ព្រឹត្តិការណ៍ - នយោបាយ ព្រឹត្តិការណ៍

08/06/2020 - 14:14

កម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ មានភាពស៊ីជម្រៅ

រដ្ឋមន្រ្តី ប្រធានគណៈកម្មាធិការជនជាតិឌោវ៉ាន់ចៀង ទទួលការប្រគល់សិទ្ធិរបស់នាយករដ្ឋមន្រ្តីនៃរដ្ឋាភិបាល ថ្លែងរបាយការណ៍ដាក់សំណើគោលការណ៍វិនិយោគកម្ម វិធីទិសដៅជាតិ។

បញ្ជាក់ពីភាពចាំបាច់និងស្នើរដ្ឋសភា ដាក់ចេញនូវសេចក្តីសម្រេចចិត្តផ្តល់សច្ចានុមតិ លើគោលការណ៍វិនិយោគកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ (ហៅកាត់ថា កម្មវិធីទិសដៅជាតិ) ។ល។ ជាបញ្ហាត្រូវបានលើកឡើងក្នុងសម័យប្រជុំនៅថ្ងៃទី២៨ ខែឧសភា នាសម័យប្រជុំលើកទី៩ រដ្ឋសភានីតិកាលទី១៤។

ទទួលការប្រគល់សិទ្ធិរបស់នាយករដ្ឋមន្រ្តីនៃ រដ្ឋាភិបាល របាយការណ៍ស្ដីពីការដាក់សំណើគោលការណ៍វិនិយោគកម្មវិធីទិសដៅជាតិ រដ្ឋមន្រ្តី ប្រធានគណៈកម្មាធិការជនជាតិ ឌោ វ៉ាន់ចៀង មានប្រសាសន៍៖ ការសម្រេចចិត្តវិនិយោគ កម្មវិធីទិសដៅជាតិ គឺជាការចាំបាច់ណាស់ ដោយមូលហេតុថា តំបន់ជនរួមជាតិភាគតិចនិងតំបន់ភ្នំតែងបានបក្ស រដ្ឋផ្តោតការយកចិត្តទុកដាក់យ៉ាង ពិសេសក្នុងការវិនិយោគសម្រេចបានសមិទ្ធផលដ៏ធំធេង ហេដ្ឋារចនាសម្ព័ន្ធសេដ្ឋកិច្ច-សង្គម ត្រូវបានកែលម្អច្បាស់លាស់ ប៉ុន្តែបច្ចុប្បន្ន នៅតែជាតំបន់លំបាកបំផុត គុណភាពប្រភពធនធានមនុស្សនៅមានកម្រិតទាប សេដ្ឋកិច្ច-សង្គមអភិវឌ្ឍន៍យឺត ការកៀកជិតសេវាកម្មសង្គមជាមូលដ្ឋាន ក៏នៅទាបអត្រាគ្រួសារក្រីក្រខ្ពស់។ ជាមូលហេតុមួយក្នុងចំណោមមូលហេតុជាច្រើនដែលនាំឱ្យកើតមានស្ថានភាពដូចពោលខាងលើ គឺតំបន់ជនរួមជាតិភាគតិចនិងតំបន់ភ្នំ ផ្តើមពីចំណុចទាប ភូមិសាស្រ្តដាច់ដោយឡែក អាកាសធាតុមិនអំ ណោយផល គោលនយោបាយមួយចំនួននៅមានភាពខ្វះចន្លោះ។ កម្មវិធីទិសដៅជាតិសំដៅកាត់បន្ថយភាពខ្វះចន្លោះក្នុងការងារជនជាតិ និងការអនុវត្តគោលនយោបាយជនជាតិ គឺជាដំណោះស្រាយមួយដ៏សំខាន់បំផុត ដើម្បីសម្រេចបាននូវ ទិសដៅនៃសេចក្តីសម្រេចចិត្តលេខ ៨៨/២០១៩ /QH១៤ របស់រដ្ឋសភា ផ្តល់សច្ចានុម័តិលើគម្រោង ចម្រុះអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ ដំណាក់កាល ២០២១-២០៣០។

ចំពោះដំណោះស្រាយអនុវត្តកម្មវិធី តាមប្រសាសន៍លោករដ្ឋមន្រ្តី ប្រធានគណៈកម្មាធិការជនជាតិ ឌោវ៉ាន់ចៀង ដំណោះស្រាយដ៏សំខាន់ នោះគឺបែងកំណត់តំបន់ជនរួមជាតិភាគតិចនិងតំបន់ភ្នំ តាមកម្រិតនៃការអភិវឌ្ឍ ដើម្បីប្រមូលផ្តុំវិនិយោគនៅចំណុចសំខាន់ៗដល់ភូមិសាស្រ្តដែលមានស្ថានភាពលំបាកខ្លាំង ក្រុមជនជាតិដែលមានជីវភាពលំបាកពិសេសដោយឡែក។ អនុវត្តយន្តការពិសេសដោយឡែកមួយចំនួន ដើម្បី អនុវត្តគម្រោងនានារបស់កម្មវិធី។ ធ្វើពិពិធកម្មប្រភពទុន ក្នុងនោះទុនរដ្ឋជាសំខាន់ និងមានអត្ថន័យក្នុងការសម្រេច បង្កលក្ខណៈងាយស្រួល ដើម្បីកៀរគរទុន ODA និងជំរុញការទាក់ទាញរាល់ប្រភពទុនក្រៅថវិកា លើកទឹកចិត្តចំពោះការចូលរួម រួមវិភាគទានពីសំណាក់ប្រជាជនដើម្បីអនុវត្តនូវទិសដៅនៃកម្មវិធីតាមគោលការណ៍ "រដ្ឋនិងប្រជាជនរួមគ្នាធ្វើ"។ គួបផ្សំអនុវត្តសមភាពយេនឌ័រក្នុងការផ្សព្វផ្សាយអនុវត្តកម្មវិធី។ បង្កើនការ ងារត្រួតពិនិត្យ ឃ្លាំមើលនៅគ្រប់លំដាប់ថ្នាក់ កៀរគរទូទាំងប្រព័ន្ធនយោបាយចូលរួមតាមដាន ឃ្លាំមើល ធានាអនុវត្តជោគជ័យនូវទិសដៅនៃកម្ម វិធី។ល។

ថ្លែងរបាយការណ៍ពិនិត្យបញ្ជាក់ និងរបាយការណ៍ដាក់សំណើគោលការណ៍វិនិយោគកម្មវិធី ទិសដៅជាតិ ប្រធានក្រុមប្រឹក្សាជនជាតិនៃរដ្ឋសភា ហាង៉ុកចៀង បញ្ជាក់៖ "កម្មវិធីទិសដៅ ជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ តែងបានសមមិត្តថ្នាក់ដឹកនាំបក្ស រដ្ឋសភា រដ្ឋាភិបាល ចាត់ទុកជាសេចក្តីសម្រេចមួយប្រកប ដោយលក្ខណៈប្រវត្តិសាស្រ្តនិងយកចិត្តទុកដាក់ ពិសេស ចង្អុលការប្រកៀកនឹងដំណាក់ការដាក់សំណើ កសាងអនុវត្តសម្រេចរួចរាល់។ នេះជាកម្មវិធីប្រកបដោយលក្ខណៈពិសេស និងសំខាន់ក្នុងការងារជនជាតិ គោលនយោបាយជនជាតិរបស់បក្សនិងរដ្ឋយើង ឆ្លើយតបទៅនឹងការទន្ទឹមរង់ចាំរបស់ជនរួមជាតិភាគតិចទូទាំងប្រទេស ប្រមាណជាង១៤លាននាក់"។

ក្រុមប្រឹក្សាជនជាតិនៃរដ្ឋសភា សង្កេតឃើញថា ឯកសាររបាយការណ៍ដាក់សំណើវិនិយោគកម្មវិធីទិសដៅជាតិឆ្លើយតបទៅនឹងតម្រូវការ គ្រប់លក្ខណៈសម្បត្តិដើម្បីលើកជូនរដ្ឋសភារំពឹងថា ទទួលបានការផ្តល់មតិរបស់សមាជិករដ្ឋសភា ធ្វើឱ្យសុក្រឹត លើកកម្ពស់គុណភាព ធានាលក្ខណៈជាក់ស្តែងនៃកម្មវិធីដើម្បីអនុម័តិនៅក្នុងសម័យប្រជុំនេះ។ "ស្នើរដ្ឋសភាដាក់ចេញនូវសេចក្តីសម្រេចចិត្តផ្តល់សច្ចានុមតិគោលការណ៍ វិនិយោគកម្មវិធីទិសដៅជាតិ ដើម្បីអនុវត្តចាប់ពីឆ្នាំ២០២១។ ផ្អែកលើមូលដ្ឋាននៃសេចក្តីសម្រេចចិត្ត ផ្តល់សច្ចានុមតិគោលការណ៍វិនិយោគកម្ម វិធីទិសដៅជាតិនៃរដ្ឋសភា រដ្ឋាភិបាលចង្អុលការកសាងអនុវត្តជាក់ស្តែងនិងរៀបចំអនុវត្តកម្មវិធីទិសដៅជាតិតាមការកំណត់របស់ច្បាប់។ រដ្ឋាភិបាល គួរដាក់ចេញជាបន្ទាន់នូវភាគកម្រិតនៃការបែងកំណត់តំបន់ជនរួមជាតិភាគតិច និងតំបន់ភ្នំ ដោយមានសេចក្តីសម្រេចផ្តល់សច្ចានុមតិជាផ្លូវការនៅតាមឃុំ ភូមិឱ្យច្បាស់លាស់ ដែលឋិតក្នុងក្របខ័ណ្ឌវិនិយោគនៃកម្មវិធីទិសដៅជាតិ" -ប្រធានក្រុមប្រឹក្សាជនជាតិនៃរដ្ឋសភា ហាង៉ុកចៀង បានសំណូមពរដូច្នេះ៕

យោង៖ http://baodantoc.com.vn-មុនី

ចែករំលែកអត្ថបទ

ពាក្យគន្លឹះ