សុខភាព - អប់រំ សុខភាព - អប់រំ

19/11/2026 - 19:43

មាន​ឱ​កាស​ពិ​និត្យ​សុខ​ភាព​ ប្រ​ជា​ជន​កាន់​តែ​ស្ងប់​ចិត្ត​ 

ការ​ពិ​និត្យ​សុខ​ភាព​តាម​កាល​កំ​ណត់​និង​ពិ​និត្យ​ស្វែង​រក​ជំងឺ​ដោយ​ឥត​គិត​ថ្លៃ​ ជួយ​ប្រ​ជា​ជន​មាន​ឱ​កាស​បន្ថែម​ក្នុង​ការ​ពិ​និត្យ​សុខ​ភាព​ តាម​ដាន​សុខ​ភាព​និង​រក​ឃើញ​ជំងឺ​បាន​ទាន់​ពេល​។ នៅ​ឃុំ​វិញ​ហាយ​និង​ឃុំ​ធ្វឹង​ហាយ​ ទី​ក្រុង​កឹង​ធើ​ កម្ម​វិធី​បាន​អនុ​វត្ត​ភ្ជាប់​នឹង​ការ​បង្កើត​សៀវ​ភៅ​សុខ​ភាព​អេឡិច​ត្រូ​និក រួម​ចំ​ណែក​ក្នុង​ការ​ថែ​ទាំ​និង​ការ​ពារ​សុខ​ភាព​ប្រ​ជា​ជន​ពី​មូល​ដ្ឋាន​។

កម្មា​ភិបាល​សុខា​ភិបាល​កំ​ពុង​ពិ​និត្យ​សុខ​ភាព​ជូន​ប្រ​ជា​ជន​នៅ​ឃុំ​វិញ​ហាយ​។

ជា​មួយ​តួ​នា​ទី​ជា​ផ្នែក​សុខា​ភិបាល​នៅ​ជិត​ប្រ​ជា​ជន​ ដំ​ណាក់​សុខា​ភិបាល​ឃុំ​វិញ​ហាយ​ បាន​សហ​ការ​ជា​មួយ​មន្ទីរ​ពហុព្យា​បាល​ហ្វាង​ត្វឹង​ ទី​ក្រុង​កឹង​ធើ​ ចាត់​តាំង​ពិ​និត្យ​សុខ​ភាព​តាម​កាល​កំ​ណត់​ដោយ​ឥត​គិត​ថ្លៃ​និង​បង្កើត​សៀវ​ភៅ​សុខ​ភាព​អេឡិច​ត្រូ​និកដល់​ប្រ​ជា​ជន​នៅ​លើ​ភូមិ​ឋាន​ក្នុង​ ឆ្នាំ​២០២៦។សកម្ម​ភាព​នេះ​ ជួយ​នាំ​សេ​វា​កម្ម​សុខា​ភិបាល​មក​ជិត​សហ​គម​ន៍ ជួយ​មា​មីង​កៀក​ជិត​ការ​ពិ​និត្យ​សុខ​ភាព​ ជា​ជំ​ហាន​ៗក្លាយ​ជា​ទម្លាប់​បង្ការ​ជំងឺ​។ ចូល​រួម​កម្ម​វិធី​នេះ​ ប្រ​ជា​ជន​បាន​ក្រុម​គ្រូ​ពេទ្យ​ វេជ្ជ​បណ្ឌិត​ពិ​និត្យ​សុខ​ភាព​ទូ​ទៅ​ វាស់​សម្ពាធ​ឈាម​ ពិ​គ្រោះ​យោ​យល់​អំ​ពី​ការ​ថែ​ទាំ​សុខ​ភាព​និង​ពិ​និត្យ​រក​ជំងឺ​ទូ​ទៅ​មួយ​ចំ​នួន​។តាម​រយៈ​ការ​ពិ​និត្យ​ រោគ​សញ្ញា​ខុស​ប្រ​ក្រ​តី​និង​កត្តា​ហា​និភ័យ​ក៏​បា​នរក​ឃើញ​ ធ្វើ​ជា​មូល​ដ្ឋាន​ផ្តល់​ប្រឹក្សា​ណែ​នាំ​ព្យា​បាល​ គ្រប់​គ្រង​សុខ​ភាព​បាន​ទាន់​ពេល​។ ការ​រក​ឃើញ​ជំងឺ​បាន​ទាន់​ពេល​ រួម​ចំ​ណែក​លើក​កម្ពស់​ប្រ​សិទ្ធ​ភាព​ព្យា​បាល​ បន្ថយ​ផល​វិបាក​និង​សម្រាល​បន្ទុក​ដល់​គ្រួ​សារ​។ អ្នក​មីង​ស៊ើង​ធី​ផេន ប្រ​ជា​ជន​មក​ពិ​និត្យ​សុខ​ភាព​ ចែក​រំលែក​៖ "ពី​មុន​ ទៅ​ពិ​និត្យ​សុខ​ភាព​ម្តង​ៗបង់​ប្រាក់​ច្រើន​ ឥ​ឡូវ​បាន​ពិ​និត្យ​សុខ​ភាព​ឥត​គិត​ថ្លៃ​ ដូច្នេះ​ ខ្ញុំ​សប្បាយ​ចិត្ត​ខ្លាំង​ណាស់​ ខ្ញុំ​ទៅ​ពិ​និត្យ​មុន​គេ​ហើយ​សង្ឃឹម​ថា​កម្ម​វិធី​នេះ​ នឹង​បន្ត​រក្សា​ជា​រៀង​រាល់​ឆ្នាំ​ ដើម្បី​អ្នក​វ័យ​ចាស់​ អ្នក​ដែល​ងាយ​រង​គ្រោះ​មាន​ឱ​កាស​ពិ​និត្យ​សុខ​ភាព​បន្ថែម​"។ ការ​រំ​ពឹង​របស់​អ្នក​មីង​ផេន បង្ហាញ​ឱ្យ​ឃើញ​ពី​អត្ថ​ន័យ​ជាក់​ស្តែង​របស់​កម្ម​វិធី​សម្រាប់​ប្រ​ជា​ជន​ ពិ​សេស​គឺ​ចំ​ពោះ​អ្នក​ដែល​នៅ​ស្ទាក់​ស្ទើរ​ពី​តម្លៃ​សេ​វា​កម្ម​ពិ​និត្យ​ជំងឺ​។ បាន​ពិ​និត្យ​និង​ផ្តល់​ពិ​គ្រោះ​សុខ​ភាព​ ក៏​ជា​ឱ​កាស​ដើម្បី​មា​មីង​យក​ចិត្ត​ទុក​ដាក់​ជាង​ទៀត​ក្នុង​ការ​បង្ការ​ជំងឺ​ មិន​ចាំ​ដល់​ពេល​សុខ​ភាព​មិន​ស្រួល​ ទើប​ទៅ​រក​ពេទ្យ​"។

កម្មា​ភិបាល​ដំ​ណាក់​សុខា​ភិបាល​ឃុំ​ធ្វឹង​ហ្វា​ កំ​ពុង​ពិ​និត្យ​សុខ​ភាព​និង​ជួយ​បញ្ចូល​មូល​ដ្ឋាន​ទិន្ន​ន័យ​ធា​នា​រ៉ាប់​រង​សុខា​ភិបាល​ក្នុង​កម្ម​វិធី​ VNeID កម្រិត​២និង​បង្កើត​សៀវ​ភៅ​សុខ​ភាព​អេឡិច​ត្រូ​និកជូន​ប្រ​ជា​ជន​។

នៅ​ឃុំ​ធ្វឹង​ហ្វា​ ផែន​ការ​អនុ​វត្ត​បាន​ដាក់​ចេញ​ទិស​ដៅ​ធា​នា​ប្រ​ជា​ជន​ដែល​កំ​ពុង​រស់​នៅ​លើ​ភូមិ​ឋាន​១០០%បាន​ពិ​និត្យ​សុខ​ភាព​តាម​កាល​កំ​ណត់​ដោយ​ឥត​គិត​ថ្លៃ​ ក្នុង​មួយ​ឆ្នាំ​តិច​បំ​ផុត​ម្តង​។ ចំ​ណែក​កុមារ​អាយុ​ក្រោម​២ឆ្នាំ​ ភូមិ​ភាគ​ខិត​ខំ​ចាត់​តាំង​ពិ​និត្យ​សុខ​ភាព​តាម​កាល​កំ​ណត់​២ដង​ក្នុង​មួយ​ឆ្នាំ​។ ពិ​សេស​ អនុ​វត្ត​គោល​ការណ៍​ពិ​និត្យ​សុខ​ភាព​តាម​កាល​កំ​ណត់​ដោយ​ឥត​គិត​ថ្លៃ​និង​បង្កើត​សៀវ​ភៅ​សុខ​ភាព​អេឡិច​ត្រូ​និកជូន​ប្រ​ជា​ជន​ ក្នុង​ខែ​តុ​លា​ ឆ្នាំ​២០២៦ គណៈ​កម្មា​ធិ​ការ​ប្រ​ជា​ជន​ឃុំ​បាន​សហ​ការ​ជា​មួយ​គណៈ​ផ្នែក​ដែល​ពាក់​ព័ន្ធ​ដើម្បី​ចាត់​តាំង​ការ​ពិ​និត្យ​សុខ​ភាព​តាម​កាល​កំ​ណត់​និង​ការ​ពិ​និត្យ​ស្វែង​រក​ជំងឺ​ជូន​ប្រ​ជា​ជន​ប្រ​មា​ណ​ជាង​ ១.៥០០ លើក​នាក់​។

តាម​ប្រ​សាសន៍​អ្នក​ស្រី​ ត្រឹង​ធី​ង្វៀត​ដាវ​ ប្រ​ធាន​ការិយា​ល័យ​វប្ប​ធម៌​-សង្គម​ឃុំ​ធ្វឹង​ហ្វា​ ការ​ពិ​និត្យ​សុខ​ភាព​តាម​កាល​កំ​ណត់​និង​ការ​ពិ​និត្យ​ស្វែង​រក​ជំងឺ​ដោយ​ឥត​គិត​ថ្លៃ​ នៅ​ទាំង​ជា​មូល​ដ្ឋាន​គ្រឹះ​កសាង​មូល​ដ្ឋាន​ទិន្ន​ន័យ​សុខ​ភាព​ប្រ​ជា​ជន​តាម​អាយុ​។ ព័ត៌​មាន​បាន​ធ្វើ​បច្ចុប្បន្ន​ភាព​ពេញ​លេញ​ ត្រឹម​ត្រូវ​នឹង​ជួយ​ដល់​ការ​តាម​ដាន​សុខ​ភាព​ប្រ​ជា​ជន​ ព្យា​ករណ៍​ហា​និភ័យ​ជំងឺ​រាតត្បាត​និង​កសាង​គោ​លន​យោ​បាយ​សុខា​ភិបាល​សម​ស្រប​។ ការ​ពិ​និត្យ​សុខ​ភាព​ភ្ជាប់​នឹង​សៀវ​ភៅ​សុខ​ភាព​អេឡិច​ត្រូ​និក រួម​ចំ​ណែក​លើក​កម្ពស់​ប្រ​សិទ្ធ​ភាព​គ្រប់​គ្រង​ ឆ្លើយ​តប​ទៅ​នឹង​តម្រូវ​ការ​ថែ​ទាំ​សុខ​ភាព​។

ផ្តើម​ពី​ការ​ពិ​និត្យ​សុខ​ភាព​ រហូត​ដល់​ការ​ផ្តល់​ពិ​គ្រោះ​អំ​ពី​ការ​ធ្វើ​បច្ចុប្បន្ន​ភាព​ព័ត៌​មាន​សុខ​ភាព​ កម្ម​វិធី​នេះ​ជា​ជំ​ហាន​ៗជំ​រុញ​គោល​ការណ៍​ថែ​ទាំ​សុខ​ភាព​ប្រ​ជា​ជន​ទៅ​ក្នុង​ជីវ​ភាព​។ ពង្រីក​តួ​នា​ទី​សុខា​ភិបាល​មូល​ដ្ឋាន​ រក្សា​ការ​ពិ​និត្យ​សុខ​ភាព​តាម​កាល​កំ​ណត់​និង​ការ​គ្រប់​គ្រង​សុខ​ភាព​ជាប់​ជា​ប្រ​ចាំ​ ជួយ​ប្រ​ជា​ជន​ម្ចាស់​ការ​បង្ការ​ជំងឺ​ រួម​ចំ​ណែក​លើក​កម្ពស់​គុណ​ភាព​ជីវ​ភាព​៕

ថាញ​វ៉ាង​-មុនី​

ចែករំលែកអត្ថបទ