ព្រឹត្តិការណ៍ - នយោបាយ ព្រឹត្តិការណ៍ - នយោបាយ

18/09/2023 - 14:06

កាម៉ាវ

ស្ងើចសរសើរផលិតផលឧស្សាហកម្មជនបទគំរូចំនួន៣៧

ខេត្តកាម៉ាវ ទើបធ្វើពិធីប្រកាសនិងស្ងើចសរសើរ ផលិតផលឧស្សាហកម្មជនបទគំរូ ឆ្នាំ២០២៣។ លោក ហ្វិញវ៉ាន់ម៉ិញ នាយករងមន្ទីរឧស្សាហ-ពាណិជ្ជកម្ម មានប្រសាសន៍៖ “ផលិតផលឧស្សាហកម្មជនបទគំរូ ដែលបានស្ងើចសរសើរ នឹងត្រូវបានផ្សព្វផ្សាយ ជំរុញដំណើរការពាណិជ្ជកម្ម កែលម្អគំរូ វិនិយោគសម្ភារៈ គ្រឿងចក្រទំនើបៗ ។ល។ ផ្តើមពីនោះ អភិវឌ្ឍផលិតផលទាំងនេះទៅជាផលិតផលមានតម្លៃ ឆ្លើយតបទៅនឹងតម្រូវការទីផ្សារនៅក្នុងនិងក្រៅខេត្ត។ ឆ្ពោះទៅរកទិសដៅនាំចេញ; រួមចំណែកក្នុងការជំរុញសេដ្ឋកិច្ច- សង្គមរបស់ភូមិភាគ ពិសេសគឺការកសាងជនបទថ្មី”។

លោកហ្វិញវ៉ាន់ម៉ិញ នាយករងមន្ទីរឧស្សាហ-ពាណិជ្ជកម្ម ជូនវិញ្ញាបនបត្រដល់ម្ចាស់ផលិតផលឧស្សាហកម្មជនបទគំរូថ្នាក់ខេត្ត ឆ្នាំ២០២៣។

មកដល់ពេលនេះ ខេត្តកាម៉ាវ បានរៀបចំពិនិត្យ ជម្រើសផលិតផលឧស្សាហកម្មជនបទគំរូបាន ៦ លើក។ ឆ្នាំនេះ មាន៧ស្រុកនិងក្រុងចូលរួម ដោយមាន៣៩ ផលិតផលនៃមូលដ្ឋានផលិតចំនួន៣០។ គណៈមេប្រយោគបានទទួលស្គាល់ ៣៧ផលិតផលនៃមូលដ្ឋានផលិតចំនួន២៨។ បច្ចុប្បន្នទូទាំងខេត្ត មាន១១០ផលិតផលឧស្សាហកម្មជនបទគំរូថ្នាក់ខេត្ត ២៨ផលិតផលថ្នាក់តំបន់ និង១១ផលិតផលថ្នាក់ជាតិ៕

យោងតាមកាសែតកាម៉ាវ-បកប្រែ៖ សុផន

ចែករំលែកអត្ថបទ

ពាក្យគន្លឹះ