ព្រឹត្តិការណ៍ - នយោបាយ ព្រឹត្តិការណ៍

20/05/2024 - 15:27

ភាពរីករាយជាមួយ "ផ្ទះមនុស្សធម៌" ចំពោះអ៊ំស្រីគឹមធីប៊ែ

សាខាបក្ស ២ បក្ខភាគកាសែតកឹងធើ សហការជាមួយសមាគមមនុស្សចាស់សង្កាត់ឡុងត្វៀង ខណ្ឌប៊ិញទ្វី ក្រុងកឹងធើ ធ្វើពិធីជូន “ផ្ទះមនុស្សធម៌” ដល់អ៊ំស្រីគឹមធីប៊ែ ស្នាក់នៅមណ្ឌលប៊ិញយឿង A សង្កាត់ឡុងត្វៀង។ អ៊ំស្រីគឹមធីប៊ែ ជាសមាជិកសមាគមមនុស្សចាស់ សង្កាត់ឡុងត្វៀង ជាជនជាតិខ្មែរវ័យចាស់ សុខភាពទន់ខ្សោយ សព្វថ្ងៃរស់នៅតែម្នាក់ឯង ក្រោមដំបូលផ្ទះចាស់ទ្រុឌទ្រោម។

 ផ្ដល់ជូន “ផ្ទះមនុស្សធម៌” ដល់អ៊ំស្រីគឹមធីប៊ែ។

សាខាបក្ស ២ បក្ខភាគកាសែតកឹងធើ និងសមាគមមនុស្សចាស់សង្កាត់ឡុងត្វៀង បានចលនាអង្គភាពហិរញ្ញប្បទានគឺក្រុមហ៊ុនចំកាតដុងយឿង និងអង្គភាពជំនួយសាងសង់គឺក្រុមហ៊ុនចំកាតសំណង់ពាណិជ្ជកម្ម ដាយត្រុងផុង សាងសង់ផ្ទះជូនអ៊ំស្រីគឹមធីប៊ែ។ ផ្ទះមនុស្សធម៌នេះមានទំហំ ៤០ ម៉ែត្រការ៉េ ជញ្ជាំងឥដ្ឋ ដំបូលប្រក់ស័ង្កសី ធារក្រាលឥដ្ឋការ៉ូ។ សរុបថវិកាសាងសង់គឺ ៦៣ លាងដុង។ ក្រោយរយៈពេលដំណើរការសាងសង់ជិតកន្លះខែក៏បានសម្រេចជាស្ថាពរ។ ស្របក្នុងឱកាសនេះ សង្កាត់ឡុងត្វៀងនិងក្រុមហ៊ុនចំកាតដុងយឿង ធ្វើពិធីជូនផ្ទះមនុស្សធម៌ ព្រមទាំងគ្រឿងឧបភោគបរិភោគមួយចំនួនទៀតដល់អ៊ំស្រីគឹមធីប៊ែ៕

ឌាំងហ្វិញ-ពេជ្រសឿន

ចែករំលែកអត្ថបទ

ពាក្យគន្លឹះ