មហាសាមគ្គីជនជាតិ គំរូក្នុងសហគមន៍

20/01/2026 - 08:47

ជនរួមជាតិខ្មែររីករាយផ្ញើក្ដីសង្ឃឹមលើមហាសន្និបាត តំណាងទូទាំងប្រទេសលើកទី XIV របស់បក្ស

ស្ថិតក្នុងបរិយាកាសសប្បាយរីករាយ ឈានដល់មហាសន្និបាតតំណាងទូទាំងប្រទេសលើកទី XIV របស់បក្ស ជនរួមជាតិខ្មែរខេត្តកាម៉ាវនិងទីក្រុងកឹងធើ ជឿជាក់និងសង្ឃឹមថា មហាសន្និបាត នឹងទទួលបានជោគជ័យត្រចះត្រចង់ កំណត់ផែនការតម្រង់ទិសអភិវឌ្ឍប្រទេសជាតិលើគ្រប់វិស័យនៃយុគសម័យថ្មី – យុគសម័យឈានឡើងរបស់ប្រជាជាតិ។

ព្រះឧបជ្ឈាយ៍តាំងសាវង្ស។

ខេត្តកាម៉ាវ មានជនរួមជាតិខ្មែរជិត ១៤០.០០០ នាក់ (ស្រូបអត្រាជិត ៦,៥% នៃចំនួនប្រជាជនទូទាំងខេត្ត)។ ប៉ុន្មានឆ្នាំកន្លង ដោយការយកចិត្តទុកដាក់របស់បក្ស រដ្ឋ រួមជាមួយគណៈកម្មាធិការគ្រប់លំដាប់ថ្នាក់ និងរដ្ឋ អំណាចភូមិភាគ ឃើញថាជីវភាពសម្ភារៈ ស្មារតី របស់ជនរួមជាតិខ្មែរបានឈានឡើងជាលំដាប់ពីមួយថ្ងៃទៅមួយថ្ងៃ។ ព្រមជាមួយនោះ ទំនៀមទម្លាប់ វប្បធម៌នៃពិធីបុណ្យរបស់ជនរួមជាតិខ្មែរទទួលបានការយកចិត្តទុកដាក់ និងចាត់តាំងយ៉ាងឱឡារិកទៅតាមប្រពៃណី។

ព្រះឧបជ្ឈាយ៍តាំងសាវង្ស ព្រះចៅអធិការវត្តបុប្ផារាម អនុប្រធានប្រចាំការសមាគមព្រះសង្ឃសាមគ្គីស្នេហាជាតិខេត្តកាម៉ាវ មានថេរដីកា៖ ជាមួយនឹងស្មារតីទទួលខុសត្រូវ អាត្មាភាពបន្តពង្រីក ស្មារតីសាមគ្គី ចលនាព្រះសង្ឃនិងជនរួមជាតិខ្មែរ អនុវត្តល្អនូវគោលការណ៍ សេចក្តីសម្រេចរបស់បក្ស គោលនយោបាយ ច្បាប់របស់រដ្ឋ និងចូលរួមយ៉ាងសកម្មបណ្តាចលនានិងការចលនារបស់ភូមិភាគ។ ទន្ទឹមនឹងនោះ ព្រះឧបជ្ឈាយ៍ ជឿជាក់ថា មហាសន្និបាតតំណាងទូទាំងប្រទេសលើកទី XIV របស់បក្ស នឹងជ្រើសរើសកងជួរកម្មាភិបាល គ្រប់លក្ខណៈគុណសម្បត្តិ វិជ្ជាសម្បត្ដិដើម្បីរួមជាមួយទូទាំងបក្ស ទូទាំងប្រជាជន ទូទាំងកងទ័ព នាំប្រទេសវៀតណាមជាជំហានឈានឡើងក្នុងដំណាក់កាលថ្មី។

ទីក្រុងកឹងធើមានជនជាតិភាគតិច ១២៥.៦៨០ គ្រួសារ ដោយមានជិត ៤៩៥.០០០ នាក់ ស្រូបអត្រា ១៥,៤៦% នៃចំនួនប្រជាជនសរុបទូទាំងទីក្រុង។ ក្នុងនោះ ជនរួមជាតិខ្មែរមានដល់ ៤១១.០០០ នាក់។ មកទល់ពេលនេះ ផ្លូវគមនាគមន៍ជនបទតំបន់ជនរួមជាតិខ្មែរបានចាក់បេតុងថ្មី១០០%; អគារសិក្សា ដំណាក់សុខាភិបាល អគ្គិសនី ទឹកស្អាត៘ បានវិនិយោគការងារ បន្ថយភាពក្រីក្រសម្រេចបានលទ្ធផលខ្ពស់ ជីវភាពប្រជាជនទីក្រុងបានលើកស្ទួយយ៉ាងច្បាស់។

ជនបទតំបន់ជនរួមជាតិខ្មែរនៅទីក្រុងកឹងធើភ្លឺ បៃតង ជ្រះ ស្អាត។

ជាកម្មាភិបាលខ្មែរចូលនិវត្តន៍ លោកលីដូ នៅសង្កាត់សុកត្រាំង ទីក្រុងកឹងធើ ឱ្យដឹង៖ រមិលមកប៉ុន្មានឆ្នាំកន្លង បក្សនិងរដ្ឋមានគោលការណ៍ គោលនយោបាយជាច្រើនសម្រាប់ជនជាតិភាគតិច បានរួមចំណែកជំរុញអភិវឌ្ឍសេដ្ឋកិច្ច-សង្គម តំបន់ជនរួមជាតិខ្មែររបស់ទីក្រុង។ ពិសេសគឺគោលនយោបាយស្តីពីអប់រំតែងបានយកចិត្តទុកដាក់ពិសេស អាស្រ័យហេតុនោះ សាលារៀននៅតំបន់ជនរួមជាតិខ្មែរបានកសាងរឹងមាំ គុណភាពអប់រំកើនឡើងពីមួយថ្ងៃទៅមួយថ្ងៃ។

តាមប្រសាសន៍ លោកលីដូ ឆ្លងតាមរយៈការស្រាវជ្រាវសេចក្តីព្រាងឯកសារដាក់ជូនមហាសន្និបាតតំណាងទូទាំងប្រទេសលើកទី XIV របស់បក្ស ខ្លួនខ្ញុំផ្ទាល់រីករាយនឹងសមិទ្ធផលដែលប្រទេសជាតិសម្រេចបានក្នុងអាណត្តិកាលកន្លង ជាមួយនឹងក្តីទុកចិត្តក្នុងអាណត្តិកាលថ្មី វៀតណាមនឹងអភិវឌ្ឍខ្លាំងក្លាក្នុងយុគសម័យឈានឡើងរបស់ប្រជាជាតិជាមិនខាន។ លោកលីដូក៏សង្ឃឹមថា បក្ស រដ្ឋ បន្តយកចិត្តទុកដាក់ផ្សព្វផ្សាយគោលនយោបាយជាច្រើនអភិវឌ្ឍសេដ្ឋកិច្ច-សង្គមតំបន់ជនរួមជាតិខ្មែរ; យកចិត្តទុកដាក់ជាងទៀតលើការអប់រំ បណ្តុះបណ្តាល បំប៉នកងជួរកម្មាភិបាលជាជនជាតិភាគតិច; បន្តយកចិត្តទុកដាក់កសាងព្រមៗ គ្នាហេដ្ឋារចនាសម្ព័ន្ធមូលដ្ឋាន គមនាគមន៍ជនបទ និងគិតគូរការងារសុខុមាលភាពសង្គម៘ លោកលីដូជឿជាក់ថា មហាសន្និបាតតំណាងទូទាំងប្រទេសលើកទី XIV របស់បក្ស នឹងដាក់ចេញនូវការកំណត់គោលនយោបាយសមស្រប មានភាពលោតផ្លោះ រួមចំណែកអភិវឌ្ឍសេដ្ឋកិច្ច-សង្គម ជាពិសេសតំបន់ជនជាតិភាគតិចរីកចម្រើន ដោយចីរភាពពីមួយថ្ងៃទៅមួយថ្ងៃ៕

យ្វីអាញ - លីសៀ

ចែករំលែកអត្ថបទ

ពាក្យគន្លឹះ