មហាសាមគ្គីជនជាតិ គំរូក្នុងសហគមន៍

16/08/2021 - 08:00

មនោសញ្ចេតនារវាងកងទ័ព-ប្រជាជននៅតំបន់ព្រំដែន

នៅភូមិត្រាផូ ឃុំភូមី ស្រុកយ៉ាងថាញ់ ខេត្តគៀងយ៉ាង មានកសិករខ្មែរវ័យចាស់មួយរូបបានយកលំនៅឋានរបស់ខ្លួនធ្វើជាតង់សម្រាប់បង្ការ ប្រឆាំងជំងឺ COVID-១៩។ រៀងរាល់ថ្ងៃ គាត់ទៅដោតសន្ទូច ដាក់មង ចាប់ត្រី។ល។ គិតគូរបាយម្ហូបឱ្យកងទ័ពហូប ដើម្បីលំនឹងចិត្តបង្ការជំងឺឆ្លងរាលដាល។

ពូលីវ៉ាន់ញើុយ សំណេះសំណាល លើកទឹកចិត្តបងប្អូនក្នុងតង់។

ដើមឆ្នាំ ២០២០ ខណៈជំងឺ COVID-១៩ ផ្ទុះរាលដាល ប៉ុស្តិ៍ការពារព្រំដែនភូមី បានធ្វើការត្រួតពិនិត្យ រកទីតាំងបោះតង់ដើម្បីបងប្អូនអន្តរផ្នែកទប់ស្កាត់ជំងឺឆ្លងរាដាល។ ឃើញដូច្នោះ ពូលីវ៉ាន់ញើុយ ដែលបងប្អូនធ្លាប់ហៅឈ្មោះជិតស្និទ្ធថា ពូបា បាននាំប្រពន្ធកូនទៅរស់នៅឯផ្សារភូមី រួចឱ្យប៉ុស្តិ៍ការពារព្រំដែនភូមីខ្ចីផ្ទះនៅក្បែរព្រែកយ៉ាងថាញ់។ ក្នុងផ្ទះមានអង្រឹង គ្រែ កន្ទេល ភួយមុងគ្រប់សព្វ។ ទីតាំងបោះជំរំនៅឆ្ងាយពីផ្សារ ឆ្លងកាត់ព្រែកប្រឡាយ បងប្អូនយប់ថ្ងៃភ្នែករំពៃមើលព្រំដែនដើម្បីបង្ការជំងឺឆ្លង ទប់ស្កាត់ការឆ្លងដែនខុសច្បាប់និងទប់ស្កាត់ការរត់គយផង។ ដោយឃើញដូច្នេះ ពូញើុយក៏ស្មគ្រចិត្តនៅមកវិញ ជួយគិតគូរចម្អិនបាយម្ហូបឱ្យបងប្អូននៅយាមតង់ ដើម្បីបងប្អូនស្ងប់ចិត្តទប់ស្គាត់ជំងឺឆ្លងរាលដាល ទោះបីគាត់មានអាយុ ៧០ ឆ្នាំប្លាយហើយក៏ដោយ។

ពូញើុយ ហូបបាយជាមួយបងប្អូនក្រោយពីម៉ោងយាម។

វរសេនីយ៍ទោ យ័ញតឹម ស្នងការនយោបាយប៉ុស្តិ៍ការពារព្រំដែនភូមី ឱ្យដឹង៖ រៀងរាល់ថ្ងៃ ទោះបីវ័យចំណាស់ក៏ពិតមែន ប៉ុន្តែពូបា នៅតែទៅនេសាទ រកម្ហូបយកមកចម្អិនដើម្បីហូបទាំងអស់គ្នា។ ពេលអស់ម៉ោងប្រចាំការវិលមកវិញ គឺបងប្អូនមានបាយសម្លហូបភ្លាម។ ពេលយប់ ក្រោយពីម៉ោងយាម ឬដើរល្បាតវិលមកវិញ គាត់បបរទាឱ្យបងប្អូនហូបទៀតផង។ “ដោយឃើញអាណិតកងទ័ពលំបាកនឿយហត់ ពេលថ្ងៃក្តៅក៏ប្រចាំការ ពេលយប់ភ្លៀងខ្យល់ក៏ដើរល្បាត។ រូបខ្ញុំចាស់ហើយ គ្មានជួយបានអ្វីច្រើនទេ បានត្រឹមតែជូយគិតគូរបាយទឹកដើម្បីក្មួយៗស្ងប់ចិត្ត មានពេលវេលាច្រើនបង្រ្កាបជំងឺឆ្លងរាលដាល។ កិច្ចការដែលពូធ្វើគ្មានអ្វីគួរលើកសគុណនោះទេ” ពូលីវ៉ាន់ញើុយ រៀបរាប់ដូច្នេះ។

ក្រោយពីម៉ោងយាមម្តងៗ បងប្អូនក្នុងតង់ អន្តរផ្នែក ផ្លាស់គ្នាបេះបន្លែ ធ្វើត្រី ដើម្បីគិតគូរពេលបាយយ៉ាងសាមញ្ញ។ ពិសេសពូញើុយ តិចឱ្យបងប្អូនធ្វើកិច្ចការផ្ទះណាស់ ដើម្បីមានពេលឈប់សម្រាក និងបំពេញភារកិច្ច។ ក្រៅពីលុយកាក់ដែលបងប្អូនរួមចំណែក ពូញើុយ នៅទាំងផ្សំបន្លែស្រែ ត្រីបង្គាដែលរកបានពីព្រែក ម្ល៉ោះហើយពេលបាយម្តងៗតែងមានគ្រប់រសជាតិនិងឆ្ងាញ់ពិសា។ ទង្វើរបស់ពូលីវ៉ាន់ញើុយ ពិតជាមានអត្ថន័យណាស់ ដើម្បីលើកទឹកចិត្ត ស្មារតីបងប្អូន ធានាយាមបង្ការ ប្រឆាំងជំងឺ COVID-១៩។ ទោះបីគ្មានគ្រួសារនៅក្បែរក៏ដោយ ប៉ុន្តែពេលបាយនៅតំបន់ជួរមុខដែលទប់ស្កាត់ជំងឺឆ្លងរាលដាលនៅតែមានភាពកក់ក្តៅរវាងកងទ័ព- ប្រជាជនជានិច្ច៕

ឡេស៊ាង-លីសៀ

ចែករំលែកអត្ថបទ

ពាក្យគន្លឹះ