គោលនយោបាយ -ការរស់នៅ ការរស់នៅ

21/10/2024 - 15:50

ពង្រីកតួនាទីស្ត្រីខ្មែរក្នុងការកសាងឃុំជនបទថ្មីគំរូ

សមាគមសហព័ន្ធនារីឃុំភូកឹង ស្រុកទីវកឹង ខេត្តត្រាវិញ ផ្តុំកម្លាំងជំរុញការផ្សព្វផ្សាយ ចលនាកម្មាភិបាលនិងសមាជិកនារី ចូលរួមកសាងជនបទថ្មី ជនបទថ្មីកម្រិតខ្ពស់ ជនបទថ្មីគំរូ ដោយកិច្ចការជាច្រើនសមស្របនឹងសមត្ថភាព ជំនាញ ដែលបង្ហាញពី “លក្ខណៈ” របស់ស្ត្រី ក្នុងនោះ មានការរួមចំណែកយ៉ាងច្រើនរបស់បងប្អូននារីជនជាតិខ្មែរ។

សមាគមបង្ហាញមុខក្លិប “មណ្ឌលតាំងទីលំនៅស្វ័យគ្រប់គ្រង
ការពារបរិស្ថាន” នៅភូមិលិចក្តី។

លោកស្រីថាច់ធីង៉ុកឌេប ប្រធានសមាគមសហព័ន្ធនារីឃុំភូកឹង ឱ្យដឹង៖ ឃុំភូកឹងមានប្រជាជន៣.១២០គ្រួសារ ដោយមានមនុស្សប្រមាណ១១.៥៦០នាក់ ក្នុងនោះ មានជនរួមជាតិខ្មែរស្រូបអត្រាជាង៦២%។ មុននឹងផ្សព្វផ្សាយអនុវត្តកម្មវិធីទិសដៅជាតិកសាងជនបទថ្មី ភូកឹងជាឃុំក្រចំណុះកម្មវិធី១៣៥របស់រដ្ឋាភិបាល ក្រោយពីការខិតខំប្រឹងប្រែងកសាង ឃុំបានគណៈកម្មាធិការប្រជាជនខេត្ត ទទួលស្គាល់សម្រេចបទដ្ឋានជនបទថ្មីនៅចុងឆ្នាំ២០១៣ និងបានទទួលស្គាល់ជាឃុំជនបទថ្មីកម្រិតខ្ពស់នៅចុងឆ្នាំ២០២០ ហើយនៅចុងឆ្នាំ២០២៣បានទទួលស្គាល់ជាឃុំជនបទថ្មីគំរូ។

លក្ខណៈលេចធ្លោបំផុតក្នុងសកម្មភាពរបស់ស្ត្រីនាពេលកន្លង នោះគឺការអនុវត្តមានប្រសិទ្ធភាពការចលនា កសាងគ្រួសារ “គ្មាន៥ ស្អាត៣” ភ្ជាប់នឹងការកសាង លើកកម្ពស់គុណភាពលក្ខឋានជនបទថ្មី ជនបទថ្មីគំរូនៅមូលដ្ឋាន។ ចាប់តាំងពីការផ្សព្វផ្សាយកម្មវិធីទិសដៅជាតិកសាងជនបទថ្មី សមាគមនារីបានរៀបចំផ្សព្វផ្សាយអនុវត្តចលនាកសាងគ្រួសារ “គ្មាន៥ ស្អាត៣” “មាន ៥ ស្អាត៣” ភ្ជាប់នឹងការអនុវត្តបទបញ្ជាលេខ ២៧ របស់គណៈអចិន្ត្រៃយ៍នៃគណៈកម្មាធិការបក្សខេត្ត ឆ្លងតាមរយៈនៃការប្រជុំជីវភាពសាខាសមាគម ក្លិប ក្រុម។ ពិសេសគឺបង្កើតទម្រង់ “មាន៥ ស្អាត៣” ក្នុងសហគមន៍ជនរួមជាតិខ្មែរ។ មកទល់ពេលនេះ ទូទាំងឃុំមានគ្រួសារសមាជិក ១.៥៩៣/១.៦៣៨គ្រួសារ សម្រេចលក្ខឋាន ទាំង៨អំពីទម្រង់ “គ្មាន៥ ស្អាត៣” សម្រេចអត្រា ៩៧,២៥% និងមានគ្រួសារសមាជិក១.៥៣១/១.៦៣៨គ្រួសារ សម្រេចលក្ខឋានទាំង៨អំពីទម្រង់ “មាន៥ ស្អាត៣” សម្រេចអត្រា៩៣,៤៦% បើប្រៀបធៀបនឹងចំនួនគ្រួសារសមាជិកដែលបានពិនិត្យ។

ទន្ទឹមនឹងនោះ សមាគមនារីបានបង្កើតនិងពង្រីកទូលំទូលាយទម្រង់ និងក្លិបដែលមានប្រសិទ្ធភាព ដោយមានបងប្អូននារីជនជាតិខ្មែរចូលរួមច្រើនកុះករ មានដូច៖ ទម្រង់គ្រាប់អង្ករពីកំប៉ុងផ្លាស្ទិក មីញូម ក្លិបច្នៃកាកសំណល់ទៅជាប្រាក់” ក្លិបកសាងគ្រួសារ “គ្មាន៥ ស្អាត៣” និងក្លិបកសាងគ្រួសារ “មាន៥ ស្អាត៣” ក្លិបស្អាត៣ ក្នុងសហគមន៍នារីខ្មែរ ក្លិបនារីខ្មែរការពារបរិស្ថាន ក្លិបមណ្ឌលតាំងទីលំនៅស្វ័យគ្រប់គ្រងការពារបរិស្ថាន។

គួរចាប់អារម្មណ៍បំផុតគឺទម្រង់ “១+១” អំពីការចលនាកម្មាភិបាល សមាជិក បងប្អូននារីនិងគ្រួសារប្រជាជនចូលរួមធានារ៉ាប់រងសុខាភិបាល ធានារ៉ាប់រងសង្គមស្ម័គ្រចិត្ត ចាប់តាំងពីបង្កើតរហូតមកទល់បច្ចុប្បន្ន សមាគមនារីក៏បានចលនា សមាជិក បងប្អូននារីចូលរួមធានារ៉ាប់រងសុខាភិបាល បានចំនួន៣៥៨នាក់ ធានារ៉ាប់រងសង្គម ស្ម័គ្រចិត្តបានចំនួន៥១នាក់ ឆ្លងតាមរយៈទម្រង់នេះ ឃើញថា ស្មារតីប្រិតសំចៃ ជួយគ្នាទៅវិញទៅមករបស់បងប្អូននារី ត្រូវបានលើកកម្ពស់ជាលំដាប់៕

យោង៖កាសែតត្រាវិញ-មុនី

ចែករំលែកអត្ថបទ

ពាក្យគន្លឹះ