ព្រឹត្តិការណ៍ - នយោបាយ ព្រឹត្តិការណ៍

25/09/2023 - 15:39

សុកត្រាំង៖

ហ្វឹកហ្វឺនបំប៉នចំណេះដឹងច្បាប់ដល់មន្ត្រីសង្ឃ អ្នកមុខអ្នកការសាសនានិងអ្នកមានប្រជាប្រិយឆ្នើម ៣៥០ អង្គនិងរូប

គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ទើបរៀបចំកិច្ចប្រជុំហ្វឹកហ្វឺនបំប៉នចំណេះច្បាប់ដល់មន្ត្រីសង្ឃ អ្នកមុខអ្នកការសាសនា និងអ្នកមានប្រជាប្រិយឆ្នើម ៣៥០ អង្គ និងរូប ក្នុងជនរួមជាតិភាគតិចរបស់ខេត្ត។

ទិដ្ឋភាពនៃកិច្ចប្រជុំ។

នៅក្នុងកិច្ចប្រជុំនេះ អ្នកតំណាងទាំងឡាយបានថ្នាក់ដឹកនាំគណៈកម្មាធិការបក្សខេត្ត និងឃោសនិកផ្សព្វផ្សាយពីប្រធានបទមានខ្លឹមសារសំខាន់ៗ ដូចជា៖ ច្បាប់អនុវត្តប្រជាធិបតេយ្យនៅមូលដ្ឋាន; សារាចរលេខ ០៤/២០២៣/TT-BTC ចុះថ្ងៃទី១៩/០១/២០២៣ របស់ក្រសួងហិរញ្ញវត្ថុ ណែនាំអំពីការគ្រប់គ្រង ការចំណូលចំណាយប្រាក់សម្រាប់រៀបចំពិធីបុណ្យនិងប្រាក់បំពេញកុសល ឧបត្ថម្ភសម្រាប់កេរដំណែលនិងសកម្មភាពពិធីបុណ្យ។ នេះគឺជាសារាចរថ្មី មានខ្លឹមសារពាក់ព័ន្ធជាច្រើន ដូចជា៖ ប្រាក់បំពេញកុសល ឧបត្ថម្ភសម្រាប់កេរដំណែលនិងសកម្មភាពពិធីបុណ្យ; ពិធីបុណ្យមិនមែនស្ថាប័នរដ្ឋចាត់តាំង; ពិធីបុណ្យអាស្រ័យដោយស្ថាប័នរដ្ឋចាត់តាំង; មណ្ឌលកេរដំណែលនិងជាមូលដ្ឋានជំនឿសាសនា; មណ្ឌលកេរដំណែលនិងគ្រឹះស្ថានសាសនា...។

យោងតាមប្រសាសន៍លោក យឿងសាខា ប្រធានគណៈប្រជាចលនានៃគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង កិច្ចប្រជុំនេះ ជួយដល់អ្នកតំណាងទាំងឡាយបានយល់ច្បាស់ពីគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ ចំពោះសាសនា ជនជាតិ។ ឆ្លងតាមរយៈនោះ មន្ត្រីសង្ឃ អ្នកមុខអ្នកការសាសនា អ្នកមានប្រជាប្រិយអនុវត្តត្រឹមត្រូវតាមគោលការណ៍សាសនា ជនជាតិ ស្របតាមច្បាប់រដ្ឋ៕

លីធាន-មុនី

ចែករំលែកអត្ថបទ

ពាក្យគន្លឹះ