មហាសាមគ្គីជនជាតិ ភូមិស្រុកផ្លាស់ថ្មី

27/05/2024 - 16:38

ច្នៃកក់ចចូត "នាំចេញទៅប្រទេសក្រៅ"

បងប៊ូយថាញ់ឌឿក (អាយុ៣៥ឆ្នាំ ស្នាក់នៅភូមិដុងទ្រុង ឃុំតឹងចាញ់ ស្រុកកឹងដឿក ខេត្តឡុងអាង) បានច្នៃចេញជាផលិតផលយ៉ាងច្រើនពីកក់ចចូត ដូច៖ បំពង់ប៊ឺត កាបូប សម្ពៀតស្ពាយ មួក ទេសចរ៘ រួមចំណែកអភិវឌ្ឍសេដ្ឋកិច្ច ពង្រីកតម្លៃផលិតផលផ្សេងៗច្នៃពីកក់ចចូត និងការពារបរិស្ថាន។

ផលិតផលកាបូបចចូតរបស់បងឌឿក ត្រូវបានអតិថិជនជាច្រើនពេញនិយម។

បើតាមបងឌឿក ដំណាក់ការច្នៃបានជាកាបូបធ្វើពីកក់ចចូតល្អមួយ គឺមានការជ្រើសរើសវត្ថុធាតុដើមយ៉ាងហ្មត់ចត់ណាស់ និងវិនិច្ឆ័យកក់ចចូតប្រកបដោយលក្ខណៈល្អបំផុតដើម្បីធានាគុណភាព គួបផ្សំជាមួយវត្ថុផ្សេងៗដែលជាស្បែកដ៏ប្រណីត រួមជាមួយនឹងរចនាម៉ូដទំនើបផង។ ម្យ៉ាងទៀត សិប្បករនៅក្នុងមូលដ្ឋានផលិតត្បាញដោយដៃយ៉ាងផ្ចិតផ្ចង់ ប្រើប្រាស់បច្ចេកទេសដេរយ៉ាងស្ទាត់ជំនាញដើម្បីបង្កើតបានជាក្រឡាគោមល្អច្បាស់និងជាប់បានយូរ។ ឆ្លងតាមរយៈនោះ ច្នៃបានទៅជាសមិទ្ធផលផ្សេងៗដ៏អស្ចារ្យ ជាមួយភាពប៉ិនប្រសប់និងភាពជក់ចិត្តមិនចេះរីងស្ងួត។ ជំហាននីមួយៗក្នុងដំណាក់កាលច្នៃបានជាកាបូបចចូត ត្រូវបានរចនាផ្ចិតផ្ចង់ហ្មត់ចត់ ផ្តើមពីការជ្រើសរើសវត្ថុធាតុដើម វិនិច្ឆ័យកក់ចចូត រចនាម៉ូដ គួបផ្សំក្បូរក្បាច់ប៉ាក់ laser ដ៏ប្រណីត ការដេរត្បាញវាស់វែងរហូតដល់សម្រេចជាស្ថាពរ ដើម្បីបង្កើតបានជាផលតផលមួយស្រស់ស្អាត ល្អឥតខ្ចោះរួចអនុវត្តវាយតម្លៃ។ “ខ្ញុំមានបំណងលើកតម្លៃប្រភពវត្ថុធាតុដើមធម្មជាតិទាំងនេះ ឡើងទៅជា ១០ ដង បើប្រៀបធ្រៀបនឹងកាលពីមុននេះ។ អាស្រ័យហេតុនោះ ក្រៅពីធ្វើជាបំពង់ប៊ឺត ខ្ញុំថែមទាំងបើកពង្រីកវិស័យរចនាផលិតផលផ្សេងៗជាសិប្បវិចិត្រកម្មពីកក់ចចូតទៀតផង។ វត្ថុធាតុដើមដែលនាំយកមកត្រូវបានប្រើប្រាស់ទាំងអស់ ល្អបំផុតគឺពីគល់ដល់ចុង។ ខាងគល់ប្រើប្រាស់ធ្វើជាបំពង់បឺត ចំណែកផ្នែកខាងលើប្រើប្រាស់ច្នៃជាផលិតផលសិប្បកម្ម” បងឌឿក បានឱ្យដឹងដូច្នេះ។

បច្ចុប្បន្ន បងឌឿក បើកពង្រីកផលិតផលនៅស្រុកថាញ់ហ្វានិងឌឹកហ្វា។ ពិសេសផលិតផល បំពង់ប៊ឺតចចូត បាននាំចេញទៅកាន់ប្រទេសជាង ១០ ដូច៖ អាមេរិក អូស្រ្តាលី អាល្លឺម៉ង់ និងបារាំងជាដើម។ ក្នុងមួយខែផលិតផលដែលបងផ្គត់ផ្គង់ទៅទីផ្សារជាង ៣.០០០មុខ និងបំពង់ប៊ឺតជាង ១ លាន។ ឆ្លងតាមរយៈនោះ ជួយដល់ពលករជាង១៥០នាក់ ក្នុងភូមិស្រុកមានការងារធ្វើលំនឹង ហើយរួមចំណែកក្នុងការអភិវឌ្ឍផ្នែកផលិតកម្ម សិប្បវិចិត្រកម្មរបស់ខេត្តផង។ ម្យ៉ាងទៀត ផលិតផលផ្សេងៗដូច៖ បំពង់បឺត ចចូត ខណៈពេលបញ្ចេញចោលបរិស្ថានតាមពេលវេលាចាប់ពី២-៤ ខែ នឹងរលួយបានជាជីសរីរាង្គកែលម្អដីផង “ការដែលកាត់បន្ថយកាកសំណល់ទៅក្នុងបរិស្ថាន ទោះបីជារបស់អ្វីក៏ដោយ តាំងពីសំណល់សំរាមជ័រ ឬសំណល់សំរាមសរីរាង្គ អាចនឹងជួយកាត់បន្ថយសម្រាលដល់ធម្មជាតិបរិស្ថានផងដែរ។ ឆ្លងតាមរយៈ ផលិតផលផ្សេងៗរបស់ខ្លួន យើងខ្ញុំសង្ឃឹមថា អាចនឹងរួមចំណែកលើកកម្ពស់តម្លៃកសិកម្មបៃតង កសិកម្មស្អាតជិតដិតនឹងបរិស្ថាន” បងឌឿក បានចែករំលែកដូច្នេះ។

បច្ចុប្បន្ន បំពង់បឺតចចូតដែលមានយីហោ មៀងតីសាញ់របស់បងឌឿក មានវត្តមាននៅតាមផ្ទះ សណ្ឋាគារ អាហារដ្ឋាន ភោជនីយដ្ឋាន ៘ ក្នុងទូទាំងប្រទេស។ ចំណែកផលិតផល កាបូបចចូតវិញ នឹងមានវត្តមាននៅតាមប្រព័ន្ធផ្សារទំនើបផងដែរ។ ផលិតផលត្រូវបានរចនាម៉ូដផ្សេងៗគ្នា ប្រកបដោយលក្ខណៈពិសេស ទាំងនេះ ត្រូវបានសណ្ឋាគារជាច្រើនបញ្ជាទិញ ដើម្បីដាក់បង្ហាញឬលក់ជូនភ្ញៀវទេសចរ ទុកជាវត្ថុអនុស្សាវរីយ៍និងផ្សព្វផ្សាយពីផលិតផលវៀតណាមសុទ្ធសាធ៕

កាសែតកឹងធើ-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ