ច្បាប់​សណ្ដាប់​ធ្នាប់​ សុវត្ថិ​ភាព​ចរា​ចរណ៍​ផ្លូវ​គោក ឆ្នាំ​២០២៤ មាន​សុពល​ភាព​ចាប់​ពី​ថ្ងៃ​ទី១ ខែ​មក​រា ឆ្នាំ​២០២៥ បាន​កំ​ណត់​ពី​អា​យុ​ជាក់​លាក់​និង​លក្ខ​ខណ្ឌ​ សុខ​ភាព​របស់​អ្នក​បើក​បរ​មធ្យោ​បាយ​ចូល​រួម​ចរា​ចរណ៍​ផ្លូវ​គោក។​ ឆ្លង​តាម​រយៈ​នោះ​ អ្នក​មាន​អា​យុ​ចាប់​ពី​គ្រប់​ ១៦​ឆ្នាំ​ឡើង​ទៅ​នឹង​អនុញ្ញាត​ឱ្យ​បើក​បរ​ម៉ូតូ​ ប្រ​សិន​បើ​ មាន​លក្ខ​ខណ្ឌ​គ្រប់​គ្រាន់។​

រូប​ថត​ជា​ឧទា​ហរណ៍។

កម្រិត​អា​យុ​ដែល​ផ្ដល់​ជូន​ប័ណ្ណ​បើក​បរ​សម្រាប់​ប្រ​ភេទ​យាន​យន្ត​នីមួយ​ៗ​ ចាប់​ពី​ថ្ងៃ​ទី១ ខែ​មក​រា ឆ្នាំ​ ២០២៥ បាន​កំ​ណត់​ត្រង់​មាត្រា​៥៩ នៃ​ច្បាប់​សណ្ដាប់​ធ្នាប់​ សុវត្ថិ​ភាព​ចរា​ចរណ៍​ផ្លូវ​គោក​ឆ្នាំ​២០២៤ មាន​ដូច​ខាង​ក្រោម៖

- អ្នក​មាន​អា​យុ​គ្រប់​១៦​ឆ្នាំ​ឡើង​ទៅ​ ត្រូវ​បាន​អនុញ្ញាត​ឱ្យ​បើក​បរ​ម៉ូតូ។​

- អ្នក​មាន​អា​យុ​ចាប់​ពី​គ្រប់​១៨​ឆ្នាំ​ឡើង​ទៅ​នឹង​បាន​ផ្ដល់​ជូន​ប័ណ្ណ​បើក​បរ​ប្រ​ភេទ​ A១, A, B១, B, C១ និង​បាន​ផ្ដល់​ជូន​វិញ្ញា​បន​បត្រ​បំ​ពាក់​បំ​ប៉ន​ចំ​ណេះ​ដឹង​ផ្នែក​ច្បាប់​ អំ​ពី​ចរា​ចរណ៍​ផ្លូវ​គោក​ដើម្បី​បើក​បរ​ម៉ូតូ​ឯក​ទេស​ចូល​រួម​ចរា​ចរណ៍​ផ្លូវ​គោក។​

- អ្នក​មាន​អា​យុ​ចាប់​ពី​គ្រប់​២១​ឆ្នាំ​ឡើង​ទៅ​នឹង​បាន​ផ្ដល់​ជូន​ប័ណ្ណ​បើក​បរ​ប្រ​ភេទ​ C, BE ។​

- អ្នក​មាន​អា​យុ​ចាប់​ពី​គ្រប់​២៤ឆ្នាំ​ឡើង​ទៅ​នឹង​បាន​ផ្ដល់​ជូន​ប័ណ្ណ​បើក​បរ​ប្រ​ភេទ​ D១, D២, C១E, CE ។​

- អ្នក​មាន​អា​យុ​ចាប់​ពី​គ្រប់​២៧​ឆ្នាំ​ឡើង​ទៅ​នឹង​បាន​ផ្ដល់​ជូន​ប័ណ្ណ​បើក​បរ​ប្រ​ភេទ​ D, D១E, D២E, DE ។​

- អា​យុ​អតិ​បរមា​របស់​អ្នក​បើក​បរ​រថ​យន្ត​ដឹក​អ្នក​ដំ​ណើរ (រួម​ទាំង​រថ​យន្ត​ក្រុង) លើ​២៩​កៅ​អី​ (មិន​រាប់​បញ្ចូល​កៅ​អី​អ្នក​បើក​បរ) រថ​យន្ត​ដែល​ដឹក​អ្នក​ដំ​ណើរ​មាន​គ្រែ​ដេក​ គឺ​មាន​អា​យុ​ចាប់​ពី​គ្រប់​៥៧​ឆ្នាំ​សម្រាប់​បុរស​ មាន​អា​យុ​ចាប់​ពី​គ្រប់​៥៥​ឆ្នាំ​សម្រាប់​ស្រ្តី។​

- អ្នក​បើក​បរ​យាន​យន្ត​ចូល​រួម​ចរា​ចរណ៍​ផ្លូវ​គោក គឺត្រូវ​ធា​នា​លក្ខ​ខណ្ឌ​សុខ​ភាព​សម​ស្រប​ជា​មួយ​នឹង​មធ្យោ​បាយ​នីមួយ​ៗ​ដែល​ត្រូវ​បាន​អនុញ្ញាត​បើក​បរ។​ រដ្ឋ​មន្រ្តី​ក្រ​សួង​សុខា​ភិបាល​ កំ​ណត់​អំ​ពី​លក្ខ​ខណ្ឌ​សុខ​ភាព​ ការ​ពិនិត្យ​សុខ​ភាព​ចំ​ពោះ​អ្នក​បើក​បរ អ្នក​បើក​បរ​ម៉ូតូ​ ឯក​ទេស; ការ​ពិនិត្យ​សុខ​ភាព​តាម​កាល​កំ​ណត់​សម្រាប់​អ្នក​មាន​អា​ជីព​បើក​បរ​រថ​យន្ត; បង្កើត​មូល​ដ្ឋាន​ទិន្ន​ន័យ​ អំ​ពី​សុខ​ភាព​របស់​អ្នក​បើក​បរ អ្នក​បើក​បរ​ម៉ូតូ​ឯក​ទេស៕​

               យោង៖ soha.vn - ប្រែ​សម្រួល​៖ ថាច់​ធី