង៖ "ក្រោយពីចិញ្ចឹមបានមួយរយៈពេលគោចាប់ផ្តើមផ្តល់ផល ម្ល៉ោះហើយក្រុមគ្រួសារនាងខ្ញុំមានការត្រេកអរណាស់។

គ្រួសារនាងខ្ញុំមិនហ៊ានចាយវាយខ្ជះខ្ជាយ ឆ្លៀតទុកសងបំណុលឲ្យដាច់ស្រឡះ រួចពង្រីកការចិញ្ចឹមគោជាបន្ត។ ទន្ទឹមនឹងនោះ រដ្ឋអំណាចឃុំក៏បានផ្តោតការយកចិត្តទុកដាក់ចំពោះគ្រួសារនាងខ្ញុំផងដែរ រៀងរាល់ខែតែងមានកម្មាភិបាលចុះមកណែនាំរបៀបថែទាំគោនិងផ្តល់ពិគ្រោះតម្លៃ បានជានៅពេលលក់គោម្តងៗ នាងខ្ញុំតែងលក់បានថ្លៃ។ មិនតែប៉ុណ្ណោះ គ្រួសារនាងខ្ញុំនៅទាំងបានរដ្ឋជំនួយផ្ទះ ដូច្នេះទើបចាកផុតពីភាពក្រីក្រ"។

ក្រោយពីសងបំណុលដាច់ស្រឡះ គ្រួសារបងស្រីអ៊ុក នៅសល់គោ៧ក្បាល។ ប្តីប្រពន្ធបងស្រី ជានិច្ចកាលតែងសាកសួរនិងចែករំលែកបទពិសោធន៍ដល់គ្រួសារដទៃទៀត ដែលទើបនឹងចាប់គោចិញ្ចឹមថ្មីនៅក្នុងភូមិស្រុក។ ទន្ទឹមនឹងការចិញ្ចឹមគោ ប្តីប្រពន្ធបងស្រីអ៊ុក ក៏បានចិញ្ចឹមសាកល្បងសត្វព្រាបបន្ថែមទៀតផង។ ពីព្រោះសត្វព្រាបមិនសូវចំណាយដើមទុននិងកម្លាំងថែទាំ។ លទ្ធផលដំបូងល្អបង្គួរ សង្ឃឹមថានេះ គឺជាទិសដៅមួយសម្រាប់ការចិញ្ចឹមសាកល្បងសត្វរបស់គ្រួសារ។ បងឡឹមថាញ់វ៉ូវ កម្មាភិបាលកសិកម្មឃុំតឹងសេីុង ឲ្យដឹង៖ "អាស្រ័យដោយគោលនយោបាយជំនួយរបស់រដ្ឋ ក្នុងរយៈពេលប៉ុន្មានឆ្នាំកសាងជនបទថ្មី តឹងសេីុងមានគ្រួសារមាមីងខ្មែរជាច្រើនបានចាកផុតពីភាពក្រីក្រ ឈានឡើងធ្វើមានធ្វើបានដូចគ្រួសារបងស្រីត្រឹងធីអ៊ុក"៕

ថាច់ថាញ់ភូ-លី

ចែករំលែកអត្ថបទ

ពាក្យគន្លឹះ