មហាសាមគ្គីជនជាតិ ភូមិស្រុកផ្លាស់ថ្មី

01/08/2022 - 15:08

ជនរួមជាតិខ្មែរ ព្រួតដៃកសាងភូមិស្រុក

បាកលីវ ជាខេត្តមានជនរួមជាតិខ្មែររស់នៅកុះករ ប៉ុន្មានឆ្នាំកន្លង ដោយបានការយកចិត្តទុកដាក់ពីគ្រប់ថ្នាក់ គ្រប់ផ្នែកនិងរដ្ឋអំណាចភូមិភាគ ទើបជីវភាពមាមីងខ្មែរមានការវិវឌ្ឍយ៉ាងសកម្ម។ ជីវភាពបានលំនឹងបន្តិចម្តងៗ សេដ្ឋកិច្ចរីកចម្រើន មាមីងខ្មែរខ្នះខ្នែងចូលរួមកសាងជនបទថ្មី រួមចំណែកធ្វើឱ្យភូមិស្រុកកាន់តែមានភាពស្រស់ស្អាត។

ព្រះឧបជ្ឈាយ៍ លីសាមុត ព្រះចៅអធិការវត្តខ្វែងដង្ហិត ភូមិវិញឡុក ឃុំវិញភូដុង កំពុងនិមន្តលើស្ពានដែលព្រះឧបជ្ឈាយ៍បវារណាកសាង។

ដើម្បីកៀរគរជនរួមជាតិខ្មែរខ្នះខ្នែងក្នុងចលនាកសាងជនបទថ្មី តួនាទីព្រះចៅអធិការវត្ត ព្រះសង្ឃនិងអ្នកមានប្រជាប្រិយក្នុងជនរួមជាតិខ្មែរត្រូវបានពង្រីក។ តួយ៉ាង ព្រះឧបជ្ឈាយ៍ លីសាមុត ព្រះចៅអធិការវត្តខ្វែងដង្ហិត ប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ នៅភូមិវិញឡុក ឃុំវិញភូដុង ស្រុកភឿកឡុងជាដើម។ ព្រះឧបជ្ឈាយ៍ បានរួមជាមួយនឹងភូមិភាគចលនាសង់ផ្ទះមេត្តាធម៌ជាង ៨០ ខ្នងជូនមាមីងខ្មែរក្រីក្រក្នុងភូមិ។ ខណៈពេលស្រុកភឿកឡុង អនុវត្តកម្មវិធីកសាងជនបទថ្មី ព្រះឧបជ្ឈាយ៍ លីសាមុត មានតួនាទីដ៏សំខាន់ក្នុងការចលនាពុទ្ធបរិស័ទបរិច្ចាគដីរាប់សិបពាន់ម៉ែត្រក្រឡាកសាងផ្លូវជនបទ។ ព្រះឧបជ្ឈាយ៍ នៅទាំងចលនាអង្គការសប្បុរសធម៌ ឧបត្ថម្ភបង្កើនកម្រិត បើកទូលាយផ្លូវជនបទ និងសប្បុរសជននានាកសាងស្ពាន ៤ ខ្នងសម្រាប់ប្រជាជនក្នុងឃុំធ្វើដំណើរទៅមក ជួញដូរបានងាយស្រួល។

មុខមាត់ជនបទនៅឃុំឡុកនិញ ស្រុកហុងយ៉ឹង ខេត្តបាកលីវ មានភាពរីកចម្រើនពីមួយថ្ងៃទៅមួយថ្ងៃ ដោយសារមានការរួមចំណែកពីសំណាក់ព្រះសង្ឃ អាចារ្យ និងអ្នកមានប្រជា
ប្រិយក្នុងជនរួមជាតិខ្មែរ។

ទោះបីស្ថានភាពគ្រួសារមិនធូរធារប៉ុន្មានក្ដី ប៉ុន្តែលោកយ័ញតុង នៅភូមិត្រាកោ ឃុំមិញយីវ ស្រុកហ្វាប៊ិញ បានស្ម័គ្រចិត្តបរិច្ចាគដីនៅខាងមុខផ្ទះជាង ១០០ ម២ ដើម្បីឃុំផ្សព្វផ្សាយកសាងផ្លូវបេតុងនិងស្ពាន បម្រើដល់ការផលិតកម្ម និងធ្វើដំណើរទៅមករបស់ប្រជាជន។ ក្រៅពីបរិច្ចាគដី លោកយ័ញតុង នៅទាំងចូលរួមក្រុមផ្សព្វផ្សាយចលនាសមាជិកសមាគមកសិករក្នុងភូមិ តុបតែងអនាម័យ ផ្ទះសម្បែងស្អាតបាត បង្កើនការដាំផ្កាលម្អនៅមុខផ្ទះ បង្កើតបានជាទេសភាពបរិស្ថាន បៃតង-ជ្រះ-ស្អាត; ចូលរួមដាំរបងបៃតង នៅតាមសងខាងផ្លូវដែលគ្មានផ្ទះគ្រួសារប្រជាជន ដើម្បីតភ្ជាប់ជួររបងបៃតងរបស់ភូមិ បង្កើតបានជាទិដ្ឋភាពជនបទ មានខ្យល់អាកាសបរិសុទ្ធប្រជាក់ត្រជុំ។

លោកទ្រិញថាញផុង ប្រធានគណៈជនជាតិនិងសាសនាខេត្តបាកលីវ ឱ្យដឹង៖ “រយៈពេលកន្លង ព្រះសង្ឃ អាចារ្យ អ្នកមានប្រជាប្រិយក្នុងជនរួមជាតិខ្មែរ បានអនុវត្តជាគំរូ និងឈានមុខក្នុងការកសាងជនបទថ្មី អាស្រ័យហេតុនោះ មានសំណង់ ផ្នែកការងារជាច្រើនបានអនុវត្តសម្រេចយ៉ាងឆាប់និងពង្រីកបានប្រសិទ្ធភាព៕

យោងតាមកាសែតបាកលីវ-ថាច់ធី

ចែករំលែកអត្ថបទ

ពាក្យគន្លឹះ