គោលនយោបាយ -ការរស់នៅ ការរស់នៅ

23/12/2025 - 07:25

ប្រសិទ្ធភាពនៃកម្មវិធី

រយៈពេលកន្លង ទីក្រុងកឹងធើបានផ្សព្វផ្សាយអនុវត្តមានប្រសិទ្ធភាពកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិច (ហៅកាត់ថា កម្មវិធី) បានរួមចំណែកយ៉ាងសំខាន់ក្នុងការលើកកម្ពស់ជីវភាពប្រជាជន ធ្វើឱ្យទិដ្ឋភាពជនបទតំបន់ជនជាតិភាគតិចកាន់តែស្រស់បំព្រងនិងរីកចម្រើន។

ផ្លូវគមនាគមន៍ជនបទនៅឃុំសាភៀង បានចាក់បេតុងរឹងមាំ។

អនុវត្តកម្មវិធី ទីក្រុងបានឧបត្ថម្ភដីសង់លំនៅឋានដល់ប្រជាជនចំនួន ៣០៦ គ្រួសារ សាងសង់និងជួសជុលផ្ទះដល់ ៣.៣៣៤ គ្រួសារ ឧបត្ថម្ភផ្លាស់ប្តូរអាជីពដល់ ៥.៨០២ គ្រួសារ ផ្គត់ផ្គង់ទឹកស្អាតដល់ ៣.២១៦ គ្រួសារ និងកសាងសំណង់ផ្គត់ផ្គង់ទឹកស្អាតប្រមូលផ្តុំចំនួន៤។ ទន្ទឹមនឹងនោះ ទីក្រុងក៏បានអនុវត្តទម្រង់អភិវឌ្ឍការផលិតនិងមុខរបរចិញ្ចឹមជីវិតសហគមន៍ចំនួន ១៣០ ផ្សព្វផ្សាយគម្រោងហេដ្ឋារចនាសម្ព័ន្ធ ២១៨ សំណង់ វិនិយោគសាងសង់ថ្មី ៦ សំណង់ ជួសជុលកែលម្អផ្សារចំនួន ៩ ថែរក្សានិងជួសជុលសំណង់ហេដ្ឋារចនាសម្ព័ន្ធចំនួន ២២៤ វិនិយោគបង្កើនកម្រិតសាលាជនជាតិអន្តេវាសិកចំនួន ១០ រៀបចំវគ្គបណ្តុះបណ្តាលវិជ្ជាជីវៈរយៈពេលខ្លីចំនួន ៥៤២ ថ្នាក់ បណ្តុះបណ្តាលជំនាញ វិជ្ជាជីវៈ បណ្តុះបណ្តាលភាសាបរទេស និងជំនួយធ្វើសំណុំបែបបទទៅធ្វើការនៅប្រទេសក្រៅតាមកិច្ចសន្យា ។ល។ តាមប៉ាន់ស្មានមានជាង ១២០.៦៣៧ នាក់ បានទទួលផលពីគម្រោង និងអនុគម្រោងចំណុះកម្មវិធី។ ជាអ្នកបានទទួលផលពីកម្មវិធី បងយ័ញហ្វាងអាញ់ នៅភូមិ១១ ឃុំលឿងតឹម ឱ្យដឹង៖ គាត់បានឧបត្ថម្ភប្រាក់សង់ផ្ទះ ៦០ លានដុង រួមជាមួយប្រាក់សន្សំសំចៃ និងប្រាក់កម្ចីមួយចំនួនទៀត សង់បានផ្ទះមួយខ្នងសមរម្យ គិតជាទឹកប្រាក់ជិត ២០០ លានដុង។ ដោយសារគាត់បានឧបត្ថម្ភបុលទុនអាទិភាព បើកហាងលក់សារពើភណ្ឌ ប្តីប្រពន្ធគាត់ស្ងប់អារម្មណ៍ធ្វើការរកស៊ី ដើម្បីឈានឡើងចាកផុតពីភាពក្រីក្រដោយចីរភាព។

រហូតមកដល់បច្ចុប្បន្ន លើភូមិឋានទីក្រុង មានឃុំតំបន់ជនជាតិភាគតិច ១០០% មានផ្លូវបេតុង រថយន្តបើកដល់មជ្ឈមណ្ឌលឃុំ សង្កាត់ទាំងអស់មានបណ្តាញអគ្គិសនីជាតិប្រើប្រាស់ គ្រួសារជនជាតិភាគតិចមានទឹកស្អាតប្រើប្រាស់ជាង៩៩,៨% គ្រួសារជនជាតិភាគតិចបានបង្ខិតជិតសេវាទូរគមនាគមន៍ ព័ត៌មាននិងមធ្យោបាយមើលស្តាប់បម្រើជីវភាពស្មារតី១០០%។ លោកយ័ញត្វឹង ប្រធានមណ្ឌល ១៩ សង្កាត់វីតឹង ឱ្យដឹង៖ “នេះជាមណ្ឌលលំបាកខ្លាំង មានជនរួមជាតិខ្មែររស់នៅកុះកររបស់សង្កាត់ ដូច្នេះ បានរដ្ឋវិនិយោគគោល នយោបាយ គម្រោងនិងកម្មវិធីជាច្រើន។ ហេតុនេះ ផ្លូវជនបទបានវិនិយោគបើកធំទូលាយ គ្រួសារក្របានរដ្ឋឧបត្ថម្ភសង់លំនៅឋាន ជំនួយពូជដំណាំ សត្វចិញ្ចឹម កូនចៅមាមីងខ្មែរបានបណ្តុះបណ្តាលវិជ្ជាជីវៈ ឧទ្ទេសនាមការងារធ្វើ។ល។ ដូច្នេះ មាមីងមានប្រាក់ចំណូលលំនឹង។ ផ្តើមពីមណ្ឌលក្រមានគ្រួសារក្រីក្រជាង ៣០% ឥឡូវនេះ គ្រួសារក្រីក្រនៅតែ ១ គ្រួសារ គ្រួសារក្បែរក្រនៅ៨គ្រួសារ”។

តាមប្រសាសន៍លោក ឡឹមហ្វាងម៉ូវ នាយកមន្ទីរជនជាតិនិងសាសនាទីក្រុងកឹងធើ ប្រសិទ្ធភាពនៃកម្មវិធីបានជួយជំរុញការអភិវឌ្ឍគ្រប់ជ្រុងជ្រោយនៅតំបន់ជនជាតិភាគតិចរបស់ទីក្រុង។ ជាពិសេស កម្មវិធីបាននាំមកនូវក្តីរីករាយដល់ជនជាតិភាគតិចនៅពេលដែលមាមីងរស់នៅក្នុងផ្ទះថ្មី មានផ្លូវជនបទរថយន្តបើកដល់ផ្ទះ មានអគ្គិសនី ទឹកស្អាតប្រើប្រាស់ មានប្រភពទុន ពូជ ដំណាំ សត្វចិញ្ចឹម ដើម្បីអភិវឌ្ឍការផលិត នាំមកប្រាក់ចំណូល ជីវភាពលំនឹង…៕

យ្វីអាញ-មុនី

ចែករំលែកអត្ថបទ

ពាក្យគន្លឹះ