មហាសាមគ្គីជនជាតិ ភូមិស្រុកផ្លាស់ថ្មី

05/08/2026 - 05:50

ឡុងវិញ ពង្រីកឧត្ដមភាព,ជលផលតំបន់ឆ្នេរសមុទ្រ

ពង្រីកឧត្ដមភាពតំបន់ឆ្នេរសមុទ្រ ឃុំឡុងវិញ (ខេត្តវិញឡុង) កំពុងជំរុញការអភិវឌ្ឍវារីវប្បកម្មតាមទិសដៅ អនុវត្តវិទ្យាសាស្ត្របច្ចេកទេស លើកកម្ពស់គុណភាពតំបន់ចិញ្ចឹម និងបើកទូលាយការចងសម្ព័ន្ធប្រើប្រាស់។ ទិសដៅនេះ រួមចំណែកលើកកម្ពស់តម្លៃផលិត បង្កការងារធ្វើ និងបង្កើនប្រាក់ចំណូលជូនមាមីង។

ស្រះចិញ្ចឹមបង្គាអនុវត្តបច្ចេកវិទ្យាខ្ពស់ក្រាលកម្រាលកៅស៊ូប្លាស្ទិច នៅឃុំឡុងវិញ រួមចំណែកលើកកម្ពស់ប្រសិទ្ធភាពផលិតបង្កឧត្តមភាពអភិវឌ្ឍន៍ផ្នែកជលផលនៅភូមិភាគ។

ដោយអាស្រ័យជាតិអំណោយផល ឃុំឡុងវិញបានកំណត់ច្បាស់ជលផលជាផ្នែកសេដ្ឋកិច្ចស្នូលក្នុងការអភិវឌ្ឍកសិកម្ម។ ប៉ុន្មានឆ្នាំជិតៗនេះ ភូមិភាគជំរុញទឹកចិត្តមាមីងផ្លាស់ប្តូរពីវិធីចិញ្ចឹមតាមបែបប្រពៃណីមកជាទម្រង់ប្រពលវប្បកម្ម និងអនុវត្តបច្ចេកទេសជឿនលឿន ដើម្បីលើកកម្ពស់ទិន្នផល គុណភាព និងប្រសិទ្ធភាពផលិត។

យោងតាមគណៈកម្មាធិការប្រជាជនឃុំឡុងវិញ ឆ្នាំ ២០២៥ តម្លៃផលិតសរុបនៃផ្នែកកសិកម្មជលផលសម្រេចបានជាង ១.៣១៥ ពាន់លានដុង លើសផែនការកំណត់។ ដោយឡែកវិស័យជលផលសម្រេច បានជិត ១.២៤៦ ពាន់លានដុង ស្រូបសមាមាត្រធំបំផុតក្នុងរចនាសម្ព័ន្ធសេដ្ឋកិច្ចកសិកម្ម។ ទិន្នផលជលផលសរុបសម្រេចបានលើសពី ១៦.៨០០ តោន កើន ២,៥% បើប្រៀបធៀបនឹងរយៈពេលដូចគ្នាឆ្នាំមុន។ ក្នុងនោះ បង្គាជើងសនៅតែជាមុខសញ្ញាចិញ្ចឹមចម្បង ដោយមានទិន្នផលជាង ៧.៤០០ តោន។ ជាក់ស្តែង ដូចជា ទម្រង់ចិញ្ចឹមតាមបែបប្រពលវប្បកម្មកម្រិតខ្ពស់ក្នុងស្រះក្រាលកម្រាលកៅស៊ូប្លាស្ទិច សម្រេចបានទិន្នផលជាមធ្យមប្រមាណ ៥៦ តោនក្នុងមួយហិកតា នាំមកនូវប្រសិទ្ធភាពសេដ្ឋកិច្ចខ្ពស់។ ទន្ទឹមនឹងនោះ បង្គានាគ ក្តាមសមុទ្រ ត្រីពោ បង្កងសាវទាវ និងគ្រែង បន្តបានរក្សាស្ថិរភាព រួមចំណែកធ្វើឱ្យសម្បូរ បែបមុខសញ្ញាចិញ្ចឹម និងលើកកម្ពស់តម្លៃផលិត។ ស្របគ្នានឹងការពង្រីកទ្រង់ទ្រាយ ឃុំឡុងវិញយកចិត្តទុកដាក់លើកកម្ពស់គុណភាពតំបន់ចិញ្ចឹម។ គិតមកទល់ពេលនេះ មានមូលដ្ឋានចិញ្ចឹមជលផល ៦៦ កន្លែង ត្រូវបានផ្ដល់វិញ្ញាបនបត្រ VietGAP បង្កលក្ខណៈងាយស្រួលដល់ការកសាងតំបន់ចិញ្ចឹមសុវត្ថិភាព និងឈានទៅបើកទូលាយចងសម្ព័ន្ធការប្រើប្រាស់។

លោកស៊ើងសុភាព ប្រធានការិយាល័យសេដ្ឋកិច្ច ឃុំឡុងវិញ ឱ្យដឹង ភូមិភាគសហការជាប្រចាំជាមួយផ្នែកជំនាញ រៀបចំការហ្វឹកហាត់ ផ្ទេរបច្ចេកទេស ណែនាំប្រជាជនអនុវត្តដំណាក់ការចិញ្ចឹមសុវត្ថិភាព និងលើកទឹកចិត្តអភិវឌ្ឍន៍ទម្រង់អនុវត្តបច្ចេកវិទ្យាខ្ពស់។ តាមរយៈនោះ ជួយលើកកម្ពស់ទិន្នផល គុណភាពផលិតផល និងបង្កើនប្រសិទ្ធភាពផលិត។

ទោះបីដូច្នោះក្ដី ផ្នែកជលផលភូមិភាគនៅតែរងផលប៉ះពាល់នៃការប្រែប្រួលអាកាសធាតុ ជំងឺលើបង្គា ការបាក់ស្រុតភ្លឺទំនប់សមុទ្រ និងការប្រែប្រួលតម្លៃនៅលើទីផ្សារ។ នាពេលខាងមុខ ឃុំឡុងវិញបន្ត ពង្រីកអ្នកចិញ្ចឹមចម្បងៗ បើកទូលាយតំបន់ចិញ្ចឹមឱ្យសម្រេចបទដ្ឋាន VietGAP, ASC, BAP ព្រមទាំងពង្រឹងការតភ្ជាប់ជាមួយអាជីវកម្ម ដើម្បីលើកកម្ពស់តម្លៃផលិតផល រួមចំណែកអភិវឌ្ឍសេដ្ឋកិច្ចជនបទប្រកបដោយចីរភាព៕

ទីទុយ - ថាច់ធី

ចែករំលែកអត្ថបទ

ពាក្យគន្លឹះ