មហាសាមគ្គីជនជាតិ ភូមិស្រុកផ្លាស់ថ្មី

09/09/2026 - 05:56

ក្រូចឆ្មារគ្មានគ្រាប់បើកទិសដៅរកស៊ីប្រកបដោយប្រសិទ្ធភាព

ផ្ដើមពីទម្រង់ដាំក្រូចឆ្មារគ្មានគ្រាប់ លោកស៊ើងហាយផុង (កើតឆ្នាំ ១៩៩១) នៅឃុំសុងឡុក ខេត្តវិញឡុង មិនត្រឹមតែនាំមកនូវប្រសិទ្ធភាពសេដ្ឋកិច្ចជូនគ្រួសារប៉ុណ្ណោះទេ ថែមទាំងបង្កការងារធ្វើ និងប្រាក់ចំណូលលំនឹងដល់ពលករខ្មែរនៅតាមភូមិភាគប្រមាណ២០នាក់ទៀតផង។ ទម្រង់តភ្ជាប់ផលិត និងធានាការទទួលទិញផលិតផល កំពុងបើកទិសដៅរកស៊ីប្រកបដោយប្រសិទ្ធភាព ជួយឱ្យមាមីងលំនឹងចិត្តក្នុងការផលិត និងបន្ថយស្ថានភាពបានផល តម្លៃចុះថោក។

លោកស៊ើងហាយផុង កំពុងបែងប្រភេទក្រូចឆ្មារ ដើម្បីត្រៀមប្រគល់ឱ្យឈ្មួញ
មកថ្លឹងនៅនឹងចម្ការ។

បច្ចុប្បន្ន លោក ស៊ើងហាយផុង ប្រធានសាខាសមាគមមុខរបរដាំក្រូចឆ្មារគ្មានគ្រាប់ឃុំ សុងឡុក។ ឆ្នាំ ២០២៣ បន្ទាប់ពីសិក្សាដកពិសោធន៍ ពីទម្រង់ដាំក្រូចឆ្មារគ្មានគ្រាប់នៅស្រុកកាងឡុង (ចាស់) លោកបានសម្រេចចិត្តវិនិយោគដាំក្រូចឆ្មារគ្មានគ្រាប់ លើផ្ទៃដី ១,៥ ហិកតា។ ក្នុងដំណើរការផលិត លោក ម្ចាស់ការស្រាវជ្រាវបច្ចេកទេស រួមផ្សំការពិគ្រោះយោបល់ជាមួយអ្នកជំនាញ ខិតជិតប្រភពទុនបុល និងចងសម្ព័ន្ធជាមួយផលិតនៅទីក្រុងកឹងធើ។ អា ស្រ័យដោយអនុវត្តត្រឹមត្រូវតាមបច្ចេកទេសថែទាំ ចម្ការក្រូចឆ្មារលូតលាស់ល្អនិងផ្ដល់ទិន្នផលលំនឹង។ ក្រៅពីការដាំក្រូចឆ្មារ លោកនៅទាំងដាំពោតបារាំង ល្ពៅនិងដំណាំរួមផ្សំមួយចំនួនទៀត ដើម្បីធ្វើឱ្យប្រ ភពចំណូលមានភាពសម្បូរបែប និងទាញយកប្រ យោជន៍ពីផ្ទៃដីផលិតប្រកបដោយប្រសិទ្ធភាព។

តាមសម្ដីលោកផុង ដើម្បីឱ្យទម្រង់រូបភាពនេះអភិវឌ្ឍប្រកបដោយចីរភាព ក្រៅពីបច្ចេកទេសផលិត ច្រកនាំចេញផលិតផលគឺជាកត្តាសំខាន់ណាស់ដែរ។ បច្ចុប្បន្ន ផលិតផលក្រូចឆ្មាររបស់គ្រួសារគាត់ បានសហករណ៍ថាញ់ជី ឃុំតឹងអាង ចុះកិច្ចសន្យាធានាម៉ៅទិញផ្គត់ផ្គង់ជូនក្រុមហ៊ុន The Fruit Republic (ប្រទេសហូឡង់) ដែលមានទីតាំងនៅទីក្រុងកឹងធើ។ តម្លៃទិញខ្ពស់ជាងទីផ្សារប្រមាណ ៥.០០០ ដុង/គីឡូ ក្រាម ជួយឱ្យអ្នកដាំទទួលបានប្រាក់ចំណេញគួរ សម។ លើសពីនេះ ផលិតផលត្រូវបាននាំចេញទៅ កាន់ទីផ្សារអឺរ៉ុប ដែលជាទីផ្សារម៉ត់ចត់ ដូច្នេះបទដ្ឋាន ផលិតត្រូវតែធានាយ៉ាងម៉ឺងម៉ាត់។ “យើងខ្ញុំបានវិស្វករណែនាំវិធីប្រើប្រាស់ថ្នាំការពាររុក្ខជាតិ ការដាក់ជី និងថែទាំឱ្យត្រូវតាមបច្ចេកទេស។ ការផលិត តាមបែបបទ មិនត្រឹមតែជួយលើកកម្ពស់គុណភាពក្រូចឆ្មារប៉ុណ្ណោះទេ ថែមទាំងបង្កលក្ខណះឱ្យផលិត ផលឆ្លើយតបនឹងតម្រូវការនៃទីផ្សារនាំចេញទៀត ផង។ ព្រមជាមួយប្រសិទ្ធភាពសេដ្ឋកិច្ច ទម្រង់រូប ភាពនេះនៅទាំងបង្កការងារធ្វើដល់ពលករខ្មែរនៅភូមិភាគប្រមាណ ២០ នាក់។ ពលករដែលចូលរួមថែទាំ និងប្រមូលផលក្រូចឆ្មារ មានការងារធ្វើបន្ថែម និងមានប្រភពចំណូលលំនឹង” លោកផុង បានឱ្យដឹង បន្ថែមដូច្នេះ។

ជាអ្នកដំបូងគេដែលនាំយកដើមក្រូចឆ្មារគ្មានគ្រាប់ មកដាំនៅភូមិភាគ លោកស៊ើងហាយផុង មិនត្រឹម តែហ៊ានវិនិយោគផលិតប៉ុណ្ណោះទេ ថែមទាំងសកម្មស្វែងរកទីផ្សារទទួលទិញស្ថេរភាព បង្កការងារ និងចែករំលែកបទពិសោធន៍ មាមីងអនុវត្តតាម។ ប្រសិទ្ធ ភាពជំហានដំបូងនៃទម្រង់នេះ ជួយឱ្យមាមីងមានជម្រើសបន្ថែមក្នុងការផ្លាស់ប្តូរមុខរបរផលិត។ ជាក់ ស្តែង នៅពេលផលិតផលត្រូវបានតភ្ជាប់ទទួលទិញ ក្នុងតម្លៃលំនឹង មាមីងមានភាពកក់ក្ដៅចិត្តក្នុងការ ផលិត និងបន្ថយការកង្វល់អំពីស្ថានភាព បានផលតម្លៃចុះថោក។ ផ្ដើមចេញពីទិសដៅរបស់លោកផុង ដើមក្រូចឆ្មារគ្មានគ្រាប់កំពុងបើកចេញនូវសក្តានុភាព ថ្មី រួមចំណែកបង្កើនប្រាក់ចំណូល និងបង្កជីវភាព រស់នៅលំនឹងជូនមាមីងប្រជាជននៅភូមិភាគ៕

ទីទុយ - ថាច់ធី

ចែករំលែកអត្ថបទ

ពាក្យគន្លឹះ