18/11/2026 - 11:34

លោក​គ្រូ​បំ​ផុស​ក្តី​ស្រ​ឡាញ់​អក្សរ​សាស្ត្រ​ខ្មែរ​ដល់​សិស្សា​នុសិស្ស​ 

អស់​រយៈ​កាល​ជាង​ ១៤ ឆ្នាំ​ ផ្សារ​ភ្ជាប់​ជា​មួយ​វិស័យ​អប់​រំ​ លោក​គ្រូ​ ត្រឹង​ សឹម​ហា​ គ្រូ​បង្រៀន​សា​លា​ជន​ជាតិ​អន្តេ​វា​សិក​ លិត​ហោ​យធឿង​ ទី​ក្រុង​កឹង​ធើ​ តែង​ខិត​ខំ​ក្នុង​រាល់​ម៉ោង​បង្រៀន​ អស់​ពី​ចិត្ត​ស្រ​ឡាញ់​សិស្សា​នុសិស្ស​ និង​ខ្នះ​ខ្នែង​ជួយ​មិត្ត​រួម​អា​ជីព​។ ជា​មួយ​នឹង​ស្មារតី​ឧស្សា​ហ៍ព្យា​យាម​រៀន​សូ​ត្រ​ និង​ចេះ​ផ្លាស់​ថ្មី​វិធី​សាស្ត្រ​បង្រៀន​ លោក​គ្រូ​បាន​រួម​ចំ​ណែក​បំ​ផុស​នូវ​ក្តី​ស្រ​ឡាញ់​ភា​សា​ខ្មែរ​ក្នុង​ចំ​ណោម​សិស្សា​នុសិស្ស​ និង​សម្រេច​បាន​ស្នា​ដៃ​លេច​ធ្លោ​ជា​ច្រើន​។ ឆ្នាំ​ ២០២៣ លោក​គ្រូ​មាន​កិត្តិ​យស​បាន​ខេត្ត​សុក​ត្រាំង​ (ចាស់​) ជ្រើស​ចូល​រួម​ពិ​ធី​ស្ងើច​សរសើរ​ លោក​គ្រូ​ អ្នក​គ្រូ​និង​ថ្នាក់​ដឹក​នាំ​គ្រប់​គ្រង​ឆ្នើម​ អា​ស្រ័យ​ក្រ​សួង​អប់​រំ​ និង​បណ្តុះ​បណ្តា​ល ចាត់​តាំង​នៅ​រដ្ឋ​ធា​នី​ហាណូយ​។

 

​

លោក​គ្រូ​ ត្រឹង​ សឹម​ហា​ ទទួល​ប័ណ្ណ​សរសើរ​ពី​ក្រ​សួង​អប់​រំ​និង​បណ្តុះ​បណ្តា​ល។

បញ្ចប់​ការ​សិក្សា​ផ្នែក​គរុកោសល្យ​វិចិត្រ​សិល្បៈ​នៅ​ឆ្នាំ​ ២០១២ លោក​គ្រូ​ សឹម​ហា​ បាន​ចាប់​ផ្តើម​ការ​ងារ​បង្រៀន​នៅ​សា​លា​អនុ​វិទ្យា​ល័យ​ទូ​ដេម។ ជា​មួយ​នឹង​ក្តី​ស្រ​ឡាញ់​ភា​សា​ និង​អក្សរ​សាស្ត្រ​ខ្មែរ​ លោក​គ្រូ​បាន​តាំង​ចិត្ត​រៀន​បន្ថែម​ បរិញ្ញាបត្រ​ទី​ពីរ​ផ្នែក​គរុកោសល្យ​និរុត្តសាស្រ្ត​ខ្មែរ​ នៅ​សា​កល​វិទ្យា​ល័យ​ត្រា​វិញ​។ ឆ្នាំ​ ២០១៨ ក្រោយ​ពី​បញ្ចប់​ការ​សិក្សា​ លោក​គ្រូ​បាន​បញ្ជូន​មក​បង្រៀន​នៅ​សា​លា​ជន​ជាតិ​អន្តេ​វា​សិក​ លិត​ហោ​យធឿង​ រហូត​មក​ទល់​បច្ចុប្បន្ន​។ លោក​គ្រូ​ថែម​ទាំង​បាន​បញ្ចប់​វគ្គ​ប៉​ប៉ន់​បក​ប្រែ​ ស្ថិត​ក្នុង​គម្រោង​បណ្តុះ​បណ្តា​លភា​សា​ខ្មែរ​សម្រាប់​កម្មា​ភិបាល​ អ្នក​រដ្ឋ​ការ​ បុគ្គលិក​របស់​ទី​ក្រុង​ ដើម្បី​លើក​កម្ពស់​ចំ​ណេះ​ដឹង​ និង​បំ​ណិន​វិជ្ជា​ជី​វៈ​។ ក្នុង​ការ​បង្រៀន​ លោក​គ្រូ​តែង​ម្ចាស់​ការ​សិក្សា​ស្រាវ​ជ្រាវ​ឯក​សារ​ ផ្លាស់​ថ្មី​វិធី​សាស្ត្រ​ឱ្យ​សម​ស្រប​តាម​សមត្ថ​ភាព​របស់​សិស្ស​។ លោក​គ្រូ​ សឹម​ហា​ ចែក​រំលែក​៖ “ក្នុង​ម៉ោង​បង្រៀន​ ខ្ញុំ​តែង​បត់​បែន​អនុ​វត្ត​វិធី​សាស្ត្រ​នា​នា​ដូច​ជា​ សន្ទនា​ ធ្វើ​លំ​ហាត់​ មើល​រូប​ភាព​ឆ្លើយ​សំណួរ​... ដើម្បី​បង្ក​បរិយាកាស​រៀន​សូ​ត្រ​រស់​រវើក​ ជួយ​ឱ្យ​សិស្ស​ងាយ​យល់​និង​ងាយ​ចាំ​។ ជា​ពិ​សេស​ ខ្ញុំ​ថែម​ទាំង​ឱ្យ​ប្អូន​ៗអាន​សៀវ​ភៅ​ឱ្យ​បាន​ច្រើន​ សរ​សេរ​អត្ថ​បទ​ខ្លី​ៗ បក​ប្រែ​ពាក្យ​ពី​ភា​សា​វៀត​ណាម​ទៅ​ខ្មែរ​ និង​ពី​ខ្មែរ​ទៅ​វៀត​ណាម​ ព្រម​ទាំង​លើក​ទឹក​ចិត្ត​ស្មារតី​ដោះ​ដូរ​យោបល់​ និង​ស្រ​ឡាញ់​ការ​រៀន​សូ​ត្រ​ ដើម្បី​ឱ្យ​ប្អូន​ៗកាន់​តែ​ស្រ​ឡាញ់​មុខ​វិជ្ជា​ភា​សា​ខ្មែរ​”។  លោក​គ្រូ​ផ្តោត​សំ​ខាន់​លើ​ការ​សហ​ការ​រវាង​បរិស្ថាន​អប់​រំ​ទាំង​បី​ “គ្រួ​សារ​ - សា​លា​រៀន​ - សង្គម​” រក្សា​ទម្រង់​ “មិត្ត​រួម​ថ្នាក់​ជួយ​គ្នា​ឈាន​ឡើង​” និង​លើក​ទឹក​ចិត្ត​សិស្ស​រៀន​ពូ​កែ​ឱ្យ​ជួយ​ដល់​សិស្ស​ខ្សោយ​ជាង​។ ចំ​ពោះ​សិស្ស​ដែល​ទទួល​យក​ចំ​ណេះ​ដឹង​យឺត​ លោក​គ្រូ​ម្ចាស់​ការ​កែ​តម្រូវ​វិធី​សាស្ត្រ​ និង​ឆ្លៀត​ពេល​បង្រៀន​បន្ថែម​ ដើម្បី​ឱ្យ​ប្អូន​ៗកាន់​តែ​រីក​ចម្រើន​ និង​ស្រ​ឡាញ់​មុខ​វិជ្ជា​នេះ​។

ជា​មួយ​នឹង​សមត្ថ​ភាព​មុខ​ជំ​នាញ​និង​ស្មារតី​ទទួល​ខុស​ត្រូវ​ លោក​គ្រូ​បាន​សា​លា​ប្រ​គល់​ភារ​កិច្ច​ជ្រើស​និង​បំ​ប៉ន់​ សិស្ស​ពូ​កែ​មុខ​វិជ្ជា​ខ្មែរ​។ ចាប់​ពី​ឆ្នាំ​សិក្សា​ ២០១៧ ដល់​ ២០២៤ សិស្ស​ដែល​ណែ​នាំ​ដោយ​លោក​គ្រូ​ទទួល​បាន​ពាន​រង្វាន់​ថ្នាក់​ស្រុក​ចំ​នួន​ ១២ (បី​រង្វាន់​លេខ​ ១, មួយ​ង្វាន់​លេខ​ ២, បួន​រង្វាន់​លេខ​ ៣ និង​បួន​រង្វាន់​លើក​ទឹក​ចិត្ត​) និង​ ១០ រង្វាន់​ថ្នាក់​ខេត្ត​ (២ រង្វាន់​លេខ​ ១, ១ រង្វាន់​លេខ​ ២, ៤រង្វាន់​លេខ​ ៣ និង​៣រង្វាន់​លើក​ទឹក​ចិត្ត​)។ ឆ្នាំ​សិក្សា​ ២០២៥ - ២០២៦ សិស្ស​របស់​លោក​គ្រូ​ បន្ត​ទទួល​បាន​រង្វាន់​ថ្នាក់​ក្រុង​ចំ​នួន​ ២ រួម​មាន​ ១រង្វាន់​លេខ​ ៣ និង​រង្វាន់​លើក​ទឹក​ចិត្ត​។ ប្អូន​ ឡឹម​ធី​មី​ហឿង សិស្ស​ថ្នាក់​ទី​ ៩អា​១ សា​លា​ជន​ជាតិ​អន្តេ​វា​សិក​ លិត​ហោ​យធឿង​ បាន​ចែក​រំលែក​៖ “ដំ​បូង​ប្អូន​មិន​ទាន់​ចេះ​អក្សរ​ខ្មែរ​ច្រើន​ទេ​។ ចាប់​តាំង​ពី​បាន​លោក​គ្រូ​ សឹម​ហា​ណែ​នាំ​មក​ ប្អូន​ចេះ​អាន​សន្សឹម​ៗ ក្តាប់​បាន​វេយ្យាករណ៍​ បំ​ណិន​បក​ប្រែ​ខ្មែរ​-វៀត​ណាម​ វៀត​ណាម​-ខ្មែរ​ និង​វិធី​សាស្ត្រ​រៀប​គម្រោង​អត្ថ​បទ​។ នៅ​ពេល​ប្អូន​ៗមាន​ចម្ងល់ លោក​គ្រូ​តែង​បក​ស្រាយ​យ៉ាង​យក​ចិត្ត​ទុក​ដាក់​និង​ងាយ​យល់​ ដូច្នេះ​ប្អូន​ៗមាន​ទំនុក​ចិត្ត​ និង​ស្រ​ឡាញ់​មុខ​វិជ្ជា​ខ្មែរ​ណាស់​។ ឆ្នាំ​នេះ​ ប្អូន​មាន​ទំនុក​ចិត្ត​ចូល​រួម​ប្រឡង​សិស្ស​ពូ​កែ​ថ្នាក់​ទី​ក្រុង​មុខ​វិជ្ជា​ភា​សា​ខ្មែរ​”។

លោក​គ្រូ​ ត្រឹង​ សឹម​ហា​ ក្នុង​ម៉ោង​បង្រៀន​ភា​សា​ខ្មែរ​។

មិន​ត្រឹម​តែ​យក​ចិត្ត​ទុក​ដាក់​ចំ​ពោះ​សិស្សា​នុសិស្ស​ប៉ុណ្ណោះ​ទេ​ លោក​គ្រូ​ថែម​ទាំង​សកម្ម​ចែក​រំលែក​បទ​ពិសោធន៍​ ជួយ​មិត្ត​រួម​អា​ជីព​អនុ​វត្ត​បច្ចេក​វិទ្យា​ព័ត៌​មាន​ក្នុង​ការ​បង្រៀន​។ ឆ្លង​តាម​រយៈ​នោះ​ បាន​រួម​ចំ​ណែក​ជា​មួយ​សមូហ​ភាព​សា​លា​ទទួល​បាន​ស្នា​ដៃ​ជា​ច្រើន​ក្នុង​ការ​ប្រឡង​មុខ​ជំ​នាញ​ ដូច​ជា​៖ ពាន​រង្វាន់​លេខ​ ១ ថ្នាក់​ស្រុក​ក្នុង​ការ​ច្នៃ​ឧប​ករណ៍​បង្រៀន​ ពាន​រង្វាន់​លេខ​ ២ ថ្នាក់​ខេត្ត​មុខ​វិជ្ជា​ប្រ​វត្តិ​សាស្ត្រ​ ។ លោក​គ្រូ​ ត្រឹង​ស៊ុង ចាង​ហ្វាង​សា​លា​ បាន​ឱ្យ​តម្លៃ​៖ “លោក​គ្រូ​ ត្រឹង​ សឹម​ហា​ គឺ​ជា​គ្រូ​បង្រៀន​វ័យ​ក្មេង​សកម្ម​ ខ្នះ​ខ្នែង​ជួយ​មិត្ត​រួម​អា​ជីព​និង​សិស្សា​នុសិស្ស​ តែង​សម្រេច​ល្អ​ភារ​កិច្ច​ដែល​បាន​ប្រ​គល់​ជូន​។ លោក​គ្រូ​មិន​ត្រឹម​តែ​អប់​រំ​ចំ​ណេះ​ដឹង​ប៉ុណ្ណោះ​ទេ​ ប៉ុន្តែ​ថែម​ទាំង​បណ្តុះ​ដល់​សិស្សា​នុសិស្ស​នូវ​សេច​ក្តី​ស្រ​ឡាញ់​ និង​ស្មារតី​ថែ​រក្សា​អត្ត​សញ្ញា​ណ​វប្ប​ធម៌​ជន​ជាតិ​ខ្មែរ​។ លោក​គ្រូ​គឺ​ជា​គ្រូ​បង្រៀន​វ័យ​ក្មេង​ពូ​កែ​មុខ​ជំ​នាញ​ សកម្ម​ក្នុង​ការ​សិក្សា​ស្រាវ​ជ្រាវ​ បាន​សមូហ​ភាព​សា​លា​ និង​សិស្សា​នុសិស្ស​ស្រ​ឡាញ់​រាប់​អាន​”។

ជា​មួយ​នឹង​ការ​ខិត​ខំ​ក្នុង​ការ​បង្រៀន​ ច្រើន​ឆ្នាំ​បន្ត​បន្ទាប់​ លោក​គ្រូ​ សឹម​ហា​ ទទួល​បាន​ចំ​ណាត់​ថ្នាក់​ជា​គ្រូ​បង្រៀន​ពូ​កែ​ថ្នាក់​មូល​ដ្ឋាន​ ថ្នាក់​ខេត្ត​ យុទ្ធ​ជន​ប្រឡង​ប្រ​ណាំង​មូល​ដ្ឋាន​ និង​ទទួល​បាន​ប័ណ្ណ​សរសើរ​ជា​ច្រើន​ពី​គណៈ​កម្មា​ធិ​ការ​ប្រ​ជា​ជន​ខេត្ត​ និង​ក្រ​សួង​អប់​រំ​និង​បណ្តុះ​បណ្តា​ល។ ចំ​ពោះ​លោក​គ្រូ​ សឹម​ហា​ សមិទ្ធ​ផល​ដ៏​ធំ​បំ​ផុត​នៃ​មុខ​របរ​បង្រៀន​ មិន​ត្រឹម​តែ​រង្វាន់​និង​ប័ណ្ណ​សរសើរ​ប៉ុណ្ណោះ​ទេ​ វឌ្ឍន​ភាព​របស់​សិស្សា​នុសិស្ស​គឺ​ជា​ក្តី​រីក​រាយ​នៅ​ពេល​ប្អូន​ៗមាន​ទំនុក​ចិត្ត​ប្រើ​ប្រាស់​និង​ផ្តល់​នូវ​តម្លៃ​នៃ​ភា​សា​ និង​អក្សរ​សាស្ត្រ​របស់​ជន​ជាតិ​ខ្លួន​។ ជា​មួយ​ក្តី​ស្រ​ឡាញ់​អា​ជីព​និង​ស្មារតី​ទទួល​ខុស​ត្រូវ​ លោក​គ្រូ​វ័យ​ក្មេង​កំ​ពុង​រួម​ចំ​ណែក​លើក​កម្ពស់​គុណ​ភាព​អប់​រំ​ បណ្តុះ​ក្តី​ស្រ​ឡាញ់​ភា​សា​ខ្មែរ​ និង​ថែ​រក្សា​អត្ត​សញ្ញា​ណ​វប្ប​ធម៌​ជន​ជាតិ​សម្រាប់​យុវ​ជន​ជំ​នាន់​ក្រោយ​៕

យ្វី​អាញ​-វ៉ា​ន់តឹន​

ចែករំលែកអត្ថបទ