ព្រឹត្តិការណ៍ - នយោបាយ ព្រឹត្តិការណ៍

12/04/2021 - 07:51

សម្រេចចិត្តលើគោលយោបាយអភិវឌ្ឍព្រមៗគ្នាតំបន់ជនជាតិភាគតិច

ថ្ងៃទី ១៨ ខែវិច្ឆិកា ឆ្នាំ ២០១៩ រដ្ឋសភាបានចេញសេចក្តីសម្រេចចិត្តលេខ ៨៨/២០១៩/QH១៤ អនុម័តគម្រោងចម្រុះអភិវឌ្ឍសេដ្ឋកិច្ច -សង្គម តំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០។ នៅថ្ងៃ ១៩ ខែមិថុនា ឆ្នាំ ២០២០ រដ្ឋសភាបានចេញសេចក្តី សម្រេចចិត្តលេខ ១២០/២០២០/QH១៤ អនុម័តគោលនយោបាយវិនិយោគកម្មវិធីទិសដៅជាតិ អភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច និងតំបន់ភ្នំ ដំណាក់កាល ២០២១-២០៣០ (ហៅកាត់ថាកម្មវិធី)។ ហើយឆ្នាំ ២០២១ នេះ ត្រូវបានចាត់ទុកថាជាឆ្នាំរបៀងដ៏សំខាន់ ដើម្បីតំបន់ជនជាតិភាគតិចនៅភូមិភាគ ខាងត្បូង ក៏ដូចជាក្នុងទូទាំងប្រទេសផ្សព្វផ្សាយអនុវត្តគោលនយោបាយសម្រេចចិត្តមានអត្ថន័យជាប្រវត្តិសាស្ត្រ។

ថ្ងៃទី ១៩ ខែមិថុនា ឆ្នាំ២០២០ រដ្ឋសភាបានចេញសេចក្តីសម្រេចចិត្តលេខ១២០/២០២០/QH១៤ អនុម័តគោលនយោបាយវិនិយោគកម្មវិធី។

អនុវត្តសេចក្តីសន្និដ្ឋានលេខ ៦៥-KL/TW របស់ការិយាល័យនយោបាយ ចុះថ្ងៃ ៣០ ខែតុលា ឆ្នាំ ២០១៩ ស្តីពីការបន្តអនុវត្តសេចក្តីសម្រេចចិត្តលេខ ២៤-NQ/TW នៃគណៈប្រតិបត្តិការមជ្ឈិមបក្ស នីតិកាល ៩ ស្តីពីការងារជនជាតិក្នុងស្ថានភាពថ្មី រដ្ឋាភិបាលនិងនាយករដ្ឋមន្រ្តី បានចង្អុលការយ៉ាងម៉ឺងម៉ាត់ ដោយការប្តេជ្ញាចិត្តនយោបាយខ្ពស់ ដើម្បីសម្រេចនូវគម្រោងនិងកម្មវិធីលើកជូនរដ្ឋសភា។ នៅសម័យប្រជុំរដ្ឋសភា លើកទី ៨ រដ្ឋសភាបានចេញសេចក្តីសម្រេចចិត្តលេខ ៨៨។ ដល់សម័យប្រជុំលើកទី ៩ រដ្ឋសភាបានចេញសេចក្តីសម្រេចចិត្តលេខ ១២០។ នៅក្នុងសម័យប្រជុំនេះ ប្រធានរដ្ឋសភា លោកស្រី ង្វៀងធីគឹមង៉ឹង បានអះអាង៖ នេះគឺជាគោលនយោបាយសម្រេចចិត្តដ៏សំខាន់ មានអត្ថន័យជាប្រវត្តិសាស្រ្ត ក្នុងការអនុវត្តនូវគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ ស្ដីពីការងារជនជាតិ ដោយបង្ហាញយ៉ាង ច្បាស់នូវទស្សនៈ “ តំបន់ភ្នំអភិវឌ្ឍដូចតំបន់ទំនាប” បង្កើតឱកាសថ្មីសម្រាប់តំបន់ជនជាតិភាគតិចពង្រីកកម្លាំងផ្ទៃក្នុង អភិវឌ្ឍន៍គ្រប់ជ្រុងជ្រោយនិងប្រកបដោយនិរន្តរភាព”។ នៅក្នុងសម័យប្រជុំឆ្លើយសំណួររបស់អ្នកតំណាងរដ្ឋសភា ស្តីពីគោលនយោបាយសម្រាប់ជនជាតិភាគតិចនិងជនជាតិតំបន់ភ្នំនៅថ្ងៃទី ៩ ខែវិច្ឆិកា ឆ្នាំ ២០២០។ ឧបនាយករដ្ឋមន្រ្តីប្រចាំការ ត្រឿងហ្វាប៊ិញ សង្កត់ធ្ងន់៖ “ នេះគឺជាដំណោះស្រាយដែលមានលក្ខណៈប្រវត្តិសាស្ត្រ ដែលជាគោលនយោបាយសម្រេចចិត្ត ស្របឆន្ទៈបក្សនិងទឹកចិត្តប្រជាជន” ។

សេចក្តីសម្រេចចិត្តលេខ ១២០ គឺជាគោលនយោបាយសម្រេចចិត្ត! ព្រោះថា តាមលោកសើុងភឿកហ្វាង អតីតអនុរដ្ឋមន្រ្តី អនុប្រធានគណៈកម្មាធិការជនជាតិបានយល់៖ “នេះជាលើកដំបូង ដែលវិស័យការងារជនជាតិមានកម្មវិធីទិសដៅជាតិ។ គឺជាដំណោះស្រាយដ៏សំខាន់មានលក្ខណៈទម្លុះទម្លាយ សំដៅផ្តុំប្រភពធនធានសម្រាប់ការអភិវឌ្ឍគ្រប់ជ្រុងជ្រោយតំបន់ជនជាតិភាគតិចនិងតំបន់ភ្នំ។ យោងតាមនោះ កម្មវិធី ត្រូវបានអនុវត្តក្នុងរយៈពេល ១០ ឆ្នាំ ដោយចែកចេញជាពីរដំណាក់កាល គឺដំណាក់កាលទី ១៖ ពីឆ្នាំ ២០២១ ដល់ឆ្នាំ ២០២៥; ដំណាក់កាលទី ២៖ ចាប់ពីឆ្នាំ ២០២៦ ដល់ ឆ្នាំ ២០៣០ ដើមទុនសរុបសម្រាប់អនុវត្តដំណាក់កាល ២០២១-២០២៥ អប្បបរមាប្រមាណ ១៣៧.៦៦៤ ពាន់លានដុង។ ផ្អែកលើលទ្ធផលនៃការអនុវត្តកម្មវិធីដំណាក់កាល ២០២១-២០២៥ រដ្ឋាភិបាលនឹងលើក ជូនរដ្ឋសភា សម្រេចប្រភពធនធានសម្រាប់អនុវត្តកម្មវិធីដំណាក់កាល ២០២៦-២០៣០ ធ្វើពិពិធកម្មប្រភពធនធានក្នុងនោះថវិការដ្ឋ ជាសំខាន់និងជាកត្តាសម្រេចអាទិភាពបែងចែកប្រភពទុនជំនួយអភិវឌ្ឍន៍ផ្លូវការ (ODA) ក្នុងការអនុវត្តកម្មវិធី។ កៀរគរ លើកទឹកចិត្ត ការចូលរួមនិងការរួមចំណែករបស់អាជីវកម្ម អង្គការនិងបុគ្គល។

តំបន់វាលរាបទន្លេគឺវឡុង មានជនជាតិភាគតិចជាង ១,៥ លាននាក់ ស្រូបអត្រាប្រមាណ ៦,៨% នៃចំនួនប្រជាជនទូទាំងតំបន់។ ក្នុងនោះ ជនរួមជាតិខ្មែរមានជាង ១,២ លាននាក់។ រយៈពេលកន្លង ទោះបីភូមិភាគនានា បានផ្សព្វផ្សាយអនុវត្តព្រមៗគ្នានូវគោលនយោបាយជនជាតិជាច្រើន ប៉ុន្តែជីវភាពរបស់ជនជាតិភាគតិចមួយចំនួននៅជួបការលំបាកច្រើន។ លោកត្រឹងហ្វាងញ៉ អនុប្រធានគណៈជនជាតិខេត្តកាម៉ាវ បាន ចែករំលែក៖ កាម៉ាវក៏ដូចជាតំបន់ដែលមានជនជាតិភាគតិចរស់នៅកុះករនៅភូមិភាគខាងត្បូងដែរ មានការរំពឹងយ៉ាង ខ្លាំងចំពោះកម្មវិធី ។ល។ ត្រៀមបម្រុង សម្រាប់ផ្សព្វផ្សាយអនុវត្តកម្មវិធី គណៈជនជាតិខេត្តបានបង្កើត និងអនុវត្តការត្រួតពិនិត្យស្ថានភាពសេដ្ឋកិច្ច-សង្គម ក្តោបក្តាប់ស្ថានភាពផលិតកម្មជីវភាព គោលបំណង ក៏ដូចជាបញ្ហាបន្ទាន់ចាំបាច់នៅក្នុងតំបន់ជនជាតិភាគតិច។ នេះគឺជាមូលដ្ឋានសម្រាប់វាយតម្លៃពីប្រសិទ្ធភាពនៃការគ្រប់គ្រងរដ្ឋខាងជនជាតិ លទ្ធផលនៃការអនុវត្តគោលនយោបាយជនជាតិនាពេលកន្លង។ ហើយសំខាន់ ជាងនេះទៅទៀតលទ្ធផលនេះក៏ជាមូលដ្ឋានគ្រឹះសម្រាប់ធ្វើសេនាធិការខាង គម្រោងផែនការ ក៏ដូចជាធ្វើសេនាធិការសម្រាប់ការបែងចែកសមស្របប្រភពធនធាន អនុវត្តនូវកម្មវិធីនិងគោលនយោបាយជនជាតិនៅភូមិភាគនា ពេលខាងមុខ។

ដើម្បីអនុវត្តកម្មវិធីប្រកបដោយប្រសិទ្ធភាព មានមតិជាច្រើនបាននិយាយថា នៅតំបន់តីណាមបូ ដំបូងបង្អស់ត្រូវជម្នះនូវចំណុចអន់ថយ ខ្វះខាតក្នុងការបង្កើតគោលនយោបាយនិងការងារជនជាតិ នៅដំណាក់កាលមុនៗ។ ទន្ទឹមនឹងនោះ គប្បីផ្តោតសំខាន់ទៅលើដំណោះស្រាយ ប្រកបដោយប្រសិទ្ធភាពក្នុងលក្ខខណ្ឌនៃសម័យអភិវឌ្ឍរហ័សបច្ចេកវិទ្យាថ្មី; បម្រែបម្រួលអាកាសធាតុ ស្មុគស្មាញ អាកាសធាតុមិនអំណោយផល គ្រោះមហន្តរាយធម្មជាតិ និងជំងឺរាតត្បាតកើតឡើងជាញឹកញាប់។ សកម្មភាពសេដ្ឋកិច្ច-សង្គមមានការប្រកួតប្រជែងយ៉ាងខ្លាំងក្លាក្នុងយន្តការទីផ្សារ ។ល។ ភូមិភាគនៅតំបន់តីណាមបូ គប្បីតម្លាភាពប្រជាធិបតេយ្យ តាមស្មារតីជំរុញការខិតខំឈានឡើងរបស់ប្រជាជនក្នុងការអនុវត្តកម្មវិធី។ បន្តការផ្សព្វផ្សាយបញ្ជ្រាបគោលលំនាំ” ប្រជាជនដឹង ប្រជាជន ពិភាក្សា ប្រជាជនធ្វើ ប្រជាជនពិនិត្យ ប្រជាជនទទួលផល” អនុវត្តគោលការណ៍ “ឃុំនិងភូមិមានការដ្ឋាន ប្រជាជនមានការងារធ្វើ បង្កើនបានប្រាក់ចំណូល”។ មានតែដូច្នេះទេ ទើបអាចធានាថាកម្ម វិធីត្រូវបានអនុវត្តចំភូមិភាគនិងមុខសញ្ញា ទទួលផល តំបន់ជនជាតិភាគតិចទើបអាចអភិវឌ្ឍព្រមៗគ្នា និងគ្រប់ជ្រុងជ្រោយ៕

ថាញឡុង-ប្រែសម្រួល៖ សុផន

គម្រោងសមាសភាពទាំង ១០ នៃកម្មវិធី

គម្រោងទី ១៖ ការដោះស្រាយស្ថានភាពកង្វះដីសង់លំនៅឋាន ផ្ទះដីផលិតនិងទឹកប្រើប្រាស់របស់គ្រួសារជនជាតិភាគតិច។

គម្រោងទី ២៖ រៀបចំឡើងគម្រោងប្ល៉ង់ពង្រាយ និងលំនឹងតំបន់ប្រជាជនតាំងទីលំនៅ នៅកន្លែងចាំបាច់។

គម្រោងទី ៣៖ អភិវឌ្ឍផលិតកសិ-រុក្ខកម្ម ពង្រីកសក្តានុភាពនិងប្រៀបខ្លាំងនៃតំបន់នីមួយៗ ដើម្បីផលិតមុខទំនិញទៅតាមខ្សែសង្វាក់តម្លៃ (មានអនុគម្រោងចំនួន ៣ ) ។

គម្រោងទី ៤៖ វិនិយោគហេដ្ឋារចនាសម្ព័ន្ធសំខាន់ៗបម្រើការផលិតនិងជីវភាពនៅតំបន់ជនជាតិភាគតិចនិងតំបន់ភ្នំនិងអង្គភាពបុព្វហេតុរដ្ឋលើវិស័យជនជាតិ។

គម្រោងទី ៥៖ អភិវឌ្ឍការអប់រំនិងបណ្តុះបណ្តាល លើកកម្ពស់ប្រភពធនធានមនុស្ស (មានអនុគម្រោងចំនួន ៣ )។

គម្រោងទី ៦៖ អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់ជនជាតិភាគតិចផ្សារភ្ជាប់ជាមួយការអភិវឌ្ឍទេសចរណ៍។

គម្រោងទី ៧៖ ថែទាំសុខភាពជូនប្រជាជន បង្កើនសារពាង្គកាយ មាឌកម្ពស់ជនជាតិភាគតិច។ បង្ការទប់ស្កាត់កង្វះអាហារូបត្ថម្ភចំពោះកុមារ។

គម្រោងទី ៨៖ អនុវត្តសមភាពយេនឌ័រនិងដោះស្រាយបញ្ហាបន្ទាន់ចំពោះស្ត្រីនិងកុមារ។

គម្រោងទី ៩៖ វិនិយោគអភិវឌ្ឍក្រុមជនជាតិភាគតិចដែលមានចំនួនមនុស្សតិច និងក្រុមជនជាតិភាគតិចនៅជួបការលំបាកច្រើន។

គម្រោងទី ១០៖ ការទំនាក់ទំនង ឃោសនានិងចលនានៅក្នុងតំបន់ជនជាតិភាគតិច។ ពិនិត្យត្រួតពិនិត្យនិងវាយតម្លៃការអនុវត្តកម្មវិធី (មានអនុគម្រោងចំនួន២)។