សមាគមកសិករទីក្រុងកឹងធើ បានចាត់តាំងវគ្គហ្វឹកហ្វឺនលើកកម្ពស់ការយល់ដឹងឱ្យកម្មាភិបាល និងសមាជិកសមាគមកសិករ អំពីការអភិវឌ្ឍសេដ្ឋកិច្ចសមូហភាព និងសហករណ៍នៅឃុំហូដាក់កៀង។ លោកង្វៀងតឹងញើង អនុប្រធានសមាគមកសិករទីក្រុង បានអញ្ជើញចូលរួមនិងថ្លែងការណ៍បើកវគ្គហ្វឹកហ្វឺន។
ក្នុងវគ្គហ្វឹកហ្វឺននេះ ទាក់ទាញសិក្ខាកាម ១៥០ នាក់ដែលជាកម្មាភិបាល សមាជិកសមាគមកសិករ សមាជិកសាខានិងក្រុមសមាគមកសិករកំពុងប្រកបមុខរបរ ព្រមទាំងតំណាងក្រុមសហការ និងសហករណ៍កសិកម្មនៅលើភូមិឋានឃុំហូ ដាក់កៀង។ សិក្ខាកាមទាំងអស់ត្រូវបានផ្សព្វផ្សាយនូវគោលការណ៍របស់បក្ស គោលនយោបាយនិងច្បាប់របស់រដ្ឋ អំពីសេដ្ឋកិច្ចសមូហភាពនិងសហករណ៍។ ផ្ដោតសំខាន់លើការណែនាំអនុវត្តគម្រោង “សមាគមកសិករវៀតណាម ចូលរួមអភិវឌ្ឍសេដ្ឋកិច្ចសមូហភាពក្នុងវិស័យកសិកម្មរហូតដល់ឆ្នាំ ២០៣០” តាមសេចក្តីសម្រេចលេខ ១៨២/QĐ-TTg របស់នាយករដ្ឋមន្រ្តីនៃរដ្ឋាភិបាល; លំដាប់លំដោយនៃបែបបទបង្កើតសហករណ៍កសិកម្ម។
គណៈចាត់តាំងវគ្គហ្វឹកហ្វឺន ក៏បានពិភាក្សានិងឆ្លើយបំភ្លឺរាល់ការលំបាក និងបញ្ហាប្រឈមនានាក្នុងដំណើរការដឹកនាំ និងការបង្កើតទម្រង់សេដ្ឋកិច្ចសមូហភាព៕
ថាញ់ធឺ - ថាច់ធី
ពាក្យគន្លឹះ