មហាសាមគ្គីជនជាតិ គំរូក្នុងសហគមន៍

06/12/2021 - 08:24

ខេត្តត្រាវិញបង្កើនចំនួនគោ

ត្រាវិញជាខេត្តដែលចិញ្ចឹមគោច្រើនឈរលេខ ២ នៅតំបន់វាលរាបទន្លេគឺវឡុង។ បច្ចុប្បន្ន ទូទាំងខេត្តត្រាវិញមានគោជាង ២០០.០០០ ក្បាល ហើយតាមការគ្រោងទុកដល់ឆ្នាំ ២០៣០ នឹងមានគោដល់ទៅ ៣០០.០០០ ក្បាល។

បងថាច់ផល្លា ជាគ្រួសារមួយក្នុងចំណោមគ្រួសារខ្មែរចំនួន ១៥ នៅភូមិក្រ បានឧបត្ថម្ភគោ ២ ក្បាល។

ខេត្តត្រាវិញអនុវត្តគោលនយោបាយជំនួយជាច្រើន និងផ្សព្វផ្សាយគម្រោងធំៗជាច្រើន រួមជាមួយនឹងបធានបទវិទ្យាសាស្រ្តសម្រាប់ពង្រីកហ្វូងគោឱ្យកាន់តែល្អពីមួយថ្ងៃទៅមួយថ្ងៃ។ គ្រួសារបងថាច់ផល្លា នៅភូមិក្រ ឃុំអាងក្វាងហ៊ឺវ ស្រុកថ្កូវ ទើបបានឧបត្ថម្ភគោ ២ ក្បាល (មេ១ កូន១) ពីគម្រោងមុខរបររកស៊ីខេត្តត្រាវិញ ឱ្យដឹង៖ “មិនត្រឹមតែបានឧបត្ថម្ភគោ ខ្ញុំនៅទាំងបានណែនាំបច្ចេកទេសសង់រោងគោ ដាំពូជស្មៅថ្មី របៀបផ្អាប់ស្មៅចំបើងឱ្យគោស៊ី ក៏ដូចជាបច្ចេកទេសថែទាំគោនិងផ្ដល់ប្រភេទចំណីផ្សេងទៀតដើម្បីគោឆាប់ធំធាត់”។

លោកហ្វិញវ៉ាន់ង៉ី អនុប្រធានគណៈកម្មាធិការប្រជាជនស្រុកថ្កូវ ឱ្យដឹង៖ “ការពង្រីកហ្វូងគោសាច់គុណភាពខ្ពស់ គឺដំណោះស្រាយសំខាន់ក្នុងទិសដៅកែលម្អមុខរបររកស៊ី បង្កើនប្រាក់ចំណូលជូនគ្រួសារកសិករ លុបបំបាត់ភាពអត់ឃ្លាន កាត់បន្ថយភាពក្រីក្រ ធ្វើមានប្រកបដោយចីរភាពជូនគ្រួសារកសិករជាច្រើន។ ក្រៅពីឧបត្ថម្ភពូជគោ ភូមិភាគនៅទាំងសហការជាមួយនឹងអង្គភាពនានា ណែនាំមាមីងដាំពូជស្មៅថ្មីដែលមានបរិមាណជីជាតិខ្ពស់ របៀបច្នៃចំណីសម្រេចគុណភាពខ្ពស់ឱ្យគោ រួមចំណែកបង្កើនមាឌគោ ក៏ដូចជាបង្កើនចំនួនគោពូជនិងគោសាច់លើភូមិសាស្រ្ដ”។

លោកឡេវ៉ាន់ដុង អនុប្រធានមន្ទីរកសិកម្មនិងអភិវឌ្ឍន៍ជនបទខេត្តត្រាវិញ ឱ្យដឹង៖ “មន្ទីរផ្ដុំកម្លាំងបង្កើនសមត្ថភាពសកម្មភាពនិងវិនិយោគគ្រប់សព្វតាំងពីមូលដ្ឋានសម្ភារៈ បច្ចេកទេស បុគ្គលិក ជូនមជ្ឈមណ្ឌលជំរុញកសិកម្ម ដើម្បីមជ្ឈមណ្ឌលធ្វើជាដៃគូ ចងសម្ព័ន្ធជាមួយនឹងមន្ទីរសិក្សាស្រាវជ្រាវវិទ្យាសាស្រ្តបច្ចេកទេស ដើម្បីត្រួតពិនិត្យ កសាងទម្រង់បង្ហាញ ផ្ទេរជូនណែនាំបច្ចេកទេសចិញ្ចឹមគោ ដើម្បីប្រជាជនអនុវត្តក្នុងផលិតកម្មតាមទិសដៅបង្កើតតម្លៃបន្ថែមនិងអភិវឌ្ឍចីរភាព។ ព្រមជាមួយនោះ សិក្សាស្រាវជ្រាវផ្ទេរជូនពូជថ្មីៗ សមស្របនឹងលក្ខណៈចិញ្ចឹមរបស់ខេត្ត យោងទៅតាមដំណាក់កាលអភិវឌ្ឍន៍។ លើកទឹកចិត្តប្រជាជន ចិញ្ចឹមគោតាមទិសដៅសុវត្ថិភាព ការចិញ្ចឹមតាមបែបសរីរាង្គ ឈានដល់បច្ចេកវិទ្យាទំនើប៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ