ព្រឹត្តិការណ៍ - នយោបាយ ព្រឹត្តិការណ៍

08/06/2020 - 14:14

រួមគ្នាខិតខំ ឆ្លងកាត់ការលំបាកសាកល្បងចាប់យកឱកាស ស្តារខឿនសេដ្ឋកិច្ចឡើងវិញ

នោះជាប្រធានបទសន្និសីទរវាង នាយករដ្ឋមន្ត្រីនៃរដ្ឋាភិបាល ជាមួយនឹងអាជីវកម្ម បានចាត់តាំងឡើងកាលពីថ្ងៃទី៩ ខែឧសភា ឆ្នាំ២០២០ តាមប្រព័ន្ធអនឡាញ ជាមួយនឹងទីតាំងបណ្ដាញតភ្ជាប់ភូមិភាគចំនួន៦៣ បណ្ដាញតភ្ជាប់ក្រសួង ផ្នែកចំនួន៣០ និងផ្សាយបន្តផ្ទាល់តាមរយៈស្ថានីយទូរទស្សន៍វៀតណាម។ នាយករដ្ឋមន្ត្រី នៃរដ្ឋាភិបាល ង្វៀនស្វឹនភុក ជាអធិបតីក្នុងអង្គសន្និសីទនេះ។

ទិដ្ឋភាពអង្គសន្និសីទ។

ថ្លែងយោបល់ក្នុងអង្គសន្និសីទ នាយករដ្ឋមន្ត្រី ង្វៀនស្វឹនភុក ឱ្យដឹង៖ "យើងកំពុងស្ថិតក្នុងដំណាក់កាលដែលជាចំណុចរបត់ថ្មីនៃប្រវត្តិសាស្រ្ត មិនចំពោះតែប្រទេសវៀណាមនោះទេ នៅមានប្រទេសជាច្រើនទៀតនៅលើសកលលោក អាស្រ័យរោគកំណាច Covid-១៩ នេះបង្កឡើង"។ ចំពោះមុខការលំបាកសាកល្បងនោះ វៀតណាមបានស្វែងរកយុទ្ធសាស្រ្ត គោលដៅរួម មួយផ្នែកបង្ការ ទប់ស្កាត់ជំងឺ មួយផ្នែកទៀតនៅតែធានាសកម្មភាពសេដ្ឋកិច្ចអប្បបរមា ដើរទន្ទឹមនឹងការកែទម្រង់គោលច្បាប់ និងបង្វែរចលនាសម្ព័ន្ធ ដើម្បីសន្ទុះនៃកំណើនមានការរីករាលដាល អាចនឹងមានកំណើនឡើងវិញក្នុងពេលឆាប់ៗ ខណៈជំងឺបានគ្រប់គ្រងល្អ។ នាយករដ្ឋមន្ត្រី បានសង្កត់ធ្ងន់ ត្រូវតែប្រមូលផ្តុំជាងទៀត ធ្វើយ៉ាងណាដើម្បីឱ្យខឿនសេដ្ឋកិច្ចវៀតណាមដំណើរការឡើងវិញ ខិតខំសម្រេចកំណើន GDP ជាង ៥% គឺមិនមែនដូចការព្យាករណ៍របស់ IMF គឺត្រឹមតែ ២,៧%នោះទេ ទន្ទឹមនឹងនោះ ត្រូវគ្រប់គ្រងអតិផរណាក្រោម ៤%។ បើចង់បានដូច្នេះ យើងត្រូវប្រមូលផ្តុំទៅលើ "ប្រយុទ្ធលើមុខព្រួញ៥"។ ទី១៖ គឺទាក់ទាញវិនិយោគពីសមាសភាពសេដ្ឋកិច្ចក្នុងប្រទេស ដំបូងបង្អស់គឺវិនិយោគវិស័យឯកជន។ ទី២៖ គឺទាក់ទាញ FDI។ ទី៣៖ គឺជំរុញនីហរ័ណ។ ទី៤៖ គឺជំរុញវិនិយោគសាធារណៈ។ ទី៥៖ គឺលើកទឹកចិត្តប្រើប្រាស់ផលិតផលក្នុងស្រុកដែលមានចំនួនប្រជាជនជិត១០០លាននាក់។ ជាមួយនឹងសហគមន៍អាជីវកម្មវៀតណាម នាយករដ្ឋមន្ត្រី ដាក់ចេញនូវសំណើ៦យ៉ាង។ ទី១៖ គឺស្នេហាជាតិ ពីព្រោះធ្វើការងារអ្វីក៏ដោយបើមិនគិតដល់ប្រទេសជាតិគឺមិនអាចក្លាយជាអាជីវកម្មធំបានឡើយ។ ស្នេហាជាតិក៏មានន័យថា ត្រូវចេះគោរពច្បាប់ ត្រូវមានស្មារតីចែករំលែក។ ទី២៖ គឺការសាមគ្គី បើគ្មានការសាមគ្គីទេ គឺខ្លួនយើងទន់ខ្សោយដោយខ្លួនឯង គប្បីសហការគ្នាជាធ្លុងមួយ។ ទី៣៖ មិនត្រូវធុញទ្រាន់ ពីព្រោះការធុញទ្រាន់ធ្វើឱ្យយើងបោះបង់ចោលពាក់កណ្ដាលការ។ ទី៤៖ គឺស្វាហាប់តាំងចិត្ត ពីព្រោះការបាត់ភាពម្ចាស់ការ ស្ទាក់ស្ទើរគឺធ្វើឱ្យយើងបាត់បង់នូវឱកាស។ ទី៥៖ គឺគំនិតច្នៃប្រតិដ្ឋ ពីព្រោះបើខ្វះគំនិតច្នៃប្រតិដ្ឋ គឺយើងធ្លាក់មកនៅខាងក្រោយ។ ទី៦៖ គឺគប្បីមានក្តីជំនឿ ពីព្រោះបើខ្វះក្តីជំនឿ គឺយើងបោះបង់ចោលខ្លួនយើង។

សន្និសីទបានកត់សម្គាល់និងបូកសរុបនូវគំនិតច្នៃប្រតិដ្ឋ សំណើរបស់សហគមន៍អាជីវកម្ម អ្នកឯកទេស និងប្រជាជនអំពីដំណោះស្រាយចាំបាច់ឧបត្ថម្ភអាជីវកម្ម ស្ដារនិងអភិវឌ្ឍឡើងវិញ ក្រោយពីរោគកំណាចរាតត្បាត ហើយឆ្លងតាមរយៈនោះ សិក្សាស្រាវជ្រាវ ដាក់ចេញជាធរមានផែនការសកម្មភាព ឬសេចក្តីសម្រេចចិត្តរបស់រដ្ឋាភិបាល ដើម្បីដំណើរការស្តារខឿនសេដ្ឋកិច្ចឡើងវិញ៕

យោង៖ http://baodantoc.com.vn-វិមាន

ចែករំលែកអត្ថបទ

ពាក្យគន្លឹះ