មហាសាមគ្គីជនជាតិ ភូមិស្រុកផ្លាស់ថ្មី

12/11/2025 - 09:12

លោតផ្លោះផ្តើមពីសំណង់និងគម្រោងសំខាន់ៗ

ខេត្តកាម៉ាវ បានសម្ពោធសំណង់និងគម្រោងសំខាន់ៗចំនួន ១១ សំណង់ គិតជាទឹកប្រាក់រាប់រយពាន់លានដុង។ នេះគឺជាគម្រោងនិងសំណង់សំខាន់ៗ បើកឱកាសអំពីហេដ្ឋារចនាសម្ព័ន ដើម្បីជំរុញសេដ្ឋកិច្ច - សង្គម ទាញយកផលពីសក្តានុភាពរបស់ខេត្ត។

ស្ពានហ្គាញ់ហាវតភ្ជាប់ត្រើយម្ខាងទៅត្រើយម្ខាង។

ក្នុងនោះ សំណង់ស្ពានហ្គាញ់ហាវ - គម្រោងហេដ្ឋារចនាសម្ព័ន្ធគមនាគមន៍តភ្ជាប់ពីតំបន់មួយទៅតំបន់មួយ គិតជាតម្លៃទឹកប្រាក់វិនិយោគ សរុប ៦៨៨ ពាន់លានដុង មានប្រវែងជាង ៧៧០ ម៉ែត្រ បានបើកឱ្យចរាចរណ៍ជាផ្លូវការ បើកចេញនូវបរិយាកាសដោះដូរពាណិជ្ជកម្មថ្មី សម្រាប់តំបន់ឆ្នេរសមុទ្រទិសអាគ្នេយ៍។ គម្រោងបានបង្កើនកម្រិតទំនប់សមុទ្រខាងកើត ដែលមានប្រវែងជាង ៥ គីឡូម៉ែត្រ គិតជាតម្លៃទឹកប្រាក់សរុប ៣៥១ ពាន់លានដុង មិនត្រឹមតែជាខ្សែក្រវាត់រឹងមាំការពារប្រជាជនចំពោះការប្រែប្រួលអាកាសធាតុប៉ុណ្ណោះទេ ថែមទាំងជាបន្ទាត់ចរាចរណ៍ដ៏សំខាន់ទៀតផង។ ចក្ខុវិស័យយុទ្ធសាស្ត្រថែមទាំងបង្ហាញតាមរយៈគម្រោងធំៗ ដូចជាបង្កើនកម្រិត បើកទូលាយព្រលានយន្តហោះកាម៉ាវ សម្រេចស្តង់ដារ ៤C និងកំពង់ផែសមុទ្រចម្រុះហងខ្វាយ ចាត់ទុកជា “គំនាស់” ដើម្បីកាម៉ាវ ក្លាយជាច្រកដោះដូរពាណិជ្ជកម្មអន្តរជាតិ។

មុខមាត់ក្រុងកាម៉ាវ បានបង្កើនកម្រិតជាមួយនឹងទីលានផាងង៉ុកហៀង (ដោយមានទុនវិនិយោគ ប្រមាណ ២៧៨ពាន់លានដុង) - សំណង់នេះគឺជា “បេះដូង” ជាមជ្ឈមណ្ឌលក្រុងនៃខេត្តកាម៉ាវ។ ដោយចំណុចលេចធ្លោគឺនិមិត្តរូបបង្គា មានកម្ពស់ ២៤ ម៉ែត្រ បង្គោលទង់ជាតិកម្ពស់ ២៨ ម៉ែត្រ ព្រមទាំងប្រព័ន្ធតន្ត្រីទឹកសិល្បៈទំនើប បានបង្កបរិយាកាសវប្បធម៌ ពិធីបុណ្យមានភាពរស់រវើកសម្រាប់ប្រជាជន។

និមិត្តរូបបង្គាមានកម្ពស់ ២៤ម៉ែត្រនៅទីលានផាងង៉ុកហៀង។

ទន្ទឹមនឹងនោះ គម្រោងចិញ្ចឹមបង្គាអតិប្រពលវប្បកម្មបច្ចេកវិទ្យាទំនើបនៅឃុំដុងហាយ (ដោយមានទុនវិនិយោគ ៣៣ពាន់លានដុង) ពង្រីកតួនាទី “ទីក្រុងមុខរបរបង្គា” របស់ខេត្តកាម៉ាវ ដោយវិធីផលិតសុវត្ថិភាព ទិន្នផលលេចធ្លោ។ លោក យ័ញកាវ អ្នកមានប្រិយភាពនៅនិញថាញ់ឡើយ ចែករំលែក៖ “រដ្ឋវិនិយោគសុក្រឹតហេដ្ឋារចនាសម្ព័ន្ធ បានជំរុញអភិវឌ្ឍសេដ្ឋកិច្ច លើកស្ទួយជីវភាពប្រជាជន។ ទម្រង់បង្គា - ស្រូវសម្រេចប្រសិទ្ធភាព ជួយកសិករខ្មែរឈានឡើងធ្វើមាន។ គម្រោងនិងសំណង់ជាច្រើនបានសម្រេចជាស្ថាពរ សន្យាថានឹងបង្កជំហានលោតផ្លោះ ជំរុញអភិវឌ្ឍដោយចីរភាពតំបន់ជនជាតិភាគតិចជាមិនខាន”។

ទន្ទឹមនឹងនោះ មណ្ឌលសេវាកម្ម - ទេសចរណ៍ “កុងតឺបាកលីវ” (ដោយមានទុនវិនិយោគប្រមាណ ៤០០ ពាន់លានដុង) ដោយមានសណ្ឋាគារដ៏ទំនើប ១៥ ជាន់ រួមចំណែកធ្វើឱ្យសាយភាយយីហោ វប្បធម៌ភូមិភាគ។ បណ្តុំស្តូប “ដំណើរកប៉ាល់ប្រមូលផ្តុំឆ្ពោះទៅភាគខាងជើង” (ដោយមានទុនវិនិយោគជិត ១៩៥ ពាន់លានដុង) ក្លាយជា “អាសយដ្ឋានក្រហម” អប់រំប្រពៃណីស្នេហាជាតិដល់យុវវ័យជំនាន់ក្រោយ។

លោក ផាមថាញ់ង៉ាយ ប្រធានគណៈកម្មាធិការប្រជាជនខេត្តកាម៉ាវ កត់សម្គាល់៖ “បណ្តាសំណង់សំខាន់ៗទាំងនេះបានសម្ពោធដាក់ឱ្យប្រើប្រាស់ គឺជាស្លាកស្នាមនៃនិមិត្តរូបសម្រាប់ការអភិវឌ្ឍរបស់ខេត្ត មិនត្រឹមតែឆ្លើយតបបានល្អតម្រូវការអំពីហេដ្ឋារចនាសម្ព័នគមនាគមន៍ ធារាសាស្ត្រ វប្បធម៌ ទេសចរណ៍៘ ប៉ុណ្ណោះទេ ថែមទាំងបង្កជាកម្លាំងជំរុញសេដ្ឋកិច្ច-សង្គម លើកស្ទួយជីវភាពប្រជាជន និងបង្ករមុខមាត់ថ្មីដល់ខេត្តទៀតផង”៕

យ្វីអាញ - លីសៀ

ចែករំលែកអត្ថបទ

ពាក្យគន្លឹះ