គោលនយោបាយ -ការរស់នៅ ការរស់នៅ

19/06/2018 - 09:29

បង្កការងារធ្វើជូនពលករ

ឃុំង៉ូវឡាក ស្រុកយ្វៀនហាយ ខេត្តត្រាវិញ ខិតខំប្រឹងប្រែងយ៉ាងហោចណាស់មានពលករចំនួន៤០០នាក់ មានការងារធ្វើក្នុងឆ្នាំ២០១៨។

បងស្រីថាច់ធ្វីឡិញ កំពុងបែងប្រភេទគ្រាប់ស្វាយចន្ទីនៅមូលដ្ឋានអាជីវកម្មតាយវូ។

កាលពីឆ្នាំកន្លង ឆ្លងតាមរយៈសកម្មភាពបណ្តុះបណ្តាលវិជ្ជាជីវៈ ក៏ដូចជាការចងសម្ព័ន្ធជាមួយនឹងអាជីវកម្ម ក្រុមហ៊ុននៅក្នុងនិងក្រៅខេត្ត ឃុំបានដោះស្រាយការងារធ្វើថ្មីជូនពលករចំនួន៧៥០នាក់។ ក្នុងនោះ ជនរួមជាតិខ្មែរស្រូបអត្រាជាង៧០%។ ដោយឡែកក្នុង៤ខែដើមឆ្នាំ២០១៨ ឃុំង៉ូវឡាក អនុវត្តសម្រេចជោគជ័យជាបន្តបន្ទាប់នូវការបណ្តុះបណ្តាលវិជ្ជាជីវៈ ដោះស្រាយការងារធ្វើថ្មីជូនដល់ពលករជាច្រើន។ល។ អ្នកស្រីង្វៀនធីញើនហ្វា ប្រធានគណៈកម្មាធិការប្រជាជនឃុំង៉ូវឡាក ឲ្យដឹង៖ “ការផ្ដុំកម្លាំងលើកកម្ពស់ប្រសិទ្ធភាពបណ្តុះបណ្តាលវិជ្ជាជីវៈ ដោះស្រាយការងារធ្វើជូនពលករនៅនឹងកន្លែង បានរួមចំណែកយ៉ាងសំខាន់ក្នុងការលុបបំបាត់ភាពក្រីក្ររបស់ភូមិភាគ បង្កើនប្រាក់ចំណូលនិងកែលម្អជីវភាពរបស់ប្រជាជនតំបន់ជនបទ ពិសេសគឺតំបន់ជនរួមជាតិខ្មែរ”។

អ្នកស្រីង្វៀនធីញើនហ្វា បានផ្តល់ព័ត៌មានបន្ថែម៖ ទន្ទឹមនឹងការដោះស្រាយការងារធ្វើក្នុងវិស័យកសិកម្ម មានដូច៖ ការវិនិយោគទុនពីគម្រោងកម្មវិធី១៣៥របស់រដ្ឋាភិបាល គម្រោងសម្របនឹងការប្រែប្រួលអាកាសធាតុ តំបន់វាលរាបទន្លេគឺវឡុង(AMD)។ល។ ឃុំ បានសហការជាមួយនឹងផ្នែកជំនាញរបស់ខេត្ត ស្រុក ក្នុងការបើកថ្នាក់បង្រៀនវិជ្ជាជីវៈ ឧទ្ទេសនាមពលករចូលធ្វើការនៅតាមក្រុមហ៊ុន អាជីវកម្ម។ សម្លឹងជារួមរៀងរាល់ឆ្នាំ ពលករទៅធ្វើការនៅតាមក្រុមហ៊ុន អាជីវកម្មក្រៅខេត្ត តែងសន្សែសន្សំបានប្រាក់កាស ដើម្បីផ្ញើមកឲ្យគ្រួសារសង់ផ្ទះ បង្កបានប្រភពចំណូលលំនឹង។

ចាប់ពីឆ្នាំ២០១៥ ឆ្លងតាមរយៈអាជីវកម្មមូលដ្ឋានផលិតកម្មលើភូមិសាស្រ្តឃុំបានចូលរួមប្រកបដោយប្រសិទ្ធភាព ក្នុងការដោះស្រាយការងារធ្វើជូនពលករវ័យចំណាស់។ តួយ៉ាងដូចមូលដ្ឋានអាជីវកម្មតាយវូ នៅភូមិពលស្រ័យបានដោះស្រាយការងារធ្វើជូនពលករជិត៦០០នាក់ ជាមួយនឹងប្រាក់ចំណូលប្រមាណ៥,៥លានដុង/នាក់/ខែ (កម្មករបែងប្រភេទគ្រាប់ស្វាយចន្ទី) និង២លានដុង/នាក់/ខែ (ពលករពុះគ្រាប់ស្វាយចន្ទី)។ បងស្រីម៉ាយធីវូ នាយិកា អាជីវកម្ម តាយវូ ឲ្យដឹង៖ “អាជីវកម្មយើងខ្ញុំបានគម្រោងសម្របនឹងការប្រែប្រួលអាកាសធាតុតំបន់វាលរាបទន្លេគឺវឡុង ឧបត្ថម្ភក្នុងការវិនិយោគទុនទិញសម្ភារៈគ្រឿងចក្របម្រើការផលិតកម្ម។ ឆ្លងតាមរយៈនោះ បង្កលក្ខណសម្បត្តិល្អថែមទៀតសម្រាប់អាជីវកម្មបើកទូលាយទម្រង់ផលិតទាក់ទាញ ពលករដែលទំនេរពីការងារស្រែចម្ការក្នុងភូមិភាគ។ ព្រមជាមួយនោះ ភាគីអាជីវកម្មក៏ខិតខំបង្កើនប្រាក់ចំណូលបន្ថែម ជូនដល់ពលករ បើប្រៀបនឹងឆ្នាំ២០១៧ និងធានាបានផលប្រយោជន៍រវាងអាជីវកម្ម និងពលករ”។ បងស្រីសឺនធីថាញ់ នៅភូមិកីយ៉ាជាពលការិនីរបស់មូលដ្ឋានអាជីវកម្មតាយវូ ឲ្យដឹង៖ បងស្រីបានធ្វើការនៅទីនេះ៤ឆ្នាំ ហើយមិនត្រឹមតែរកបានប្រាក់ចំណូលលំនឹងប៉ុណ្ណោះទេ គាត់ថែមទាំងមានឱកាសថែទាំកូនចៅនិងចិញ្ចឹមសត្វជាលក្ខណៈគ្រួសារទៀតផង។ ជាមួយនឹងការងារបែងប្រភេទគ្រាប់ស្វាយចន្ទី បងស្រីរកបានចំណូលពី១០០.០០០ដល់១២០.០០០ដុង/ថ្ងៃ៕

ម៉ាល័យ–សេរី

ចែករំលែកអត្ថបទ

ពាក្យគន្លឹះ