ព្រឹត្តិការណ៍ - នយោបាយ ព្រឹត្តិការណ៍

05/02/2024 - 12:50

សហគមន៍ប្រជាជនដើមកំណើតវៀតណាមនៅកម្ពុជា ទទួលអំណរបុណ្យចូលឆ្នាំថ្មី

អគ្គកុងស៊ុលវៀតណាមប្រចាំនៅខេត្តបាត់ដំបងនិងខេត្តព្រះសីហនុ (ព្រះរាជាណាចក្រកម្ពុជា) បានរៀបចំកម្មវិធីជួបជុំ “និទាឃរដូវនៃស្រុកកំណើត” បាននាំមករសជាតិបុណ្យចូលឆ្នាំថ្មីជូនដល់សហគមន៍ប្រជាជនដើម កំណើតវៀតណាមដែលរស់នៅប្រកបការងារ រកស៊ី ធ្វើអាជីវកម្មនៅតំបន់ភូមិភាគពាយ័ព្យ និងនិរតីនៃប្រទេសកម្ពុជា។

ថ្នាក់ដឹកនាំសមាគមខ្មែរ-វៀតណាម សាខាខេត្តព្រះសីហនុអបអរសាទរ
អគ្គកុងស៊ុលវៀតណាមនៅខេត្តព្រះសីហនុ ស្របឱកាសបុណ្យចូលឆ្នាំថ្មី
វៀតណាម យ៉ាបធិន ២០២៤។ រូបថត៖ ហ្វាងមិញ /TTXVN

កម្មវិធីបានប្រារព្ធឡើងក្នុងបរិយាកាសដ៏កក់ក្ដៅនៃថ្ងៃបុណ្យចូលឆ្នាំថ្មី នៅក្នុងបរិវេណស្ថានអគ្គកុងស៊ុលវៀតណាមប្រចាំនៅខេត្តបាត់ដំបង ភ្នាក់ងារកុងស៊ុលទទួលបន្ទុក ៧ ខេត្តភូមិភាគពាយ័ព្យនៃប្រទេសកម្ពុជា រួមមានខេត្តបាត់ដំបង សៀមរាបពោធិ៍សាត់ បន្ទាយមានជ័យ ឧត្តរមានជ័យ ប៉ៃលិន និងព្រះវិហារ។

ថ្លែងក្នុងពិធីនេះ លោកង្វៀងថាញ់វ៉ាន់ អគ្គកុងស៊ុលវៀតណាមប្រចាំនៅខេត្តបាត់ដំបង បានគូសបញ្ជាក់៖ បក្ស រដ្ឋនិងប្រជាជនក្នុងប្រទេស តែងចាត់ទុកជនរួមជាតិនៅក្រៅប្រទេសគឺជាចំណែកសាច់ឈាមមិនអាចកាត់ផ្ដាច់បានរបស់ប្រជាជាតិវៀតណាម ពិសេសគឺមាមីងដើមកំណើតវៀតណាមរស់នៅប្រទេសកម្ពុជានិយាយរួម នៅតំបន់ភូមិភាគពាយ័ព្យនិយាយដោយឡែក តែងទទួលបានការយកចិត្តទុកដាក់យ៉ាងជ្រាលជ្រៅពីថ្នាក់ដឹកនាំបក្ស រដ្ឋនិងទូទាំងប្រជាជនក្នុងប្រទេស ក៏ដូចជាសហគមន៍ប្រជាជនដើមកំណើតវៀតណាមនៅក្រៅប្រទេស។ អគ្គកុងស៊ុល ង្វៀងថាញ់វ៉ាន់ រំពឹងថា ក្នុងពេលខាងមុខ មាមីងដើមកំណើតវៀតណាម បន្តគោរពច្បាប់ព្រះរាជាណាចក្រកម្ពុជានិងបទប្បញ្ញត្តិរបស់អាជ្ញាធរនៅមូលដ្ឋានឱ្យបានល្អថែមទៀត; រួមគ្នាខិតខំឈានឡើង សមាហរណកម្មកាន់តែស៊ីជម្រៅក្នុងសង្គមដែលខ្លួនរស់នៅសកម្មផ្លាស់ប្ដូរវិជ្ជាជីវៈ; យកចិត្តទុកដាក់គិតគូរដល់ការរៀនសូត្ររបស់កូនចៅ; ពង្រីកប្រវេណីសាមគ្គី ថែរក្សាអត្តសញ្ញាណវប្បធម៌ជនជាតិ រួមចំណែកយ៉ាងជាក់ស្ដែងក្នុងការអភិវឌ្ឍដ៏ល្អនៃទំនាក់ទំនងសហប្រតិបត្តិការរវាងវៀតណាមនិងកម្ពុជា៕

ប្រភពៈ TTXVN - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ