ព្រឹត្តិការណ៍ - នយោបាយ ព្រឹត្តិការណ៍

04/03/2024 - 16:40

មជ្ឈមណ្ឌលសេវាកម្មរដ្ឋបាលសាធារណៈក្រុងកឹងធើ ទើបបើកដំណើរការ

មជ្ឈមណ្ឌលសេវាកម្មរដ្ឋបាលសាធារណៈក្រុងកឹងធើ ទើបទទួលឯកសារជាផ្លូវការរបស់អង្គការ បុគ្គលដែលមានតម្រូវការដោះស្រាយបែបបទរដ្ឋបាលនៅតាមស្ថាប័ននានាក្រោមឱវាទគណៈកម្មាធិការប្រជាជនក្រុងកឹងធើ។ មជ្ឈមណ្ឌលបានបង្កើតឡើងតាមសេចក្តីសម្រេចលេខ៥៩៥/QĐ-UBND ចុះថ្ងៃទី៦ ខែមីនា ឆ្នាំ២០២៣ របស់គណៈកម្មាធិការប្រជាជនក្រុងកឹងធើ។

 ប្រជាជនមកដោះស្រាយបែបបទរដ្ឋបាលនៅមជ្ឈមណ្ឌល។

មជ្ឈមណ្ឌលសេវាកម្មរដ្ឋបាលសាធារណៈក្រុងកឹងធើ ជាដើមទងក្នុងការទទួល ណែនាំ ផ្តល់ព័ត៌មាន ផ្គត់ផ្គង់សេវាកម្មក្នុងការដោះស្រាយ និងប្រគល់លទ្ធផលបែបបទរដ្ឋបាលថ្នាក់ក្រុងរបស់ស្ថាប័នឯកទេសនានាក្រោមឱវាទគណៈកម្មាធិការប្រជាជនក្រុង ដោយមានបែបបទរដ្ឋបាលប្រមាណ១.៤៣០របស់មន្ទីរ ផ្នែកឯកទេសចំនួន១៦ ក្រោមឱវាទគណៈកម្មាធិការប្រជាជនក្រុង និងគណៈគ្រប់គ្រងមណ្ឌលផលិតនាំចេញ និងឧស្សាហកម្មកឹងធើ (លើកលែងតែមន្ទីរហិរញ្ញវត្ថុ គណៈជនជាតិនិងអធិការកិច្ចក្រុង)។ មន្ទីរ ផ្នែកនីមួយៗ តែងចាត់បុគ្គលិកពី១ដល់២នាក់ ដើម្បីទទួលឯកសារ ប្តូរវេន សហការដោះស្រាយនិងប្រគល់លទ្ធផលដល់ប្រជាជន; ទន្ទឹមនឹងនោះ មន្ទីរ ផ្នែកនានានឹងរំសាយផ្នែកទទួលប្រគល់លទ្ធផលនៅមន្ទីរ ផ្នែកនានា។

ប្រជាជនមានតម្រូវការអនុវត្តបែបបទរដ្ឋបាល ទំនាក់ទំនងដោយផ្ទាល់នៅមជ្ឈមណ្ឌលសេវាកម្មរដ្ឋបាល សាធារណៈក្រុងកឹងធើ អាសយដ្ឋានលេខ១០៩ ផ្លូវង្វៀងត្រាយ សង្កាត់តឹងអាង ខណ្ឌនិញកេវ ក្រុងកឹងធើ; លេខទូរស័ព្ទ ០២៩២៣ ៨១៧ ៦៩៦។ ពេលវេលាទទួលឯកសាររបស់អង្គការនិងបុគ្គល ពេលព្រឹកចាប់ពីម៉ោង៧ដល់ម៉ោង១០:៣០នាទី; ពេលរសៀលចាប់ពីម៉ោង១៣ដល់ម៉ោង១៦:៣០នាទី (ពីថ្ងៃច័ន្ទដល់ថ្ងៃសុក្ររៀងរាល់សប្តាហ៍) ៕

យោង៖ cantho.gov.vn- ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ