មហាសាមគ្គីជនជាតិ ភូមិស្រុកផ្លាស់ថ្មី

19/08/2025 - 09:08

ពង្រីកកម្លាំងប្រជាជនក្នុងការកសាងជនបទថ្មី

ដើម្បីពង្រីកកម្លាំងប្រជាជនក្នុងការកសាងជនបទថ្មី ឃុំដូងចូវ ខេត្តវិញឡុង បានកំណត់ការងារផ្សព្វផ្សាយគឺជាភារជាកិច្ចដ៏សំខាន់។ ផ្ដើមពីនោះ ឃុំផ្តោតការយកចិត្តទុកដាក់អនុវត្តការងារនេះ បច្ចុប្បន្ន ឃុំបានកសាងសម្រេច ១៥/១៩ លក្ខឋានឃុំជនបទថ្មីកម្រិតខ្ពស់។

រដ្ឋអំណាចមូលដ្ឋាននិងប្រជាជនរួមកម្លាំងកសាងផ្លូវខេត្តលេខ៩១៤ ឃុំដូងចូវ
ខេត្តវិញឡុង ភ្លឺ-បៃតង-ជ្រះ-ស្អាត។

លោកត្រឹមហាយវ៉ូវ អនុលេខាគណៈកម្មាធិការបក្សឃុំដូងចូវ ឱ្យដឹង៖ ដើម្បីលើកកម្ពស់ការយល់ដឹងរបស់កម្មាភិបាល បក្ខជននិងប្រជាជនគ្រប់មជ្ឈដ្ឋានអំពីអត្ថន័យ សារៈសំខាន់និងគោលដៅនៃការកសាងជនបទថ្មី ឃុំរៀបចំកិច្ចផ្សព្វផ្សាយបាន៦២៥លើក ដោយមានកម្មាភិបាល បក្ខជននិងប្រជាជនចូលរួម១៨.៧៥០នាក់។ បើកយុទ្ធនាការ២៦៥លើក បោសសម្អាតទេសភាពសងខាងផ្លូវខេត្តលេខ៩១៤ផ្លូវខេត្ត៩១១ និងផ្លូវតាមភូមិនានា ប្រមូលសំរាមបានប្រមាណ១៥,៩តោន។ ថែទាំ កាត់រំលស់និងដាំដើមឈើថ្មីជាង៣៣.៧៦០ដើម ដោយមានការចូលរួមពីកម្មាភិបាល បក្ខជន និងប្រជាជន ៣.១៨០នាក់។ ចលនាសប្បុរសជននិងប្រជាជនកសាងផ្លូវខេត្តលេខ ៩១៤ ភ្លឺ - បៃ តង-ជ្រះ-ស្អាត និងសុវត្ថិភាពចរាចរណ៍ សរុបទឹកប្រាក់ជាង១០០លានដុង; ចលនា២១៥គ្រួសារ បរិច្ចាគដី៤០.៥០០ម៉ែត្រការ៉េ កសាងស្ពានជនបទបាន៤ខ្សែ សរុបទឹកប្រាក់ជាង ១,៦ ពាន់លានដុង”។

ជាមួយប្រភពទុនកសាងជនបទថ្មី ឃុំដូងចូវបានកសាងផ្លូវខេត្ត ៩១៤
នៅភូមិបាយ៉ាមអា ខេត្តវិញឡុង។

លោកថាច់ភឿង នៅភូមិប៉ាយ៉ាម B ឱ្យដឹង៖ “កន្លងហើយ ថ្នាក់ដឹកនាំភូមិប៉ាយ៉ាម B បានមកចលនាខ្ញុំបរិច្ចាគដីដើម្បីកសាងផ្លូវកៅស៊ូជនបទតភ្ជាប់ភូមិប៉ាយ៉ាមB។ ខ្ញុំបានពិភាក្សាជាមួយគ្រួសារ ហើយបរិច្ចាគប្រមាណ ២០០ ម៉ែត្រការ៉េ ដើម្បីកសាងផ្លូវជនបទ”។

តាមលោកត្រឹមហាយវ៉ូវ សង្កេតជារួមតាមរយៈការងារផ្សព្វផ្សាយឃើញថា ការយល់ដឹងរបស់កម្មាភិបាល បក្ខជន សមាជិកនិងប្រជាជនមានការកើនឡើង យល់ពីគោលបំណង អត្ថន័យ សិទ្ធិនិងតួនាទីរបស់ប្រជាជនជាមួយបក្ស រដ្ឋអំណាច ព្រួតដៃគ្នាកសាងជនបទថ្មី តាមរយៈសកម្មភាពជាក់ស្ដែង ដូច៖ ឧបត្ថម្ភប្រជាជនសង់ផ្ទះមហាសាមគ្គី; រួមចំណែកកសាងបង្គោលទង់ បង្គោលភ្លើង និងកម្លាំងពលកម្ម; ចូលរួមកសាងផ្លូវក្នុងភូមិ បរិច្ចាគដី ដើមឈើ ដំណាំ ជីកប្រឡាយវាលស្រែ... ឃុំដូងចូវបន្តជំរុញមាំការផ្សព្វផ្សាយ ចលនាប្រជាជនចូលរួមប្រឡងប្រណាំង “រួមកម្លាំងកសាងជនបទថ្មី”; ជានិច្ចកាលត្រួតពិនិត្យ ដាស់តឿនក្រើនរំលឹក ដើម្បីចង្អុលការអនុវត្ត ធ្វើការបូកសរុបលើកសរសើរ ផ្តល់រង្វាន់បានទាន់ពេលដល់សមូហភាព បុគ្គលដែលមានស្នាដៃឆ្នើមក្នុងចលនាកសាងជនបទថ្មី ដើម្បីផ្សព្វផ្សាយទូលំទូលាយនូវទម្រង់និងគំរូល្អៗ បង្កើតចលនាប្រឡងប្រណាំងយ៉ាងផុសផុល រួមគ្នាកសាងឃុំជនបទថ្មីកម្រិតខ្ពស់ប្រកបដោយជោគជ័យ៕

សឺនម៉ាល័យ-ទីទុយ

ចែករំលែកអត្ថបទ

ពាក្យគន្លឹះ