ព្រឹត្តិការណ៍ - នយោបាយ ព្រឹត្តិការណ៍

27/06/2025 - 22:58

សមាគមព្រះសង្ឃសាមគ្គីស្នេហាជាតិស្រុកកូវកែ អនុវត្តល្អការងារសុខុមាលភាពសង្គម

ជាច្រើនឆ្នាំមកនេះ សមាគមព្រះសង្ឃសាមគ្គីស្នេហាជាតិស្រុកកូវកែ ខេត្តត្រាវិញ រួមជាមួយនឹងព្រះចៅអធិការវត្តនានាក្នុងស្រុក តែងយកព្រះទ័យអនុវត្តល្អការងារសុខុមាលភាពសង្គម និងរួមចំណែកជាមួយរដ្ឋអំណាចស្រុកកូវកែ កសាងជោគជ័យស្រុកជនបទថ្មី។

ព្រះតេជព្រះគុណ ថាច់ឡែ សមាជិកអចិន្ត្រៃយ៍នៃសមាគមព្រះសង្ឃសាមគ្គីស្នេហាជាតិស្រុកកូវកែ រួមជាមួយព្រះសង្ឃ ជូនអំណោយដល់គ្រួសារក្រីក្រ។

សមាគមព្រះសង្ឃសាមគ្គីស្នេហាជាតិស្រុកកូវកែ រួមជាមួយនឹងរដ្ឋអំណាចមូលដ្ឋាន
ជូនអំណោយដល់គ្រួសារក្រីក្រ។

សមាគមព្រះសង្ឃសាមគ្គីស្នេហាជាតិស្រុកកូវកែ ជាមួយស្មារតីបង្រួបបង្រួម សាមគ្គី ជាក់ស្ដែងនិងស្ថិតក្នុងទឹកចិត្តជនជាតិ តែងទទួលបានការគាំទ្រពីសំណាក់ព្រះសង្ឃនិងពុទ្ធបរិស័ទ សមាគមព្រះសង្ឃបានពង្រីកតួនាទីក្នុងការចលនាព្រះសង្ឃនិងពុទ្ធបរិស័ទ អនុវត្តន៍សម្រេចបានលទ្ធផលល្អតាមគោលលំនាំ “សាសនា - ជនជាតិ - សង្គមនិយម”។ ជាមួយនឹងការខ្នះខ្នែងចូលរួមយ៉ាងសកម្មការងារសង្គមសប្បុរសធម៌ សមាគមព្រះសង្ឃបានរួមចំណែកកិច្ចការ “មានប្រយោជន៍ដល់សាសនានិងសង្គម” បង្កើនមហាសាមគ្គីជនជាតិ បាននិងកំពុងដើរតួនាទីយ៉ាងសំខាន់ រួមចំណែកជាមួយរដ្ឋអំណាច ក្នុងការអនុវត្តការងារសុខុមាលភាពសង្គមនិងធានាសមធម៌សង្គម។ ការងារសប្បុរសធម៌ សុខុមាលភាពសង្គមរបស់សមាគមព្រះសង្ឃជាច្រើនឆ្នាំមកនេះ អនុវត្តមានប្រសិទ្ធភាព។ ព្រះឧបជ្ឈាយ៍ ថាច់ថាវ ប្រធានសមាគមព្រះសង្ឃសាមគ្គីស្នេហាជាតិស្រុកកូវកែ មានថេរដីកា៖ “តាំងពីឆ្នាំ ២០២៣ មកទល់ពេលនេះ សមាគមព្រះសង្ឃសាមគ្គីស្នេហាជាតិស្រុកកូវកែ ចលនាថវិកាបានជិត ២៥ ពាន់លានដុង សម្រាប់ជូនជាអំណោយដល់គ្រួសារក្រីក្រ គ្រួសារប្រកៀកបន្ទាត់ក្រ គ្រួសារលំបាក មនុស្សចាស់; សាងសង់ផ្ទះមហាសាមគ្គី; កសាងផ្លូវបេតុង៨ខ្សែ សរុបជាង ៥ គីឡូម៉ែត្រ និងស្ពានជនបទ៤ខ្សែ” ។

អ្នកមីង ថាច់ធីលិញ នៅភូមិតាអោក ឃុំចូវដៀង ស្រុកកូវកែ ឱ្យដឹង៖ “គ្រួសារខ្ញុំទីទ័លក្រ ម្ល៉ោះហើយក្នុងឱកាសថ្ងៃបុណ្យទាន តែងបានរដ្ឋអំណាចនិងសមាគមព្រះសង្ឃចែកជូនអំណោយ ខ្ញុំត្រេកអរណាស់។ គ្រួសារខ្ញុំអរគុណដល់សមាគមព្រះសង្ឃសាមគ្គីស្នេហាជាតិស្រុកកូវកែ ក្នុងនោះ មានព្រះអង្គគ្រូថាច់ឡែ តែងយកព្រះទ័យទុកដាក់ដល់គ្រួសារក្រីក្រ តួយ៉ាងដូចជាគ្រួសារខ្ញុំអីចឹង។ ខ្ញុំខិតខំប្រឹងប្រែងប្រកបការងាររកស៊ី ដើម្បីជម្នះការលំបាក”។

ដើម្បីអនុវត្តការងារសុខុមាលភាពសង្គម នៅពេលខាងមុខ សមាគមព្រះសង្ឃសាមគ្គីស្នេហាជាតិស្រុកកូវកែ បង្កើនការចលនាដល់សប្បុរសជនក្នុងនិងក្រៅខេត្ត បន្តជំនួយថវិកាដើម្បីកសាងស្ពាន ផ្លូវ ជួយដល់កន្លែងដែលនៅជួបការលំបាកខ្លាំង ជូនអំណោយដល់គ្រួសារក្រីក្រ ក្នុងឱកាសថ្ងៃបុណ្យទាន។ ទន្ទឹមនឹងនោះ រួមជាមួយនឹងអង្គការមហាជននយោបាយសង្គមស្រុក អនុវត្តល្អការចលនា “ទូទាំងប្រជាជនសាមគ្គីកសាងជនបទថ្មីកម្រិតខ្ពស់ ទីប្រជុំជនស៊ីវិល័យ” “ព្រួតដៃដើម្បីអ្នកក្រ មិនទុកនរណាម្នាក់ចោល”៕

ម៉ាល័យ - ពេជ្រសឿន

ចែករំលែកអត្ថបទ

ពាក្យគន្លឹះ