គោលនយោបាយ -ការរស់នៅ គោលនយោបាយ

22/04/2025 - 08:29

រួមដំណើរជាមួយភូមិភាគ

តាមថេរដីការបស់ព្រះតេជព្រះគុណ សើុងង៉ុកហ្វិញ ប្រធានសមាគមព្រះសង្ឃសាមគ្គីស្នេហាជាតិខេត្តវិញឡុង អាស្រ័យការយកចិត្តទុកដាក់របស់បក្សនិងរដ្ឋ ម្ល៉ោះហើយ កិច្ចការសាសនានៅលើភូមិសាស្រ្តខេត្តរយៈពេលកន្លង បានសមាគមអនុវត្តល្អប្រសើរ។ សមាគមតែងរួមដំណើរជាមួយភូមិភាគដើម្បីកៀរគរពុទ្ធបរិស័ទអភិវឌ្ឍសេដ្ឋកិច្ចគ្រួសារ រួមចំណែកកសាងភូមិស្រុកសម្បូរសប្បាយ។

គណៈប្រតិបត្តិការសមាគមព្រះ សង្ឃសាមគ្គីស្នេហាជាតិខេត្តវិញឡុង អាណត្តិកាល ២០២៤- ២០២៩បង្ហាញមុខ។

បច្ចុប្បន្ន ខេត្តវិញឡុង មានវត្តព្រះពុទ្ធសាសនាថេរវាទខ្មែរ ១៣ វត្ត ដោយមានព្រះសង្ឃប្រមាណ ២២០ អង្គ។ រយៈពេលកន្លង សមាគមព្រះសង្ឃសាមគ្គីស្នេហាជាតិខេត្តវិញឡុង អនុវត្តបានល្អនូវការឃោសនា អប់រំ ចលនា ព្រះសង្ឃនិងពុទ្ធបរិស័ទខ្មែរសាមគ្គី អនុវត្តបានល្អនូវគោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ។ សមាគមគ្រប់លំដាប់ថ្នាក់ក្នុងខេត្ត ក៏អនុវត្តបានល្អនូវការងារសុខុមាលភាពសង្គម ដូចជា៖ ជូនអំណោយដល់អ្នកក្រ ជូនអាហារូបករណ៍ដល់សិស្សសង្វាតរៀនសូត្រ គិតជាទឹកប្រាក់ជាង ៦,១ ពាន់លានដុង និងឧបត្ថម្ភមូលនិធិដើម្បីអ្នកក្រ ៥០ លានដុង។ ក្រៅពីនោះ សមាគមនៅទាំងចលនាវត្តនានា បង្កើនការរៀនសូត្រ និងធ្វើតាមគំរូសីលធម៌ហូជីមិញ; ព្រះសង្ឃនិងពុទ្ធបរិស័ទសកម្មចូលរួមការងារសប្បុរសធម៌សង្គម កសាងចលនាសង្គមរៀនសូត្រដោយទ្រង់ទ្រាយយ៉ាងសម្បូរបែប ដើម្បីលើកកម្ពស់កម្រិតប្រជាបញ្ញាចំពោះព្រះសង្ឃនិងពុទ្ធបរិស័ទ។ ខិតខំបង្កលក្ខណៈងាយស្រួលជូនវត្តនានាក្នុងខេត្ត បើកថ្នាក់បង្រៀនអក្សរខ្មែរ ជួយឱ្យកូនចៅខ្មែរនិងព្រះសង្ឃចេះអាន ចេះសរសេរស្ទាត់ជំនាញទាំងពីរភាសាខ្មែរ-វៀត។ ចាប់ពីឆ្នាំ ២០២០ ដល់ឆ្នាំ ២០២៤ ខេត្តវិញឡុង បើកថ្នាក់ពុទ្ធិកមធ្យមសិក្សាបឋមភូមិបាន ២៥ បន្ទប់ ដោយមានសមណសិស្ស ៣៥១ អង្គនិងសិក្ខាកាម ៣២៥ នាក់ចូលរៀន។

លោកថាច់យឿង នាយកមន្ទីរជនជាតិនិងសាសនាខេត្តវិញឡុង ឱ្យដឹង៖ “រៀងរាល់ឆ្នាំ វត្តខ្មែរនានាក្នុងខេត្តសុទ្ធតែបានបើកថ្នាក់បង្រៀនអក្សរខ្មែរជូនប្អូនៗដែលជាកូនចៅខ្មែរក្នុងរដូវវិស្សមកាល តាមកម្មវិធីសិក្សាចាប់ពីថ្នាក់ទី ១ ដល់ថ្នាក់ទី ៥ ។ ដោយមានសិស្សសរុប ៥.៣៩៥ នាក់ និងមានអាចារ្យបង្រៀន ២១៥ នាក់ ចូលបង្រៀនដោយស្ម័គ្រចិត្ត។ ដើម្បីធានាគុណភាពបង្រៀន វត្តនីមួយៗបានរៀបចំប្រឡងបញ្ចប់វគ្គសិក្សាជូនប្អូនៗសិស្សានុសិស្ស។ សមាគមបានរៀបចំបូកសរុបចុងឆ្នាំសិក្សាដល់ថ្នាក់ពុទ្ធិកមធ្យមសិក្សាបឋមភូមិ”។ លោកថាច់វិញ នៅភូមិត្រាម៉ង ឃុំតឹងមី ស្រុកត្រាអូង ឱ្យដឹង៖ “ដោយសារថ្នាក់បង្រៀនអក្សរខ្មែរនៅតាមវត្តក្នុងរដូវវិស្សមកាល ទើបកូនខ្ញុំចេះអាន ចេះសរសេរអក្សរខ្មែរ។ នេះក៏ជាលក្ខណៈចាំបាច់ដើម្បីកូនៗរកការងារធ្វើមានភាពងាយស្រួល។ បច្ចុប្បន្ន កូនខ្ញុំទាំង ៥ នាក់ សុទ្ធតែមានការងារធ្វើលំនឹង”៕

ហាថាញ-វិមាន

ចែករំលែកអត្ថបទ

ពាក្យគន្លឹះ